|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
30-06-2012, 04:36 AM
|
|||
|
|||
.. لكل المقبلين على الثانوية العامة .. " بلا توتر " لو سمحت ..
السلام عليكم ورحمة الله وبركاته ...
أحبتي طلبة الثانوي الكرااام ... أحب اقدم ليكوا بعض الأشياء البسيطة اللي بجد استشعرت انها مهمة اووي اووي .. انا مش هقول كلام تقليدي لكن بجد هتكلم عن تجربتي في الـ 11 شهر اللي فاتوا .. بدأت اول درس كان انجليزي يوم 30/7 السنة اللي فاتت وفي اليوم دا استفدت حاجتين مهمين اوي .. 1- الانتباه للشرح مهم جدا جدا جدا عن انك تقعد تكتب وتدون وانت مش فاهم . 2- الجهد الأول والاخير عليك في المذاكرة متستناش من المدرس يحفظك الدرس مثلا .. !!! على مدار السنة الطويلة بكل احزانها وافراحها وتعبها و المر اللي عشناه فيها استفدت قيمة عليا محدش بيتكلم فيها لكن أقسم بالله اني أدركتها بشدة فقط من يوم واحد بس وهي ان الله لا يضيع أجر من أحسن عملا ... والله مش كلام وانا هحكيلكوا تجربة بسيطة مش بعيدة هي كانت من يوم واحد بس ... امتحان الاحياء كان أدامنا قبليه 3 ايام فقــــط وعندنا 300 صفحة + 200 رسمة لازم يتحفظوا ويتراجعوا كويس .. !! انا كنت عايشة في حالة انهيار وبكاء شديد جداااا الدموع لا تكاد تغادر عيني طول ما أنا بذاكر بسبب يقيني من استحالة انهاء المنهج بشكل كامل ووافي كما تعودت على المذاكرة طيلة السنة .. وبالفعل جه اليوم المشهود اللي هو ليلة الامتحان وكان لسا عندي 8 فصول متفتحوش من 13 .. !!! لا اعتقد ان اليوم دا ممكن يتنسي في حياتي كلها .. !! المهم قدرت اخلص ماعدا 3 فصول ( تنسيق هرموني ودعامة وحركة وتكاااثر ) وكل اللي واخدين او هياخدوا احياء اكيد هيبقوا مقدرين وضع الانهيار اللي انا كنت فيه .. ! كان لسالي 70 صفحة من المنهج . !! وكنت بعيط بطريقة هستيرية لدرجة ان المدرس جالي البيت وقعد يهديني ... انا مهدنيش غير كلمة ماما قالتهالي " ربنا مش هيضيع تعب سنة كاملة عشان 3 ايام معرفتيش تلمي فيهم المنهج " الكلمة كانت بمثابة الثلج اللي نزل على اللهب المشتعل ... !! وقعدت اصلي وادعي ربنا كتييير اوي وانا بعيط واقول يااارب متضيعش تعبي ياااارب ..يشهد ربنا اني تعبت في الاحياء طول السنة جداااا جداااا ودا كان حارقني اكتر .. احساسي اني مش هعرف احل حاااجة لاني مراجعتش حااااجة كان مسيطر عليااااا ... وطبعا منمتش ولا دقيقة قبل الامتحان وفضلت احاول الم المنهج ... لغايت ما كانت الساعة 5 الفجر .. كانت ساعة فااصلة .. وقلت فيها يارب وفقني انا هبص على حاجات معينة وربنا كريم .. بدأت افتح الصفحات اللي متفتحتش من شهر ولا حاجة ( الـ 70 صفحة ) وكنت بقرأ تقريبا نص صفحة بين كل 10 صفحات ومذاكرتش غير رسومات معدودة جدا جدا جدا لانه مفيش وقت ... لغايت الساعة 8 ما جت وكنت بموت في الدقيقة ألف مرة ... المهم قلت الكتاب وجهزت ونزلت ع 8 ونص كدا وفضلت بردو أقلب في الكتاب وأقرأ حاجات واسيب حاجات وانا بدعي نفس الدعاء وبقول ياارب متضيعش تعبي ... ورحت الامتحان في هدوء شديد وليكوا تتخيلوا واحدة داخلة امتحان ثانوية عامة مش مخلصة المنهج ومش نايمة ومصدعة وتعبانة ودايخة ومعيطة ... !! ودخلت اللجنة بدأت أحل .. واقسم بالله ان الاسئلة اللي جت من الـ 70 صفحة اللي انا مقرأتش غير اجزاء منها الصبح لم تخرج عن اللي انا قرأته الصبح !! نصا فيما عدا سؤال واحد وسبته لان الامتحان اصلا اختياري .. !! انا كنت في حالةغير طبيعية في الامتحان من التعجب واليقين في توفيق