اعرف منين ان الورق ده متسلم ولا لاء

[mr_maro]

يا جماعة دلوئتى مكتوب مثلا ان مطلوب الكشف الطبي
اذا لم يسبق تقديمه
طيب دلوئتى انا قدمته بس هتاكد منين انه عندهم ما يمكن ضيعوه
؟؟

[Mr...Ahmed]

ده ممكن يكونو لفوا فيه فلافل ههههههههههه انت حتقولى على موظفى الازهر

[أ/مصطفى محمود]

انصحك و انصح الجميع بالاحتفاظ بنسخة أو صورة من اي ورقة لك في الازهر صغر أم كبر حجمها أو قيمتها ولا تتكاسل في هذا فكل ورقة قد تحتاجها يوما ما طالما الادارات في الازهر بهذا السوء الذي نراه
أما عن سؤالك فاذهب الى منطقتك و اسحب ملفك منها وتأكد من اي ورقة ان كانت موجودة أم لا
و هذا ما فعلته بعد أن اضاع مسؤولو المنطقة لدينا عدة اوراق لزملاء لي

[mr_maro]

طيب هلسهل اني اروح المنطقة ...سؤالى لمدرسى الشرقية

[m.medhat ramadan]

دلوقتى مطاوب من ضمن الأوراق الرقم التأميني مطبوع -وليس مكتوب باليد فيه حد عمله من الشرقيه لأنن عندنا فى كفر صقر مش راضيين يعملوه مطبوع وكمان الفيش انا كنت سلمته قبل كده هل لازم نعمله تانى

[heba_elshopaky]

الرقم التاميني بيتعمل من مبني هيئة الاتصالات ف شارع المحافظه الدور السابع وعلي فكره انا مش من الزقازيق وعمالها من هناك عادي اي حد بيعمله وما بياخد اي وقت

[mr_maro]

المشكلة ياهبة انهم ابتدوا يقولوا لا ده المطبوع مش مطلوب
لا ده البرنتر عطلانة
لا اقولكم روحوا البرج التاني
البرج التاني هيقولك كل سنة وانتم طيبين
سؤال بس هل لو رحت المنطقة عند المكان اللى كنا بنجدد فيه العقود الدنيا فاضية ولا زحمة

[محمود ابوشمس]

انا اخوك / محمود محمد محمود من كفر صقر الشرقايه
وانا معايا نسخه كامله من كشوف الأسماء كمان انا جبت الرقم التأميني مطبوع من التأمينات بأبوكبير وبسهوله ما عليك الا ان تعطي الموظف الرقم التأميني وهو هايطبعه لك والف الف مبروك علي التثبيت .

[m.medhat ramadan]

جزاك الله خير ياأستاذ محمود انا مستغرب ليه ابوكبير فيها بسهوله القم التأميني مطبوع وكفرصقر لا . طيب انت عملت الفيش ولا مش هتعمله علي اساس ااننا عملناه سابقاً

[heba_elshopaky]

الرقم التأميني ما بياخد اي وقت زميلتي لسه جيباه امبارح من الزقازيق عادي ولا البرنتر عطلانه ولا حاجه....والفيش ما فيش حد هيعمله لاننا عملناه كذا مره..والاصول كلها عموما هما واخدينها قبل كده وكل الي هنوديه صور...

[Observer]

المشاركة الأصلية كتبت بواسطة mr_maro

يا جماعة دلوئتى مكتوب مثلا ان مطلوب الكشف الطبي
اذا لم يسبق تقديمه
طيب دلوئتى انا قدمته بس هتاكد منين انه عندهم ما يمكن ضيعوه
؟؟

توكل على الله وقدم اوراقك وانت متفائل
وان شاء الله يكون الكشف الطبى موجود فى ملفك ولم يضيع

[mr_maro]

انا متشكرة ليكم كلكم يا جماعة جزاكم الله خير
وان شاء الله نتفائل خير

[Mohamed Nagah 81]

فى حالة ضياع الكشف الطبى، لا يتم عمل كشف جديد. بل يتم استخراج مستخرج رسمي من المستشفى بشرط تذكر تاريخ الكشف.