القاضي الشافعي: عبدالمعز أنهى حياته بصورة و"ضيعة".. و"العسكرى" باعنا فى سوق العبيد

[Khaled Soliman]

ماما أمريكا ..
يا ماما أمريكا ..
إوعِــى تكونى زعلتى يا غالية ..
... كُنـا بنلعب بس معاكى ..
علشان نضحك على ناس تانية ..
أصل الشعب بتاعنا حنين ..
شهم و بيصدق بسهولة ..
ياكل فول على أد ما ياكل ..
لكن عُمره ما فهِم الفولة ..

إدِّى إشارة بسرعة يا دُنجُل ..
علشان يتداروا الهتِّيفة ..
فُل عليهم قاموا بدورهُم ..
يستاهلوا مكافأة و تسقيفة ..
دَقُّـوا طبول الحرب ف ثانية ..
و لمُّوا فلوس الشعب كمان ..
و الشُطار عارفين مواقعهم ..
شاشة و شارع
و برلمااااان ..

ماما أمريكا ..
يا ماما أمريكا ..


دا انتى عيالِك دُول ف عنينا ..
يتشالوا على كفوف الراحة ..
مش زى عيالنا و أهالينا ..
صنف ميستاهلوش بصراحة ..
و عشان منطوِّلشى عليكى ..
يوصلوا ياختى بألف سلامة ..
و عشان خاطرِك بُكره تلاقى ..
أحلى جروب آسفين يا أوباما !!!

لــِ دعاء عبد الوهاب