ربنااااا ..... انا مش بحكي عشان افتخر او عشان اقولكوا تجربة ليا .. انا بجد عاوزة اوصل حاجة .. أن ربنا وفقني الصبح اني اقرا اللي جاي في الامتحان بسبب مجهودي طول السنة اللي مينفعش ربنا يضيعه ..!! وصدق الله العظيم " إن الله لا يضيع أجر من احسن عملا " .... " ادعولي بقا انا هتجنن وانا مستنية النتيجة كدا "  ـــــــــــــــــــــــــــــــــ انا كدا اتكلمت عن أول يوم وآخر يوم في السنة .. وأكيد السنة في طياتها تحمل الكثييير من القيم واللي هتكلم عنها ان شاء الله ..  " ادعولي ارجووووكوا " ـــــــــــــــــــــــــــ بالنسبة لمادة اللغة العربية ... القصة : من المستحييل ان حد ممكن يحفظ القصة بالنص قراءة الفصل 3 مرات وافية جدا جدا صدقوني مجرد المحاولة انك تحفظها بالنص دا هيسببلك عائق نفسي كبيير اوي بينك وبين المادة ودا اللي حصلي بعد الفصل التاني حفظت اول فصلين بالنص وبعدين بطلت اذاكر قصة بغايت الفصل الساابع .!! بسبب الموضوع دا لان كان جوايا خااايفة اصلا اني افتح الفصل فبلاش تخلوا العائق النفسي دا يتمكن منكوا وان شاء الله تصحيح القصة اصلاا بالفهم ... النصوص : اللي بيوقع في النصوص بالنسبالي كانت " معاني الكلمات " ركزوا عليها وعلى الجمع منها والمفرد مثلا و المعجم وهكذا .. وحاولوا دايما تذاكروا اللمحات الفنية بتاعت كل نص وتعرفوا معلومات عن الشاعر " معلومات بسيطة " .. القراءة : صعب تعرف تجاوب على اسئلها منغير ما تكون حافظ الدرس على هيئة سؤال وجواب . واهم حاااااجة انك متتوقعش انك ممكن تلم الدرس بنسبة 100% من اول مرة تذاكروا فيها . !! دا مستحيييييييل .. فبلاش الموضوع يسببلكوا مشكلة نفسية لااا دا طبيعي جدااا جداااا عادي ،، لمحة بسيطة : اللغة العربية من الطبيعي انك تبقى حاسس طول السنة انك ضايع فيها ومش لامم فيها حاجة لكن العربي بالذااااات بيتلم كويس جداااااااااااااا في المراجعة وخصوصا مراجعة قبل الامتحان .. فعادي يعني متخافوش منوا ومتيدولوش اكبر من قدره ....  ادعولي بقا عشان قربت امووت ولسا على النتيجة كتير اووي الانجليزي .. :- الكلمات ثم الكلمات ثم الكلمات دايما المدرس كان يقولنا اللي بيحفظ كلمات كتيير دا الطالب الوحيد اللي بيدخل الامتحان منغير ما يبقا خااايف .. بس في امتحان السنادي كانوا بيلعبوا اووي على الجرامار وعلى الـ llanguage notes بس نصيحتي بجد باختصار .. " اطلع على اكثر من مصدر في الانجليزي قبل ان تحدد مصدر مذاكرتك + لا تعتمد اعتماد كلي على الكتب الخارجية في المذاكرة لكن في " الحل " ضروري جدا كتاب Top students كتاب راااائع ... المذاكرة لازم تبقا من مذكرات فيها كلمات كتيييير اليونيت لا تقل عن 100 كلمة احنا كان عندنا ( 170) في اليونيت ....وفيها شرح منظم للقواعد .... ولا تتوفع انك هتلاقي مدرس كويس بنسبة 100% في الانجيزي فمتتعبوش نفسكوا اووي وتقعدوا تتنقلوا من مدرس لمدرس .... القصة انا كنت بذاكرها على هيئة سؤال وجواب " حفظ " لكن مش من الكتب الخارجية لان الكتب الخارجية مش بتجيب كل حااجة ... الرياضيات .. : نصيحتي الاولى والاخيرة فيها انك تحاول تحل رياضة كل يووم وفي دروس معينة مش هقول عليها عشان مديكوش ايحاء نفسي بس .. هي مش هتبقى صعبة لكن ممكن متفهمهاش غير لما تحل عليها 60 مسألة ولا حاجة بأفكار متنوعة .. عادي جدا جدا هو درس واحد في المنهج مش دروس ولا حاجة .. الفرنسي ... مادة مااااكرة اوعوا تخلوها تخدعكوا ومتهملوهاش وتعملوا غلطتي اللي ندمت عليهاا اوي بعد كدا .. لازم