مبرووووووووووووووووووووك يا مصر

[خالد مصطفـى]

المشاركة الأصلية كتبت بواسطة سارة ماكس

على فكرة الاسلوب اللى حضرتك بتتكلم بيه ده سبب اختيار شفيق عندنا وطبعا مبرووك لمرسى وربنا يجعل الخير لمصر على ايده بس عايزة اوضحلكم حاجة اسلوب شتيمة المخالف فى الراى ده عدم احترام انا فى كلام ماكنتش بقوله عشان الاهانات اللى ممكن تتوجه لى لكن دلوقت اظن انى لما اخالف الاخوان فى الراى يبقى بخالف السلطة الحاكمة مش بنافق ولا حاجة بالنسبة للاعلان الدستورى حضرتك ايه اللى مش عاجبك فيه حكاية اعلان الحرب ؟ليه عايزننا نصبح الصبح نعلن الحرب ونبهدل الدنيا وهانعلنها على مين وعشان ايه وياترى هانقدر نحارب؟؟اذا كانت البلد كلها اللى بيتخانق مع حد بيضربه يبقى هنحارب غيرنا ازاى ده مش جبن بس لما يبقى فى مبرر للحرب اساسا ولما علاقة المصريين ببعض تتحسن ونقطة تانية حكاية شتيمة المحافظات اللى انتخبت شفيق دى حاجة ضد الدين اذا كنا بننادى بتطبيق الدين وعلى فكرة فى عدد كبير عندنا من المنتقبات والمثقفين والدكاترة والمهندسين ورجال الدين والناس اللى بتفهم فى الدين كويس انتخبت شفيق وانا عمرى ماشفت انسان متدين دين حق مش دين اسم وبس بيشتم بالفاظ سيئة الناس لو فهمت الدين الصح هتلاقيه كله تسامح يعنى الاساءة لاى مسلم دى ذنب كبير وحتى الاساءة لغير مسلم لو كانت غير مبررة فهى برضه ذنب واضح ان فكرتى عن المصريين كانت غلط وياريت ماحدش يزعل منى بس انا باتكلم من منطلق المنطق ومبروك لمرسى مرة تانية وانا كل اللى عاوزاه مصر تكون فى احسن حال لاده هاينفعنى ولاده

أنا مش بشتم شفيق ولآ بباركَ لمرسي

أنا بشتم المجلس العسكري



صرآحة لمآ طلعوا الأعلان المقمل أمبآرح .. بقيت
مش مهتم شفيق يفوز ولا مرسي ..

[د/نداء الجنة المصرية]

المشاركة الأصلية كتبت بواسطة خالد مصطفـى

أنا مش بشتم شفيق ولآ بباركَ لمرسي

أنا بشتم المجلس العسكري



صرآحة لمآ طلعوا الأعلان المقمل أمبآرح .. بقيت
مش مهتم شفيق يفوز ولا مرسي ..

اعتقد اعضاء المجلس العسكرى مسلمين برضه(المشير محمد طنطاوى-اللواء ممدوح شاهين وماالى ذلك )كلهم مسلمين يعنى حضرتك لو معترض على كلامهم رغم انك لسه سنك اصغر من انك تفهم حاجات كتيرة فى عالم السياسة فالاعتراض ده ليه اسلوبه المحترم ولاحظ برضه فرق السن وصدقونى بكره تفهموا ان الاعلان ده حماية لمصر وفى امور كتيرة انتوا مش عارفينها على العموم اعترض زى ماانت عايز بس يكون الاعتراض ده ليه اخلاقيات

[Ahmed El Rawi]

معااك حق يا خالد فعلا الاعلان دا ضايقنى اوى المجلس
لما عرف اني مرسى جاي جاي بقي عايز يعمل اي حاجه علشان يوكش علي نص السلطة
ويا سارة مع احترامى ليكى احنا الحمدلله احسن جيل بيفهم الحمد لله احنا العملنا الثورة ومفيش حاجه اسمها فرق في سن لان مفيش اي مبرر من البيعمله المجلس السكرى دا ؟

