منهج المرحلة الابتدائية

[ست الكل بيبو]

ياجماعة قبل ما نفكر فى ايه اللى هياخده الطالب نشوف هياخده ازاى وفين طالب الابتدائى مظلوم لانه من الصف الرابع منهجه غير متماشى مع مستواه المفروض الاول يتعلم الويندوز وبعدين يتعلم ورد وبعدين يدخل على البور بوينت انما حد يقولى html تلزم طالب رابعة ابتدائى فى ايه والاكسبريشن ويب ليه فى سنه خامسة والمشكلة الاهم ان كل الصفوف ملهاش مرجع ثابت زى اى مادة مفيش كتب يعنى الطالب لازم يكتب كل كلمة ورا المدرس عشان يلاقى المعلومة لما يحب يرجعلها وكمان مفيش معامل للحاسب فى الابتدائى كل اعتمادنا على معمل التطوير ده غير كثافة الفصول العالية يعنى مثلا انا فى مدرسة فى قرية فى محافظة كفر الشيخ والمدرسة مفيهاش غير معمل التطوير والمعمل جهازين اتنين وطبعا شغل المدرسة كله على جهاز والتانى لعرض الاسطوانات التعليمية لكل المواد وكمان كل مدرس عاوز ياخد حصته فالطالب بياخد الحصص نظرى وفين وفين لما يدخل المعمل واكيد مفيش حد بيشتغل على الجهاز الوحيد وكمان لو حاولت اشغلهم وقت الحصة مش بيكفى