:فالنتاين الثورة حمزاوي أطالب بجعل الفالنتاين عطلة رسمية الكتاتني: لا تزايد فلست أكثر

[.. New life recharge]

فالنتاين الثورة.. حمزاوي:أطالب بجعل الفالنتاين عطلة رسمية، الكتاتني: لا تزايد فلست أكثر منا رومانسية


Tue, 02/14/2012 - 03:41




تويتر يحتفل "بفالنتاين الثورة"..
- تشربي حاجة يا حبيبتي؟ .. آه ياريت إزازة مولوتوف بس تكون ساقعة
- انا هفضل متمسكة بيك تمسك العسكر بالسلطة... و مش هسيبك إلا على جثتك ‎)
- فاكرة رعشة إيديكى في إيديا .. واحنا بنجري من الشرطة العسكرية
- يا واد يا سينجل
- السينجل اللي على حق يقول للورد و الدبدوب لأ
- هو: بحبك بعدد اللي انتخبوا الحرية والعدالة .. هي: بحبك بعدد اللي قالوا نعم على التعديلات الدستورية ‎
- حمزاوي: أطالب بجعل الفالنتاين عطلة رسمية، الكتاتني: لا تزايد يا أخ حمزاوي فأنت لست أكثر منا رومانسية
- دبدوب خالد عبدالله (تدوس على بطنه يقول يا واد يا مؤمن)
- بحبك بعدد لجان تقصي الحقائق
- بحبك أكتر من حب الملثم لمواسير الغاز
- هى: فين الهدية؟؟ ...هو: أنا عامل اضراب
- حبنا مفيش لايحة تقدر توصفه
- جايبلك دبدوب هدية بيغني يسقط يسقط حكم العسكر
- ها جبتلي هدية ؟؟ إيه ؟؟ # شفيق ستايل
- بعشقك♥ بما لا يخالف شرع الله
- هيجيب دبدوب تدوس فى عينه يغنى ...شهداء 25 يناير ماتوا ف أحداث يناير
- مافيش حاجه اسمها حب . مافيش فالينتين . مافيش هدايا . #العيسوي ستايل ‎
- ان شاء الله حنتجوز و نجيب أحلى ولد و بنت و نسميهم خرطوشة و مطاطي
- يعنى ايه فلانتين يابرادعى؟ يعنى أمك يجيلها ورد أحمر ودبدوب.. أمي أنا! أيووووه أمك انت
- أبو حامد ماسك دبدوبين .. دول إيه دول يا ريس !!
- الشعب المصرى غير مؤهل للفلانتين #عمرسليمان-ستايل
- الدبدوب الي واقف ورا عمر سليمان
- انا و حبيبتي "مصريين أحرار" و بنعمل كل اللي عايزينة ف "النور"
- الحب في زمن الغاز
- بكره اشتغل وأجبلك خيمة فى الميدان بتبص على الصينيه وجنب المترو
- الحب ولع في المجمع العلمي يا بت
- لو حببتك اسمها "نزيهة" ...تاكد إن ليها "اخوان" ياكلوا الزلط
- أنا ملتزم بأقصى درجات ضبط النفس رغم كل اللي بتعمليه
- بحبك حب الثوار للميدان .. وحب الإخوان للبرلمان .. وحب المشير لمبارك وسوزان ‎
- الحب الحب...مولوتوف مولوتوف
- الجيش حمــــــــــــى الدباديب
- اقتليني قتلي ما هيعيد علاقتنا تاني بكتب بقلمي ورقة عرفي على حد تاني
- هبنى جدار عازل حوالين حبنا
- دبدوب .. هدية .. ميدالية للعربية


المصدر
http://www.almogaz.com/politics/news/2012/02/14/187899

[عاشق البلانكو الابيض]

هههههههه ـ حمزاوى ده رومانسى كبير
بس ليه ما وقفش قاله كلمتين بالمناسبة دى

[صوت الامة]

امرا اراة غير مقبول
فليس يصح ان نسخر من رموز البلد
الدكتور الكتاتنى هو رئيس مجلس الشعب مصر
اخشى ان نفقد الاحترام فيما بيننا

[.. New life recharge]

المشاركة الأصلية كتبت بواسطة عاشق البلانكو الابيض

هههههههه ـ حمزاوى ده رومانسى كبير
بس ليه ما وقفش قاله كلمتين بالمناسبة دى

مشكور عالمرور

[.. New life recharge]

المشاركة الأصلية كتبت بواسطة صوت الامة

امرا اراة غير مقبول
فليس يصح ان نسخر من رموز البلد
الدكتور الكتاتنى هو رئيس مجلس الشعب مصر
اخشى ان نفقد الاحترام فيما بيننا

أحترم رأيك بكل تأكيد ..

بس هنعمل إيه ف خفه دم الشعب المصري اللي ملهوش حدود ..


مشكور عالمرور

[راغب السيد رويه]

جزاك الله خيرا

[صوت العقل]

شكرا .. جزاكم الله خيرا ..

[.. New life recharge]

المشاركة الأصلية كتبت بواسطة أبو لميس

جزاك الله خيرا

المشاركة الأصلية كتبت بواسطة صوت العقل

شكرا .. جزاكم الله خيرا ..

وجزاكم مثله ..
مشكورين ع المرور

[أحـمد قرنى]

بجد حمزاوى ده يضحك