انا بفكر اعيد السنة :(

[.MOHAMED SAMY.]

المشاركة الأصلية كتبت بواسطة جهاد14

وعليكم السلام
مش هنصحك بس هاقولك حاجة وارجو انك تصدقيني
اقسم بالله الحالة دي كانت عندي لحد وقت قريب جدا وقعدت حوالي فترة كنت بحاول اضيع الوقت في اي حاجة وخلاص واضحك على نفسي واقول من بكره هذاكر وعملت يجي 100 جدول وبردو مبيتعملش لكن بتغلب عليها باني اقوم اقرا سورة يس
عارفة ليه مبيتعملش علشان احنا بنضحك على نفسنا نكتب في الجدول اننا هنذاكر ده وده وده ولما نقوم الصبح نلاقي دكلو فيحصلنا هروب من المواجهة واناجل لبكره ونرجع نضحك على نفسنا تاني وهكذا
لكن دلوقتي مفيش وقت للجداول باقي 20 يوم على الامتحان
قدامك الطريقين وانت تختاري انا قولت لنفسي كده
الطريق الاول :
انك تذاكري بجدول بس اضغطي على نفسك وخدي وعد على نفسك انك بتعملي كده علشان نيتك خير وعلشان نفسك تفرحي ابوكي وامك وصلي كل يوم ركعتين لله قبل ماتنامي وقولي عيني يارب انا غلطت لكن انت غفور رحيم اللهم انك عفو تحب العفو فاعفوا عنا
واذا سألك عبادي عني فقل لهم اني قريب اجيب دعوة الداعي اذا دعاني
ومن يجيب المضطر اذا دعاه ويكشف السوء
وانا مضطرة يارب وانت الكريم
قل ياعبادي الذين اسرفو لاتيأسو من رحمة لله
لا تيأسو من روح الله فلا يياس من روح الله الا القوم الكافرين
واقري يس قبل ماتنامي
تخيلي بقا نفسك وانت سفيرة ورافعة راس اهلك في كل حته وكل الدنيا بتقول اسمك او حتى مذيعة او مراسلة ومنورة الشاشات واهلك فخورين ببنتهم ومع اصحابك في الجامعة هتعيشي احلى ايام ورحلات واجدع صحبة باذن الله
الطريق التاني
تقعدي تقري كل الكلام ده وتضحكي على نفسك وتقولي هاعمله وتقومي تكلمي نفسك وتندمي تاني وتعيشي نفس الحالة واصحابك يروحو الجامعة وانت لأ لاقدر الله وتخيبي امل اهلك فيهم ويبقوا مش عارفين يقولو ايه واقعدي بقا عيدي السنة واحنا مبنصدق ثانية واحدة من الثانوية تعدي
عارف طولت عليكي اوي بس بجد انا اخترت الطريق الاول وده اللي عملته بالظبط
وربنا يوفقك ونشوفك في احسن كلية

كلام صح 100% وجاب كل المفيد باختصار ولو حضرتك بدأتى من النهاردة ممكن تخلصى كل اللى انتى عايزاه بس لازم النيه الصادقه ولازم الجدول تحددى فيه كل يوم حاجه ولازم تضغطى على نفسك