[EZEL coming]

المشاركة الأصلية كتبت بواسطة سارة ماكس

اعتقد اعضاء المجلس العسكرى مسلمين برضه(المشير محمد طنطاوى-اللواء ممدوح شاهين وماالى ذلك )كلهم مسلمين يعنى حضرتك لو معترض على كلامهم رغم انك لسه سنك اصغر من انك تفهم حاجات كتيرة فى عالم السياسة فالاعتراض ده ليه اسلوبه المحترم ولاحظ برضه فرق السن وصدقونى بكره تفهموا ان الاعلان ده حماية لمصر وفى امور كتيرة انتوا مش عارفينها على العموم اعترض زى ماانت عايز بس يكون الاعتراض ده ليه اخلاقيات

رغم اننى ليس محنك سياسيآ ولكن اشهد انك متحدثة سياسية بارعة ولديكى اداب الحوار كما كان يفعل النبى (ص) فى الحديث مع من يخالفة فى الرأى ولكن هناك بعض الامور اختلف فيها معكى

[Pro Saher Abdel-Aziz]

المشاركة الأصلية كتبت بواسطة سارة ماكس

اعتقد اعضاء المجلس العسكرى مسلمين برضه(المشير محمد طنطاوى-اللواء ممدوح شاهين وماالى ذلك )كلهم مسلمين يعنى حضرتك لو معترض على كلامهم رغم انك لسه سنك اصغر من انك تفهم حاجات كتيرة فى عالم السياسة فالاعتراض ده ليه اسلوبه المحترم ولاحظ برضه فرق السن وصدقونى بكره تفهموا ان الاعلان ده حماية لمصر وفى امور كتيرة انتوا مش عارفينها على العموم اعترض زى ماانت عايز بس يكون الاعتراض ده ليه اخلاقيات

يا ريت توضحلنا الامور اللى احنا مش عارفنها لو انت عارفاها..؟

[د/نداء الجنة المصرية]

المشاركة الأصلية كتبت بواسطة Ahmed El Rawi

معااك حق يا خالد فعلا الاعلان دا ضايقنى اوى المجلس
لما عرف اني مرسى جاي جاي بقي عايز يعمل اي حاجه علشان يوكش علي نص السلطة
ويا سارة مع احترامى ليكى احنا الحمدلله احسن جيل بيفهم الحمد لله احنا العملنا الثورة ومفيش حاجه اسمها فرق في سن لان مفيش اي مبرر من البيعمله المجلس السكرى دا ؟

اولا انا ماعنديش مشكله انكوا تعترضوا لكن من غير اعتراض او شتيمة حتى عشان الناس اللى فى البيوت تتقبل الاعتراض

ثانيا انا مااقدرش اقول ان الشباب مابيفهمش انا ماعنديش خمسين سنة يعنى بقى الشباب اللى سجن رئيس مش بيفهم طبعا شباب مصر ذكى جدا لكن فى ملفات انتوا مش مطلعين عليها وفى ناس ليهم مصالح خاصة وامور كتير متشابكة

[Engineer ..]

من جعل الله غايته فلن يغلب ممن خلقه الله

[amothman123]

مفيش مانع نجرب مرسى و هو شخصية محترمة بس يسيبه من الأخوان و تبقى شخصيته مستقلة

[د/نداء الجنة المصرية]

المشاركة الأصلية كتبت بواسطة ezel coming

رغم اننى ليس محنك سياسيآ ولكن اشهد انك متحدثة سياسية بارعة ولديكى اداب الحوار كما كان يفعل النبى (ص) فى الحديث مع من يخالفة فى الرأى ولكن هناك بعض الامور اختلف فيها معكى

