لا للتصحيح ولا للملاحظه هذا العام للحفاظ علي حياتنا

[asdxtiger]

الاستاذ المحترم /فوزى اوافقك الرأى تماما فنحن لا نريد ان نفرغ المعلم من اهم ما يميزه الا وهو القدوة فمن باب اولى ان يقول التلميذ لن اذهب للامتحان خوفا على حياتى فليكن الله نصب اعينكم حتى تمر البلاد من هذا المنعطف

[منار على]

المشاركة الأصلية كتبت بواسطة asdxtiger

الاستاذ المحترم /فوزى اوافقك الرأى تماما فنحن لا نريد ان نفرغ المعلم من اهم ما يميزه الا وهو القدوة فمن باب اولى ان يقول التلميذ لن اذهب للامتحان خوفا على حياتى فليكن الله نصب اعينكم حتى تمر البلاد من هذا المنعطف

الصراحه اكتر كلمه لفتت نظرى فى كلام حضرتك هو موضوع المعلم قدوه بس السؤال بقى هو المعلم المصرى اصبح قدوه فى ايه ؟ لما يطلع مدرس مراقبه خارجيه ويغشش الطلبه تفتكر هيبقى قدوه ليهم فى ايه ؟ طب تفتكر الطلبه هتحترمه اصلا وهو قدوه ليها فى الغش وبيعلمهم ازاى يطلعوا غشاشيين ومنافقين ومنعدمى الضماير وبيساعدهم بافعاله على دا وبيحلله ليهم كمان لولا خطوره الغش اللى بنستهين بيه دا مكنتش بلدنا وصلت للى احنا فيه دلوقت وبنعانى منه ولا كانت اوضاعنا كمعلمين بالشكل دا اصلها بالعقل كدا ازاى طالب او ولى امره هيحترم مدرس بيغشش وازاى اللى اعلى مننا هيحترموا ويقدروا معلم بيعمل كدا وعنده استعداد لتقديم التنازلات كل التنازلات فى مجال عمله وبما ان حضرتك من سنين فى التربيه والتعليم فتخيل بقى العدد الرهيب من المعلمين القدوه وبما ان اساس اى بلد تعليمها فواضح اوى نتايج تعليمنا فى مدارسنا على المجتمع كله حاليا ولا المعلمين اللى بيلعبوا فى الكنترولات وفى اوراق الطلبه ولا اللى اصلا قاعدين طول السنه سايقين البلطجه وواخدين الطلبه بتوعهم دروس خصوصيه دا طلبه ثانوى مبيدخلوش المدارس الا شهرين تلاته فى السنه وياريتهم بياخدوا فيهم حاجه اصلا ولا اللى بيعقدوا الطلبه فى حياتهم عشان الدروس ولا اللى بيضغطوا على الطلبه عشان الدروس ولا ولا ولا ؟؟؟؟؟؟؟؟ طب منين هنبقى القدوه ومنين هيجى الاحترام حضرتك بتقول فليكن الله نصب اعينكم طب بزمتك اغلب المعلمين انت شايفهم بيعملوا دا انا عن نفسى دخلت واشتغلت فى سبع مدارس واللى شفته فيهم كلهم ان الاغلبيه العظمى فيهم من نوعيه القدوه فى الغش وانعدام الضماير