مــــوظفــــــين أخــــــر زمــــــن !!!!

[عاشق البلانكو الابيض]

المشاركة الأصلية كتبت بواسطة صوت العقل

انا لو مكانك هتعامل بطريقة تانية خالص ..
انت مش من حقك تزعق فيها .. ليها رئيس عمل تتوجه ليه وتشتكى ..
هى مش بتشتغل عند حد ولا خادمة .. هى تعمل فى الحكومة لتيسير
امور الناس .. وان كانت اخطأت عليك برئيسها .. واعتقد ان تصرفك مش
صح من وجهة نظرى .. انت شخص متعلم ازاى تتدنى بالتعامل لدرجة
زعيق ومشاكل ..حتى وان كانت اخطأت .. خلينا ايه للجاهل والامى ..
وربما من البداية لكترة الروتين كنت غير صبور او متضايق فظهر ده
فى تعاملك معاها .. فاضطرت الى تجاهل طلبك .. ما هى مش معقولة
هتفضل قاعدة مش بتشتغل وبتتعامل بالطريقة دى مع الجميع ولا اييييييه !!

من وجهة نظرك انت صح و اكيد عندها السبب اللى دفعها لمعاملتك بالطريقة دى ..
الله واعلم بكل شئ.. شكرا .. جزاكم الله خيرا استاذ عاشق البلانكو على الموضوع

والله حضرتك هتخلقى ليها مبررات وطلعينى انا الغلطان
ومش عارف ده ليه هل علشان هى امراة ولا حضرتك
موظفة زيها مثلا فلازم تدافعى عنها
وبعدين هى اسمها موظفة
يعنى ايه يعنى بتشتغل لخدمة الشعب
يبقى لما حد يجى يسال عن شئ بكل احترام وادب
ترد عليه وهى مبتسمة كمان
لكن دى ظاهر عليها التكبر اوى يبقى تروح تقعد فى بيتهم بقا
ما فى موظفين تانين عكسها خالص
وبعدين لو رئيسها ده كويس ومتابع الشغل مكنتش عملت كده
هروح اشتكى لمين لحد قاعد فى مكتبه ومش متابع
الموظفين بيعملوا ايه
اعتقد وجهة نظرك وجهة نظرية لا ترقى لمرتبة التعامل
اللى بنشوفه فى المصالح الحكومية كل يوم
شكررا لمرور حضرتك

[صوت العقل]

المشاركة الأصلية كتبت بواسطة عاشق البلانكو الابيض

والله حضرتك هتخلقى ليها مبررات وطلعينى انا الغلطان
ومش عارف ده ليه هل علشان هى امراة ولا حضرتك
موظفة زيها مثلا فلازم تدافعى عنها


لاء طبعا مش عشان هى امرأة..
بس هى مش صح وتصرف حضرتك مش مقبول ..
والا كنا فى غابة بقى وكل واحد يزعق ..
مالسلبيات كتير خصوصا فى العمل الحكومى ..
لكن تصرف حضرتك مش حل خالص

وبعدين هى اسمها موظفة
يعنى ايه يعنى بتشتغل لخدمة الشعب
يبقى لما حد يجى يسال عن شئ بكل احترام وادب
ترد عليه وهى مبتسمة كمان

انت متأكد انك طلبت بطريقة لائقة ..
والله المطلوب منها التعامل باحترام ومتهيالى مش لازم الابتسامة ..
شعب فاهم غلط ..

لكن دى ظاهر عليها التكبر اوى يبقى تروح تقعد فى بيتهم بقا
ما فى موظفين تانين عكسها خالص

فعلا فيه موظفين مبتسمين ..
ويبعدوا التوتر عن الشخص ..

وبعدين لو رئيسها ده كويس ومتابع الشغل مكنتش عملت كده
هروح اشتكى لمين لحد قاعد فى مكتبه ومش متابع
الموظفين بيعملوا ايه

ما هو لو كل واحد .. قال كده واتكلم
بنفس الاسلوب .. يبقى مش هنتغير ..
مفيش فرق عندنا بين المثقف والامى للاسف ..
وطبعا بالحال ده يبقى انت اكيد فى مصر

اعتقد وجهة نظرك وجهة نظرية لا ترقى لمرتبة التعامل

ربما .. الله واعلم ..
لكن اللى واثقة منه انى احترم من امامى ..
واجبره على احترامى ..
واعتقد انى لو واجهنى نفس الموقف لن اهين نفسى او غيرى .. بل ساتجه لرئيسها المباشر ..


اللى بنشوفه فى المصالح الحكومية كل يوم
شكررا لمرور حضرتك

جزاكم الله خيرااااا ..
لكن لازلت مصرة ان الكلمة الطيبة افضل ..
والرجولة مش بالزعيق .. وحضرتك زعقت
ممكن تقولى استفدت ايه ..

[عاشق البلانكو الابيض]

المشاركة الأصلية كتبت بواسطة صوت العقل

جزاكم الله خيرااااا ..
لكن لازلت مصرة ان الكلمة الطيبة افضل ..
وحضرتك زعقت
ممكن تقولى استفدت ايه ..

ممكن حضرتك تقوليلى لو رحت لرئيسها هيعمل ايه
غير حقك علينا ومعلش والكلام ده

بس ده تصرف منها مش محترم وكان لازم تتعامل معاملة
تحسسها انها مش محترمة
شكررا لمرورحضرتك