للرد على اى سؤال او استفسار هنا فقط

[Stu. MG]

أفكار المعايرة كتيرة بس هى عامة بتتوقف على تحديد المتفاعلات (زى مثلا خليط من كربونات صوديوم و كبريتات صوديوم تتفاعل مع HCl الكربونات هتتفاعل و الكبريتات لأ وفى الحالة دى يمكن اعتبارها كشوائب) ثم كتابة معادلة صحيحة موزونة و تحديد M1 / V1 / Ma للحمض و M2 / V2 / Mb للقاعدة .. أو بطريقة أخرى:

كتلة المادة المذابة/كتلة المول منها = عدد المولات = التركيز × الحجم باللتر (M*V/Ma,b)

دى خطوات حل مسألة المعايرة العادية و اللى غالبا بتيجى فى الإمتحانات .. فى أفكار تانية صعبة نوعا ما من دليل التقويم و الكتب الخارجية (أصعبهم الوسام) بتبقى محتاجة مجهود أكبر ..

أما خطوات طلاء ساق النحاس بطبقة من الفضة مشروحة تفصيليا فى كتاب الوزارة صــ 211 طبعة 11/12

وهى باختصار:
1- تنظيف سطح ساق النحاس تماما ثم يغمس فى محلول الكتروليتى يحتوى على أيونات الفضة (AgNO3 مثلا.. طبعاً مينفعش AgCl عشان مش بيتأين تأين تام)
2- توصل الساق بالقطب السالب للخلية التحليلية (الكاثود)
3- يوضع عمود من الفضة فى المحلول و يوصل بالقطب الموجب للخلية (الآنود)

أى خدمة ~