يتذاكر لازم يتذاكر كويس جدااااا ...... الأحياء : اياكواااااااااا ثم اياكوووووووووووووو ثم اياكوووووووووووووو تأجلوا الرسومات وتقولوا هذاكرها في آخر السنة .. من الآخر اللي مش هيذاكر رسومات طول السنة مش هيعرف يذاكرها بعد كداااا ... وانا كنت بذاكر من كتاب الامتحان .. افضل من كتاب المدرسة 10000 مرة دا من وجهة نظري الشخصية .. ـــــــــــــــــــــــــ دي كانت ومضات بسيطة على كل مااادة .. لكن بجد متنسوش حاجة مهمة اووووووي وهي انكوا تتوكلوا على ربنااااااا .... ومتخلوش اهمال يوم او يومين او تلاتة او عشرة يأثر على الباااقي .. وفي اغنية بحب اسمعها اوي بتقول " انسى ياللي كان وفات وابتدي بهمة وايمان هتحصل كل اللي فاتك " لا تهملوا اي سؤال او اي جزء مهما كان صغيرا ... او اي تدريب حتى لو كان ملوش لازمة من وجهة نظرك .. متهملوش اي حاجة دقيقة او معقدة بحجة انها مش ممكن تيجي في الامتحان .. النقطة دي كان نفسي اكون ادركتها قبل كدااا بس الحمد الله ... انا بقولكوا ارجوووكوا حسوا بقيمة كل دقيقة وقيمة كل حاجة صغيرة ممكن تفتكرها مش ليها لازمة اووي .... والله ربنا مش هيضيع تعب حد وانا بقسم بالله ربنا مش هيضيع تعب حـــد .. انتوا بس ابدءوا واتوكلوا على ربناااا وهو اللي هيبقا متولي أمركم .. !! واكررها في النهاية .. لا تهملوا قيمة كل ثانية لا تهملوا قيمة اي شيء صغيير في المادة مثل حل تدريب او سؤال صغير او او او اي شييء انت شايف ملوش قيمة هيبقا لي قيمة والله ....... وربنا يوفقكوا متخافوش الثانوية العامة زي اي سنة بس عاوزة تركييزيز بس ... وفي النهاية انا مستعدة ارد على اي استفسار او سؤال وبرجوا منكوا بجد تدعولي عشان انا قلقانة اوي .. والسلام عليكم ورحمة الله وبركاته ...
__________________
حسبي الله ونعم الوكيل ..... وكلتك يارب ... 
|
|
#2
30-06-2012, 08:15 AM
|
||||
|
||||
جزاكي الله كل خير
وربنا يوفقك ان شاء الله وتجيبي مجموع كبير وتدخلي الجامعة اللي انتي عيزاها
__________________
 ادعولي بالتوفيق : )
|
|
#3
30-06-2012, 08:42 AM
|
||||
|
||||
|
جزاك الله خير
انتى طمنتينى رغم ان لسه طالعه تانية وهتبقى نقل مش شهادة بس تانية بروفة لتالته ع النظام الجديد ده وياااارب تيجيبى نتيجة عاليه وتدخلى الكلية اللى بتتمنيها 
__________________
إَرسـمــ أَحـلـامـك علـى جـدران الـأَمـل ثـمــ إمـضـي لـ تـحقـيقهـا بــ تــفــاؤلツ  الصـبــرِ :: ڪالـدوِاء الـمـر مـذاقــة سـئ ،، وِ لڪن نتــائجـة جميلـة ツ
|
|
#4
30-06-2012, 10:34 AM
|
||||
|
||||
|
[
جزاكى الله خيرا انا داخلة تانية ان شاء الله دعواتك معانا بقى وعلى فكرا هندرس فيزيا السنة الجاية مع بعض  يااااارب تجيبى مجموع مرتفع وتدخلى الكلية اللى نفسك فيها
__________________
If you have a dream ..
You should work for it .. try to achieve it by all possible means .. even die for it !!.
|
|
#5
30-06-2012, 10:53 AM
|
||||
|
||||
|
جزاكى الله خيرا
ربنا هيوفقك باذن الله لان انتى تعبتى بجد وان شاء الله تجيبى مجموع عالى باذن الله وتفرحى اهلك ويوم17 نقلك يادكتور باذن الله انا استفدت كتير رغم انا راحة تانية ثانوى وهى مش شهادة وزى مالاخوات قالوا هى بروفة لتالتة وربنا يوفقنا ويوفق كل الطلبة ولكل مجتهد نصيب
__________________
أغيثوا معتقلى العقرب بالدّعاء
|
|
#6
30-06-2012, 01:34 PM
|
|||
|
|||
|
جزكانا واياكم جميييييعا يا جماعة والله اسعدتوني جدااا باستفادتكوا ...
