بشرى غير سارة الى معلمى الغربية حديثى التعيين خصم ال 200 جنيه سارى ولا قرار لضم المدة

[flower scent*]

اكد زملاءنا الذين ذهبوا اليوم لمقابله مدير التنظيم والادارة ان الخصم سارى ولم يتوقف وانه هيخصم 200 جنيه من كل شهر وما تبقا علينا من ديون للدوله هيخصم من مكافأه الامتحانات وكد ان قرار ضم المدة من سلطه الوزير وليس من سلطه التنظيم والادارة وهذا عكس ما قيل لزملاءنا الذين ذهبوا الى الوزارة يعنى بيلعبوا بينا الكورة

[الدرى2011]

هههههههههههههههههههههههههههههههههههههههههههههههههه ههههههههههههههههههههههههههههههههه
دا حقيقى وألف مليون مبروك عليكوا وعلينا أنا بالفعل قابلت السيد مدير التنظيم والادارة اليوم وعشان حضرتكم مهتمين جدا أفرحكم أكتر ( درجة معلم بتاريح 6/9/2011 يعنى أمامكم 5 سنوات على درجة معلم أول ) وأى خدمة

[رهوفه]

الف مبرووووووووووووووووووووووووووووووك وأقسم بالله الدفعة دى تعييين 1/3 تستاهل اكتر من كدا خلى السلبية وقعدة البيت تنفعهم

[memmy]

وبعدين يا جماعه ؟ طيب نتفق على يوم نروح للمحافظ تاني ، احنا كنا رايحين الاربعاء بس ظروف الجو طبعا منعت ذلك

[memmy]

الناس عندها لا مبالاة فظيعه ، كل واحد يقول احنا لسه ما اتخصمش مننا
والي اتخصم منهم سكتوا لما ضحكوا عليهم بقرار وقف الخصم
ولحد دلوقت انا مش شايقه محافظة تانيه بيحصل فيها المهازل دي ، يعني ايه 7 سنين يضيعوا
حددوا الخطوات واحنا معاكم ان شاء الله

[رهوفه]

المشاركة الأصلية كتبت بواسطة memmy

وبعدين يا جماعه ؟ طيب نتفق على يوم نروح للمحافظ تاني ، احنا كنا رايحين الاربعاء بس ظروف الجو طبعا منعت ذلك

لاء يا استاذ انا عن نفسى مش هخرج من بيتى تانى ولا هروح كفاية كدا ويلا نرفع شعار معلمى الغربية سلبية سلبية
bosyht9::bosyh t9::b osyht9::bosyht 9:

[miss_emy]

والله غعلا عندكوا حق سلبيه ولا مبالاه فعلا ومن زمان مش من دلوقتى

[OMAR10010077]

حسبنا الله ونعم الوكيل في الدفعة السوده الا ربنا كتب عليه الدوخه

[محمود 511]

بتخدوا كام علشان يتخصم منك 200 جنيه

[flower scent*]

يا جماعه انا شايفه ان الكل مل وتعب من المرواح للمحافظ ومش ناويين يروحوا تانى لاننا تعبنا من كتر انذار الناس بالخصم والتلاعب بيننا وانتم ولا سائلين ..فى المحافظه استهتروا بينا لقله عددنا وان مكنتوش هتيجوا يوم الاحد القادم احنا كمان هتكون اخر مرة لينا .. احنا كمان لينا بيوت ومصالح بقالنا اسبوعين مضيعينها .. معادنا الاحد القادم الساعه 12 واللى يجى قبل المعاد مصلحه علشان يثبت الناس االلى بتيجى وتروح قبل ما احنا نوصل واللى بيخرج متاخر من المدرسه بردو ييجى دى اخر فرصه لينا وبعدها اللى يحصل يحصل

[miss_emy]

يا رب اصلح لنا شاننا كله

[فارس القمه]

انا عن نفسى هزوغ حصتين من المدرسه واعوض ال 200 جنيه بدرس خاص بره تمنه 300 او 350 واشرب الشاى بالمره وابقه ارجع المدرسه على الحصه ال 11 ههههههههههههههههه وابقه انا كده وفرت على الحكومه ووفرت على نفسى البهدله والوقفه قدام المحافظه

[رهوفه]

المشاركة الأصلية كتبت بواسطة فارس القمه

انا عن نفسى هزوغ حصتين من المدرسه واعوض ال 200 جنيه بدرس خاص بره تمنه 300 او 350 واشرب الشاى بالمره وابقه ارجع المدرسه على الحصه ال 11 ههههههههههههههههه وابقه انا كده وفرت على الحكومه ووفرت على نفسى البهدله والوقفه قدام المحافظه

[flower scent*]

الاستاذ فارس وتفتكر كده ربنا هيباركلك انت حر فى الطريقه اللى تكسب بيها واحنا كمان احرار