المشهد الاخير من الفصل الاخير من مسرحية (ثورة 25 يناير)
من إسماعيل الشريف
21 يونيو
اعلان اللجنة فوز (احمد شفيق/عمرو موسى) في الانتخابات، والجماهير العريضة تخرج احتفالا بهذا الفوز وتطلق الشماريخ وتهلل وتطبل وتزمر
...
22 يونيو
وهم الحرية والعدالة والنور يحشدون لمليونية ضخمة في التحرير وبقية المحافظات اعتراضا على نتائج الانتخابات النزيهة بشهادة كافة المراقبين!!!!
23 يونيو
استمرار وهم الحرية والعدالة والنور في اعتصامهم المفتوح في التحرير وبعض الميادين الاخرى في المحافظات....
24 يونيو
وهم الحرية والعدالة والنور دول عايزين ايه؟؟!!!
بقى معقول ان الجيش اللي حمى الثورة يزور الانتخابات!!!
وبعدين مش لو كان الجيش عايز يزور الانتخابات كان زور بتاعت مجلس الشعب ومجلس الشورى
25 يونيو
الله يخرب بيت وهم الحرية والعدالة والنور وقفوا حال البلد الطلبة مش عارفين يروحوا الامتحانات والثانوية هتبوظ واحنا مش هنعرف نروح نصيف!!!!
26 يونيو
خربتوا البلد الله يخرب بيوتكم البورصة عماله توقع واسرائيل على الحدود وامريكا حركت بوارج لقناة السويس
27 يونيو
شفيق يطلب الجلوس مع الاخوان والسلفيين
28 يونيو
يخرج قادة وهم الحرية والعدالة والنور ويعلنون تحقيق الانتصار العظيم وهو الحصول على 20 وزارة من 30 بدون الوزارات السيادية التي ستكون من اختصاص الجيش وشفيق
وبعدين ياشباب انتوا مستعجلين ليه ما انتوا شايفين البلد بتوقع وبعدين يعني ايه المشكلة لما يقعد شفيق 4 سنين بس، وبعدين ما تنسوش اننا ماسكينة من رقبته احنا معانا البرلمان والشورى!!!
وبعدين يعني عايزين نصطدم بالجيش يعني؟؟!!!
وسفك الدماء؟؟!!!
احنا خايفين عليكوا حرام دمائكم تروح هدر؟؟!!!
وكمان انتو شايفين ان الشعب زهق خلاص وما بقاش عايز الثورة وزي ما انتو عارفين نحن لا نتقدم ولا نتأخر عن الشعب!!!!!!
وفي النهاية شفيق احسن من غيره!!!
29 يونيو
المشهد الاخير (جمعة التمكين!!!!!!!!!!!!)
في فصل الختام (انتخابات الرئاسة)!!!!!
من مسرحية (ثورة 25 يناير)!!!!!!
ونلقاكم في مسرحية جديدة من اخراج المجلس العسكرى والحرية والعدالة وحزب النور راح ضحيتها حازم أبو إسماعيل والشعب المصرى
وكل سنة وانتو طيبييييييين
10-05-2012, 09:34 PM
العرض الشجري
