انت عارف أنا عاوزه إيه ؟؟؟

[سيف العدل البتار]

المشاركة الأصلية كتبت بواسطة مروه

السلام عليكم

أخباركم إيه فى وسط الكركبة اللى مصر فيها دلوقتى



بنزين وسولار ورغيف العيش والأنابيب
تأسيسية دستور محدش عارف يتفق عليها
وإختلاف بين جميع القوى السياسية
وماسورة مرشحى الرئاسة اللى اتفتحت فى مصر


ما علينا

أهم حاجه بقى فى الموضوع
الناس اللى بتاكل عيش من ورا المواضيع دى
اللى شغالين مشعلالتيه فى مصر
على الفاضى والمليان
إذا مكنش فيه حدث مولع الدنيا فى مصر
هم اللى بيصنعوا الحدث
ويختلقوا الفتن ...... ويكدبوا الكدبه ويصدقوها

وفى الأخر يقولوا الرأى العام

دى حكاية حصلت فى كليتنا
النهارده بجد من أكتر الحاجات اللى استفزتنى

ده كلام زميل لنا فى الكلية

وكتير قال إنه حصل معاه نفس الموقف

ولو كنت مكان الطالب ده كنت ممكن تتصرف إزاى ؟

""انا يا جماعه عايز اقول لكم حاجه حصلت معايا النهارده
النهارده الساعه واحده رحت السنتر اجيب حاجه
المهم رحت لقيت مراسله من برنامج الحقيقه للاستاذ وائل الابراشى
لكن انا احترامى قل جدا للراجل ده بعد اللى حصل
طبعا كلنا عارفين بندوه الشيخ يعقوب ف الجامعه وتعليقه الظريف على لبس بعض بنات الجامعه والانتمه اللى بتحصل قال الشيخ : رايت مالا عين رات ولا اذ...ن سمعت
بصراحه لقيت المذيعه دى واقفه وبتدور على اى حد يغلط ف الشيخ وخلاص
وكل لما تصور مع واحد يرفض انه يغلط ف الشيخ قالت كلمه والله استفزتنى جدا قالت كده التقرير( هيبوظ )
عرفت انها بتدور على اى حد يشتم ف الشيخ قلت واللهى لاعلى عليها الضغط وقولتلها انا ممكن اسجل معاكى وكان معايا كذا واحد صاحبى
هيا فرحت اوى وقالتلى انت عارف انا عايزه ايه الكلمه دى ضايقتنى اوى بس بقى انا لما اضايق اتراخم على اللى مضايقنى
قولتلها اه طبعا دا متشدد اوى
المهم هيا فرحت اكتر بعد الكلمه دى وساعه لما وقفت قدام الكامير وبدا التصوير قالتلى ايه رايك ف الشيخ
قولتلها عالم فاضل من علماء المسلمين وعنده حق ف اللى قاله وبدل ما تصورى معايا صورى البنات اللى ف الجامعه والناس تفصل بينا
ولقيت وشها جاب الوان وكانت هتدينى بالميكرفون ف دماغى بس الحمد لله حرقت دمها
وفضلت ماشى وراها انا وصاحبى وكل لما اقلائى حد من اصحابى اقولهم لحد لما شدينا معاهم قدام صيدله واتلم طلاب سفينه النجاه علينا ونزل دكاتره من الاداره وخدوا الشريط وطلعوا يراجعوه مع العميد لانهم مكنش معاهم موافقه صلا
بس برده حرقت دمهم وزعقت للمخرج والمذيعه
حفظ الله الشيخ محمد يعقوب وبارك له ولنا فى عمره
واتمنى بعد القصه دى اننا نتاكد من كل قضيه بتعرض ف الاعلام القذر ده ونعرف انه بيركز على افكار معينه""

يمكن دى حاجه صغيره جدا من اللى بتحصل

ياريت محدش يصدق ويمشى ورا كل الأراء المسمومه
اللى بتحاول طائفة معينة تدسها تحت أى مسمى

ومحاوة توجيه الرأى العام نحو اتجاه معين

موضوع مش عارف اوصفه
بصراحة انا مش عارف هى عاوز ايه
دى ناس جبانة وغبية
عاوز ايه
غير تخريب البلد وتدميرها
شكرا