موضوع للنقاش (ياريت الكل يدخل ويقول رايه)

[MohammeD el_SadaT]

بسم الله الرحمن الرحيم

السلام عليكم ورحمه الله وبكاته

قبل الكلام وقبل أى حاجه أحب أعتذر لحضرتك بالنيابه عن إداره المنتدى وعن أعضاء المنتدى أيضاً من أى لفظ جارح او أى كلمه قرأتيها ومش عجبتك

***

بصى حضرتك فيه فى كل مكان الحاجه الكويسه وأكيد بردو موجود الحاجه اللى مش كويسه ودى سنة الحياه يمكن فى يوم الشىء اللى مش كويس ده يكتر ويزيد عن حده لكن فى النهايه أكيد الحق والعدل والخير هيسود
لأن
الله سبحانه وتعالى
" يمهل ولا يهمل "

أما من حيث طولة اللسان بقه اللى إنتى بتشوفيها فى المنتدى فدول تقدرى تسميهم أعداء النجاح لأن زى ما إنتى شايفه والحمد لله إن المنتدى من أنجح المنتديات العربيه والسبب فى كده الأعضاء المتواجدين فيه من مدرسين وأعضاء

فالإنسان المحترم بنرحب بيه وبنكن له كل الإحترام أما الإنسان الغير محترم فإحنا بندعيله إن ربنا سبحانه وتعالى يصلح حاله

و
أسباب الظاهره دى بصراحه
أنا مش لاقى ليها سبب غير نقص عند العضو اللى بيقوم بالخروج عن الأداب العامه
وغالباً على فكره بيبقى أعضاء جداد مش قدام
و
تقريباً
بيبقى معظمهم عضو أو إتنين بس كل ما نوقف عضويه بيدخل يعمل واحده جديده

والحمد لله على كل شىء
لأن أنا
مؤمن بالمثل اللى بيقول
" طول ما أنت تركل من المؤخره فإعلم انك بالمقدمه "

وإحنا فى خدمه الجميع لوجه الله تعالى
يعنى أنا آخر الشهر مش بروح أخبط على باب الاستاذ " أشرف " وأقوله المرتب الشهرى لو سمحت
لاء أنا وجميع من فى المنتدى بعمل لوجه الله تعالى

و
إحنا بردو فى النهايه بشر
مش معصومين من الخطأ يعنى لو كان السبب فى اللى بيحصل ده سوء إداره مننا فأنا بطلب إنكم توجهونا قولولنا إحنا غلطانا فى إيه وإحنا هنحاول نصلحه

دا خلليل رسول الله صلى الله عليه وسلم
سيدنا أبو بكر
عندما تولى الخلافه
قال
" قد وليت عليكم ولست بخيركم فإن أحسنت فأعينونى وإن أسأت فقومونى "

مقلش إشتمونى ولا هزأونى قال قومونى

و
فى النهايه
ربنا يهدى الجميع

***
و
بكرر أسفى مره تانيه عن أى تقصير مننا
وآسف جداااً على كلمه وحشه قرأتيها فى المنتدى وإن شاء الله مرحله وهتعدى
وبعدين إنتى لسه عضوه فى البدايه وإن شاء الله مع الوقت بعد ما تتعرفى على معدن الأعضاء اللى فى المنتدى هتغيرى فكرتك

***
السلام عليكم ورحمه الله وبكاته