انا باتكلم من ناحية الدين والاخلاق اكتر من السياسة فى حد ذاتها يعنى ازاى نعلم الاطفال ان شتيمة اللى اكبر منك شجاعة؟؟!!!وانه مايتقبلش الراى الاخر؟؟وكمان نفهمهم ان الدين اللى بيقول كده؟؟يعنى ايه اللى انا شايفاه دلوقت انتصرنا وسحقا لمن انتخب شفيق كانهم انتصروا على الكفار مع ان الفارق مليون بس عايزين يقولوا ان فى13مليون مصرى اغبية وكفرة استغفر الله العظيم انا اقسم بالله ان اكثر الناس تدينا وايمانا عندنا بس مالهمش توجهات سياسية انتخبوا شفيق انا كنت منتظرة ان الدكتور مرسى يفوز بس كنت باقول ان بعدها بقى الشعب كله هيتحد ويفكروا فى نهضة مصر لكن للاسف الكلام كله عدوان وياريت اللى يشتم حد مايقولش على نفسه بيدافع عن الدين وياريت الناس تبطل انفعالات شوية انا دايما بالتمس الاعذار للناس لان الحمد لله ربنا اعطانى شخصية هادية جدا وازعم انه اعطانى قدر عالى من الايمان فعشان كده عمرى مااتعصبت ودايما باحكم على الامور بهدوء وتريث وباحط نفسى مكان كل الاطراف والله انا نفسى الناس تفهم يعنى ايه اختلاف ويمكن اللى يقرا كتاب ادب الحوار بتاع تالته ثانوى يفهم ان الاختلاف شئ طبيعى فى الحياة وان التعصب للراى هو اللى مش طبيعى يعنى ايه بالزمة اللى بيتوجه لمحافظة المنوفية من شتيمة واهانة على فكرة المحافظة دى فى حادثة دنشواى كانت سبب فى وقوف العالم مع مصر بس هى ليها وجهة نظر لانها بتحكم بهدوء من غير تعصب وربنا يهدى المصريين ويوحدهم على كلمة واحدة بس اهم حاجة مايغيروش المحافظ اللى عندنا

[د/نداء الجنة المصرية]

المشاركة الأصلية كتبت بواسطة Dr.Mohamed Taha

من جعل الله غايته فلن يغلب ممن خلقه الله

اكيد طبعا

[د/نداء الجنة المصرية]

المشاركة الأصلية كتبت بواسطة ساهر عبد العزيز

يا ريت توضحلنا الامور اللى احنا مش عارفنها لو انت عارفاها..؟

احم احملازم يعنى؟؟ خلاص بقى انا ورايا امتحانات والاخوان مسكوا مافيش داعى وبصراحة دى مجرد شكوك ووجهة نظر خاصة فمش هقدر اقول الا اذا كنت متاكدة وربنا يصلح كل الامور بس لازم كل مصرى يفكر قبل مايتصرف ومايتسرعش فى عواطفه ويبص حواليه كويس

[د/نداء الجنة المصرية]

المشاركة الأصلية كتبت بواسطة amothman123

مفيش مانع نجرب مرسى و هو شخصية محترمة بس يسيبه من الأخوان و تبقى شخصيته مستقلة

اكيد لازم نجرب وحتى لو الاخوان اللى هايحكموا بس بالعدل يبقى كويس اهم حاجة كل مصرى يشتغل بما يرضى الله وينقى نفسه من الذنوب والشر والكراهية زى ماعلمنا الدين

[lolo ezzat]

ايه ياجماعه استهدوا بالله
ده هو شيطااااااااان ودخل مابينكم

[د/نداء الجنة المصرية]

المشاركة الأصلية كتبت بواسطة lolo ezzat

ايه ياجماعه استهدوا بالله
ده هو شيطااااااااان ودخل مابينكم

شيطان ايه بس؟هو فى حد بيتخانق ده احنا حتى بنتكلم فى ان الناس يبقوا كلهم كويسين مع بعض

[222ahmed222]

