ملف : شئون مصرية .(متجدد)

[rokma]

أطلب من مشرفى هذا المنتدى العظيم طلب / أن تدرج هذه القصيدة والقصائد التى ستأتى على الصفحة الرئيسية. فأنا لأعرف كيف. عايز أنزل هذه القصيدة على الصفحة الرئيسية للشاعر الأسيوطى الصاعد : مصطفى ثابت عبدالرحيم

ولكم جزيل الشكر وفائق الإحترام

الفلول

ياللا قولوا .... ماتخافوش
الفلول ما ينفعوش
يرأسونا ويحكمونا
وهم ناس ما يشرفوش
من زمان باعوا البلاد
وضيعوا حق الولاد
وكانوا ساكتين ع الفساد
وباعوا غازنا بقروش
ياللا قولوا .... ماتخافوش
سرقوا مصر وخربوها
وأموالنا هربوها
لما خلوا الشعب عايش
حتى قوتوا ما يملكوش
ياللا قولوا .... ماتخافوش
قالوا للفرعون رضينا
بيك حاكمنا انت وحامينا
وإن حكمنا بعدك ابنك
راح نطاوعه وما نسيبوش
ياللا قولوا .... ماتخافوش
حولونا جيوش بطالة
وخلوا حالة الشعب حالة
كنا نتمنى العدالة
وكانوا مابيعدلوش
ياللا قولوا .... ماتخافوش
عاشوا هم فى القصور
وعيشونا فى القبور
نأخذ العيش بالطابور
وساعات مانحصلوش
ياللا قولوا .... ماتخافوش
كانوا شايفين الديابة
بينهبوا حق الغلابة
زى مانكون جوة غابة
يومها ليه ماتكلموش
ياللا قولوا .... ماتخافوش
كان معاهم مليارات
ويملكوا قصور وعمارات
وشعبنا من الفقر مات
وبرضو فيه ما فكروش
ياللا قولوا .... ماتخافوش
لكن الشعب اللى خلى
يوم نظام الظلم ولى
قال هانتحدى الفلول
بالشطارة والعقول
لما نحبسهم وتانى
من سجونا ما يطلعوش
ياللا قولوا .... ماتخافوش
الفلول ما ينفعوش
يرأسونا ويحكمونا
وهم ناس ما يشرفوش
الشاعر الصاعد
مصطفى ثابت عبدالرحيم
قرية مسارة – مركز ديروط- أسيوط