تابع معنا : نتائج انتخابات الرئاسة بالخارج

[صوت العقل]

المشاركة الأصلية كتبت بواسطة صوت العقل

فعلا استاذى ملاحظة رائعة .. واسمح ليا تعليق ..
اكيد الدول الفقيرة اللى زى حالنا واللى صوتوا فيها الناس لمرسى
زى ما حضرتك قولت غلابة فكريا وسياسيا .. وبينخدعوا جامد باسم
الدين .. زى ماحصل ان فى مصر قالوا ان اختيار مرسى هو ارضاء لله ..
واللى مش هيختاروا هيبقى اثم وسيحاسب على صوته الذى هو امانة ..
طبعا الدول المرفهة زى ما حضرتك قولت بيفكروا وبيقتنعوا وبيختاروا الاصلح
من وجهة نظرهم .. جزاكم الله خيرا

دى مشاركتى استاذى .. اللى حضرتك بنيت عليها تعليق حضرتك ..

كلامى واضح استاذى .. المقصود بالغلابة فكريا وسياسيا

هم البسطاء من الشعب اللى مش اخدوا حظ وافر من التعليم

وبيحتاجوا لغيرهم عشان يفهمهم الوضع الحالى للبلد ..

ووجهة نظرى استاذى مش من فراغ .. حضرت ندوة

فى احد الجوامع تمت دعوتى اليها لاقناعى بمميزات ترشيح

الدكتور مرسى .. وهناك وجدت سيدات كتيرة مش متعلمة

وكبيرة فى السن وبيحاولوا يدخلوا ليهم من مبدأ الدين ..

طيب ده عدل انى اشترى اصوات الناس الكبيرة فى السن

واللى مش ليها فى السياسة .. بانى اخوفهم من ربهم ..

وكتير امثلة شبيهة لده استاذى ..

هما دول الناس الغلابة فكريا وسياسيا ..

المشاركة الأصلية كتبت بواسطة السيد المرشدى

اسمحى لى يا صوت العقل ، و أنت العاقلة الرزينة ، إذا كنت تعتبرين المصريين من الذين صوتوا لمرسى غلابة فكريا سياسيا ، فهذا شأنك...

اكيد حضرتك صح .. دى وجهة نظرى وده تفكيرى ..

لكن انا عمرى ما اتكلمت عن شئ مش شفته بعينى ..

ووضحت لحضرتك ان الاغلبية من الناس البسطاء..

هترشح الدكتور مرسى زى ما وضحت فوق ..

جزاكم الله خيرا ..

المشاركة الأصلية كتبت بواسطة السيد المرشدى

اسمحى لى يا صوت العقل ،....أما أنا فأعتبرهم من ذوى الفكر العالى يقرؤون جيدا و يميزون بين صالح و طالح، فالمصريون فى الدول الفقيرة، مهمومون بقضايا وطنهم لأنهم يعيشون فيه و هم بعيدون عنه، يعايشون قضاياه و هم خارجه، و يتوقون ليوم يعودون فيه فيصلحون ما فسد من أحواله...

اتمنى فعلا استاذى يكون ده الحال ..

وان يصلح فعلا المصريون ماتم او سيتم افساده ..

جزاكم الله خيرا

المشاركة الأصلية كتبت بواسطة السيد المرشدى

لو تسمحين يا صوت العقل ....أما الآخرون فهم غالبا مهاجرون ، يسر الله لهم ، وطنهم الأول هو الذى يسر لهم رغد العيش، و رفاهية الحياة ،حتى ذهابهم للصناديق كان رفاهية يحسدون عليها ...
تحملى منى قليلا فأنا ضحل الفكر ، قليل الفهم.. نفس المنطق الذى يتحرك به ليبراليونا ، و يعتقد فيه علمانيونا أننا شعب لم يشب عن الطوق بعد ، كما ينظر الوالد المغمض العينين إلى أبنائه الذين صاروا كبارا ..

لا حول ولا قوة الا بالله استاذى .. انا عمرى ما اتجاوز فى حق حد استاذى ..

انا مش اعرف حد شخصيا عشان اتهمه باتهام زى ده ..

حضرتك فهمت كلامى من البداية غلط وانا وضحته فوق ..

الى جانب استاذى لو ده مقصودى كنت عبرت عنه بوضوح وصدق ..

انا لا اتلاعب بالالفاظ .. ولا اتهم اى شخص .. عبرت عن وجهة نظرى ..

بما يرضى ضميرى واللى شيفاه وحضرتك مش فهمتها صح ..

وكنت اتمنى لو حضرتك توضح غلطاتى واستفاد من حضرتك افضل

من ان دى تكون طريقة الحوار .. لا نملك غير الدعاء..

اللهم ولى من يصلح .. اللهم احفظ مصر .. امين يارب العالمين ..

جزاكم الله خيرا استاذى ..