المشاركة الأصلية كتبت بواسطة سارة ماكس

على فكرة الاسلوب اللى حضرتك بتتكلم بيه ده سبب اختيار شفيق عندنا وطبعا مبرووك لمرسى وربنا يجعل الخير لمصر على ايده بس عايزة اوضحلكم حاجة اسلوب شتيمة المخالف فى الراى ده عدم احترام انا فى كلام ماكنتش بقوله عشان الاهانات اللى ممكن تتوجه لى لكن دلوقت اظن انى لما اخالف الاخوان فى الراى يبقى بخالف السلطة الحاكمة مش بنافق ولا حاجة بالنسبة للاعلان الدستورى حضرتك ايه اللى مش عاجبك فيه حكاية اعلان الحرب ؟ليه عايزننا نصبح الصبح نعلن الحرب ونبهدل الدنيا وهانعلنها على مين وعشان ايه وياترى هانقدر نحارب؟؟اذا كانت البلد كلها اللى بيتخانق مع حد بيضربه يبقى هنحارب غيرنا ازاى ده مش جبن بس لما يبقى فى مبرر للحرب اساسا ولما علاقة المصريين ببعض تتحسن ونقطة تانية حكاية شتيمة المحافظات اللى انتخبت شفيق دى حاجة ضد الدين اذا كنا بننادى بتطبيق الدين وعلى فكرة فى عدد كبير عندنا من المنتقبات والمثقفين والدكاترة والمهندسين ورجال الدين والناس اللى بتفهم فى الدين كويس انتخبت شفيق وانا عمرى ماشفت انسان متدين دين حق مش دين اسم وبس بيشتم بالفاظ سيئة الناس لو فهمت الدين الصح هتلاقيه كله تسامح يعنى الاساءة لاى مسلم دى ذنب كبير وحتى الاساءة لغير مسلم لو كانت غير مبررة فهى برضه ذنب واضح ان فكرتى عن المصريين كانت غلط وياريت ماحدش يزعل منى بس انا باتكلم من منطلق المنطق ومبروك لمرسى مرة تانية وانا كل اللى عاوزاه مصر تكون فى احسن حال لاده هاينفعنى ولاده

انا والله ع التوبيك التاني كنت عملت حسابي اني مش هتناقش معاكي خلاص ف موضوع السياسة بس كان لازم اقول رأيي لما شوفت الكلام الجديد دا
مش معنى ان احن عايزين الدكتور محمد مرسي يبقى هو ال له الحق في اخذ قرار الحرب يبقى احن عاملين حسابنا على اننا هنحارب لا طبعا خااااااااالص بس الموضوع كله انه غلط جدا نقوم بثورة ونجيب رئيس ويروح المجلس العسكري يقولنا مبروك عليكم الرئيس من غير صلاحيات مبارك ال هو كان رئيس موجود غصب عننا مش مختارينه وكان هو له كل السلطات لما نيجي احن نختار رئيس يدوهولنا بالسولوفان بتاعه من غير صلاحيات
ثم بالنسبة بقى لموضوع ان الاسلوب دا هو ال خلى الناس تنتخب شفيق فانتي شكلك مشوفتيش مؤتمرات شفيق ال كان بينصبها اصلا مش عشان يتكلم ف برنامجه لأن اصلا معندوش برنامج يتقال اخره انه بيقول هرجع ماتشات الكوره لا دا كان بيقعد ف المؤتمرات يشتم في الاخوان ويتهمهم ويخونهم ويقول ان البلد هتولع لو مسكوا بيروع الشعب عشان ميختاروهومش بس ربنا خيب ظنه ف الشعب وبإذن الله ف المرحله الجايه هيبقى ف السجن.
ومووضوع ان ف منقبات وملتحين عطوا صوتهم لشفيق فاحن مبنقولش ان الفلول لازم يكونوا مش محجبات مثلا!!!
كل نوعية من الناس فيها الفل وفيها الثوري وفيها ال مش فارق معاه حاجه والاخوان مش ال بيديهم منتقبات او متدينين بس يعني لعلمك انتي بتختاري مرشح على حسب برنامجه الانتخابي فالاخوان ف ليا اصحاب ليبراليين جداااا اولاد وبنات واختاروا دكتور محمد مرسي ومن المرحلة الأولى مش التانيه حتى