على المحك

[SwOrD OF JusTice]

انا بايد شفيق لعده اسباب :-

- ممكن حد يقول فلول هقوله حريه شخصيه امال الثوره قامت ليه ؟؟

1- حمدين صباحى : رجل شريف لكن يفتقد مميزات القياده ومندفع زياده عن اللزوم

2- محمد مرسى : رجل شريف لكن انا ضد ان يبقى رئيس علشان الاخوان ميكوشوش على كلوا يعنى الرئيس ووزارته الاخوانيه لو غلطوا مين هيعترض عليهم ؟؟ الاخوان ؟؟ !!

3- عمروموسى : راجل كويس بس سنه كبير شويه + يفتقد الى القوه فى التعامل

4- ابو الفتوح : فلول اخوان وفكره فكر اخوان بالاضافه ان ولاده لسه فى حزب الحريه والعداله ولو كسبالاخوان هيلفوا عليه وهيرجعوه تحت باطهم


صفه مشتركه بين فتوح - حمدين - مرسى
1- ( هيحاولوا ينتقموا من المجلس العسكرى ) وطبعا مش هيقدروا عليه لان لديه القوه وجميع رجال الجيش ولائهم له عكس مبارك تماما
2- من الاخر كدا رجاله شعارات وانا مش بايد النوع ده ومحمد مرسى مشرع النهضه بتاعه خيالى لابعد حدود بالاضافه ان مفيش تمويل له ( ولا هيستلفوا من البنك الدولى ويزيدوا المبله طين)

هار اسود دنا نسيت اقول هايد شفيق ليه --- البلد محتاجه واحد حازم يضرب بيد من حديد محدش يقولى حقوق انسان والكلام الفاضى ده الى يغلط يتقطع راسه لما يكون فى شغب او اعتصام يضر الناس (ملحوظه) قصدى على اعتصام قفل الطرق وتعطيل الشركات ومصالح الناس وكدا.. يبقى ياخدوا على دماغهم

انما لو حصل عكس ده وطبطه هنشوف امثله كتير زى الى امناء الشرطه بيعملوا دلوقت ويسحلوا الضباط .. يبقى مين هيقدر يامرهم بعد كدا ؟

ده وجهه نظرى من حقكم تعترضوا عليها دى حريه شخصيه


شكل حد هيرد دلوقت يقولى انفع ديكتاتور