غصة في الحلق !!

[حسام الدين ريه]

انا طبعا مدرس ازهرى زيكم ويمكن مرتبى اقل من مرتبكم . واتمنى طبعا الزيادة بما يتناسب مع مكانة المعلم الازهرى . بس برضه عايز اقول لكم عدة نقاط مهمة : 1- انت وافقت على العمل بالتدريس وانت عارف المرتب يعنى انت ارتضيت هذا وسعيت اليه .والعقد شريعة المتعاقدين وما فيش حد غشك ولا حاجة 2- انت شايف المرتب قليل ولا يتناسب مع امكانياتك سيب الشغل وروح اشتغل فى المجارى وخد 8 آلاف جنيه 3- هناك ملايين يريدون الوظيفة اللى مش عاجباك دى . فسيببها لهم . وربنا يكرمك بوظيفة تانية 4- ارض بما قسم الله لك تكن اغنى الناس 5- الاجر اللى معلم الازهر بياخده من ربنا لايقدر بثمن .و كلنا هانعرف الفرق الكبير يوم القيامة ان شاء الله 6- نحن لم نتعلم ولم نُعلم من اجل المال والا ذهب عملنا هباء منثورا ومن الثلاثة الذين تسعر بهم النار قارئ للقرآن او عالم وانما عملنا لله 7- اخلص فى عملك اكثر مما تستطيع يبارك لك الله فى مالك واهلك وولدك وفى صحتك وفى كل شىء 8- ابحث عن فرصة سفر او اعارة او عمل اضافى بعد مواعيد الدراسة تحسن بها دخلك وده مش عيب ولا حرام 9- سؤال مهم وما فيش حد يزعل : انت بتشتغل بضمير وبتعامل الطلاب زى ولادك او اخواتك الصغار ويتواظب على مواعيد العمل . يعنى باختصار بتدى للشغل حقه قبل ما تطالب بحقك . معظمنا يبحث عن حقوقه اكثر من واجباته . 10- لما تكون دى نظرة المعلم الاستاذ وكلامه فماذا يكون كلام وحال الطلاب؟؟؟