موضوع حيادى عن الاخوان - فى رايى

[مروه]

ده كله وحيادى
ده إنت هيقام عليك الحد قريب يا أ / طاهر

أنا والله مش مقتنعه بكمية الهجوم دى كلها على الإخوان
كل اللى بيتكلم وبيهاجم بدون فهم أساسا
أى حد بيتكلم يقول
مش كفاية مجلس الشعب والشورى والتأسيسية ... كمان الرئاسه !!!!!!

هو مش الشرع حلل أربعه برضه .... اعترضوا على الشرع بقى

ده على أساس إنهم أخدوا أغلبية الشعب والشورى بالتزكية مش بالإنتخاب
والشعب هو اللى اختارهم

واللى معترض على ترشيح الشاطر
ملاحظة بس صغيره هما قالوا ترشيح الشاطر وليس تعيين

ناس بقى بتموتنى من الضحك لما أتكلم معاها
تشتم فى الإخوان ومنافقين وكدابين ومش ثابتين على موقف وبتوع مصالحهم
وأهم حاجه عندهم الكرسى

وبعدين فى الأخر ألاقيهم بيدعموا أبوالفتوح

ده على أساس إن أبو الفتوح مش من الإخوان

مجلس الشعب عمل إيه فى 60 يوم
بحس إن 60 يوم دول 60 سنه
لكن لما تقول 60 يوم كفلين بتغيير قرار سياسى
يتبص لــنفس 60 يوم دول
على إنهم خمس دقايق

حزب الوسط لما يتراجع عن تأييد العوا لصالح أبو الفتوح

يبقى إسمه عدول عن قرار لكن مش رجع فى كلامه
والدنيا مش اتهدت ولا حاجه

ده مش دفاع عن حد
مجرد وجهة نظر حياديه عن الإخوان _ فى رأيى

[T!to]

المشاركة الأصلية كتبت بواسطة مروه

ده كله وحيادى

I think so

ده إنت هيقام عليك الحد قريب يا أ / طاهر

هههههه ,, ربنا يستر

أنا والله مش مقتنعه بكمية الهجوم دى كلها على الإخوان
كل اللى بيتكلم وبيهاجم بدون فهم أساسا
أى حد بيتكلم يقول
مش كفاية مجلس الشعب والشورى والتأسيسية ... كمان الرئاسه !!!!!!

ولا انا مقتنع .. وده لايمنع ان لو اخطأو يلاموا ويهاجموا لكن مش كده يعنى ,, نفكر ونتحاور ونتناقش وبعد كده نعمل اللى عاوزينه واعتقد ان مفيش حد راح المظاهرات اللى دعوا اليها لان فيه كتير حاسس ان لسه بدرى الحكم والاتهام والتشكيك فى النوايا ,, وربنا يهدى

هو مش الشرع حلل أربعه برضه .... اعترضوا على الشرع بقى

فعلا ,,
وبيمارسوا حقوقهم الشرعية بكل نزاهة ,,

ده على أساس إنهم أخدوا أغلبية الشعب والشورى بالتزكية مش بالإنتخاب
والشعب هو اللى اختارهم

واللى معترض على ترشيح الشاطر
ملاحظة بس صغيره هما قالوا ترشيح الشاطر وليس تعيين

اعتقد ان حضرتك تقصدى بالتعيين بانهم لايمتكلوا ان يعينوا وبالتالى الترشيح سيطرح للناس والحكم لهم ,يعنى احنا اللى هنحدد مصيرنا

ناس بقى بتموتنى من الضحك لما أتكلم معاها
تشتم فى الإخوان ومنافقين وكدابين ومش ثابتين على موقف وبتوع مصالحهم
وأهم حاجه عندهم الكرسى

وبعدين فى الأخر ألاقيهم بيدعموا أبوالفتوح

ده على أساس إن أبو الفتوح مش من الإخوان

الدكتور ابو الفتوح من الاخوان بس ترك الجماعة بسبب ترشحه للرئاسة وكان ساعتها الجماعة بتقول انها لن ترشح احد فتم فصله من الجماعة ,, وترشح مستقل
بسبب هذا الامر ,,
وبعد كده اتضح ان الدكتور ابو الفتوح له رؤية اوضح واكثر فهما وده ظهر بعد عدولهم عن القرار وترشيح الشاطر
وانا شخصيا هرشح ابو الفتوح ان شاء الله ,,

مجلس الشعب عمل إيه فى 60 يوم
بحس إن 60 يوم دول 60 سنه
لكن لما تقول 60 يوم كفلين بتغيير قرار سياسى
يتبص لــنفس 60 يوم دول
على إنهم خمس دقايق

مجلس الشعب حقق انجازات كثيرة لكن اللى مش مستفاد الان بيتكلم وكان الكل طمع ان التغير سيلمس الجميع فى يوم وليلة ..وده غير صحيح لكن المجلس بيؤدى دوره بكل جدية
وحقق انجازات ولازم الناس تقرا عمل ايه ,,
بالاضافة ان هذه الحومة ليست حكومة مشاريع ,, هى لتسيير الاعمال
لانها هتتشال اصلا مع الرئيس القادم ..
يبقى المطلوب توفير الحياة اليومية للناس ,,لكنهم هم تقاعسوا كتير عن ابسط المطالب اليومية للناس
وخايفين يمضوا على اى قرار عشان لايلاموا او لانهم مش عارفين حاجة ,,
بالاضافة للمهازل اللى حصلت من سفر الجواسيس وغيرها
يبقى ازاى اخليها للرئاسة ؟؟
وهى واضح انها حكومة مرتعشة ولا تتخذ قرار ,,!!
؟؟

حزب الوسط لما يتراجع عن تأييد العوا لصالح أبو الفتوح

يبقى إسمه عدول عن قرار لكن مش رجع فى كلامه
والدنيا مش اتهدت ولا حاجه

ده مش دفاع عن حد
مجرد وجهة نظر حياديه عن الإخوان _ فى رأيى

انا حاسس ان الكاميرا مصوبة باتحاه واحد ,, وبالتالى لانرى اى اتجاهات اخرى ..
حيادية برضه .. احنا مش بندافع احنا بنتكلم عن الحياااد
..
جزاكى الله خيرا دكتورة مروة

[مروه]

المشاركة الأصلية كتبت بواسطة T!to

الدكتور ابو الفتوح من الاخوان بس ترك الجماعة بسبب ترشحه للرئاسة وكان ساعتها الجماعة بتقول انها لن ترشح احد فتم فصله من الجماعة ,, وترشح مستقل
بسبب هذا الامر ,,
وبعد كده اتضح ان الدكتور ابو الفتوح له رؤية اوضح واكثر فهما وده ظهر بعد عدولهم عن القرار وترشيح الشاطر
وانا شخصيا هرشح ابو الفتوح ان شاء الله ,,

أنا أقصد إن فى ناس بتعترض ونتقد لمجرد سياسة الإعتراض والنقد
شايفين إن الإخوان مش كويسين
ومع ذلك بيؤيدوا د. أبو الفتوح وهما عارفين إنه من الإخوان
وتفكيره تفكير الإخوان وتربية الإخوان حتى لو انفصل عنهم إسما
طب إزاى بتهاجموهم الهجوم ده
وهترشحوا واحد منهم !!!

أنا سمعت إن الإخوان كانوا هيدعموا
المستشار أحمد مكى أو طارق البشرى أو الغريان
عشان كده مش رشحوا حد ورفضوا ترشيح أبوالفتوح
لكن محدش منهم وافق على الترشيح
وده كان سبب ترشيح الشاطر

ربنا يولى الأصلح إن شاء الله