بس انا اتمنى فعلا تتعاملوا مع تانية ثانوي على انها بروفة وتذاكروا فيها بجد عشان متصتضموش بعد كدا في تالتة ... ربنا يوفقكوا جميعااا ويوفقنا كلنا ان شاء الله ،،
__________________
حسبي الله ونعم الوكيل ..... وكلتك يارب ...
|
|
#8
30-06-2012, 02:38 PM
|
||||
|
||||
|
جزاكى الله خيرا
ربنا معاكى و تدخلى الكلية اللى انتى عايزها ياااااارب انا داخلة اولى ثانوى و عرفت انى هاخد كل ترم 7 مواد فا انا نفسى انى اذاكر كل المواد كويس جدا و اكون منظمة بس مش عارفة اذاكرهم ازى قصدى اعمل جدول المذاكرة ازى ؟ انا خايفة اهتم بمادة و انسى التانية و نفسى كل مادة اديها حقها فكرت انى كل يوم اذاكر مادة واحدة بس مزاكرة جامدة و مكثفة ( كذا درس يعنى) بس كدة حسيت بملل او انى كدة هنسى بسرعة لانى كدة كل يوم فى الاسبوع هفتح مادة واحدة حضرتك فهمانى ؟؟؟؟؟؟؟؟ مش عارفة الصراحة .... انا نفسى اجيب مجموع حلو و كبير علشان يطمنى و يدينى حافز انى اذاكر اكثر و اكثر و احس انى بتقدم
|
|
#9
30-06-2012, 09:37 PM
|
||||
|
||||
|
اولاً سيكون لي تعليق اتمني انه ميضايقكيش
انا مستغرب ... ايه الخوف ده كله؟؟ خايفين من ايه؟؟ خايفين من امتحان تااااااااااااااااااااااااااااااااااااااااافه في حياتكم؟؟ هو انتوا فاكرين ان الثانوي دي كل حاجة؟؟ فاكرين انكم محتاجين الثانوي عشان تكونوا حاجة؟؟ العقاد طلع ازاي؟؟ طلع بثانوي؟؟ زويل طلع منين ؟؟ طلع من طب؟؟ طلع من هندسة؟؟ كام واحد من الاوائل بتوع ثانوي ابدعوا في هندسة؟؟ دوروا عليهم ان جابوا تقديرات اصلاً فيها ... حياتك هتتوقف لو فشلتي في ثانوي؟؟ هقولك كلمة بأختصار هتعرفي معناها بعد كده اللي عايز يعمل حاجة بيعملها .... عايز تتعلم هتتعلم .... عايز تتعلم الطب تقدر تجيب كتبها اللي مغرقة النت و تعلم نفسك .... عايز تتعلم الرياضيات سهل تتعلمها ... عايز تتعلم حاجة هتتعلمها عايز تقيم حاجة هتقيمها ... عايز تشتغل حاجة اسعي وراها هتوصلها لو فشلت في الثانوي حياتك توقفت؟؟ الشباب و البنات هتموت من الخوف و بتتقطع من العياط و القلق و الشجب عشان الامتحانات بتاعت ثانوي علي العلم انها ولا حاجة !! فين هدفكم يا مصريين ؟؟ فين هدفكم يا مسلمين؟؟ الهدف ليه اكتر من طريق ... و عمر ما كانت الثانوي الطريق الوحيد للهدف ده... بتقنعوا نفسكم ان الثانوي هي ممر الحياة ... ومش الثانوي ولا الكلية اللي هتدخلكم الجنة دوروا انكوا تنجحوا في امتحان الدنيا ... عشان تنجحوا و تدخلوا الجنة ...مش الكلية
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|
|
#10
30-06-2012, 09:48 PM
|
||||
|
||||
|
اقتباس:
|
|
#11
30-06-2012, 11:16 PM
|
|||
|
|||
|
اقتباس:
مش لازم تبقي قلقانة وانتي لسا داخلة اولى ثانوي بالعكس أولى ثانوي دي كنت بدخل الامحتان بفصلين من 6 وببقا فل 100 على 100 مكنتش ببقا قلقانة اصلا عااادي .. لكن طبعا مش عاوةز اقولك متذاكريش انا كنت غلط لكن مش بنسبة 100% بس خديها سنة فكاهة كدا يعني ذاكري براحتك ومش لازم تاخدي دروس كتير انا كنت باخد في الرياضة والفرنسي بس ومكنتش بروح مدرسة .. !! محبتش اقيد نفسي في سنة هي اصلا فيها حرية ... يعني متعقديش نفسك في اولى ثانوي عيشي حياااتك براحتك وذاكري براحتك .. كلامي مش معناه اهمال لكن مش معناه بالضرورة ان الدروس تتذاكر كلها اول بأول بنسبة 100% دا هيتعبك نفسيا اوووي ومش هتعرفي تخلصي ... فأطلقي لحريتكي العنااان .. عيشي براحتك .. وذاكري بعد كل كام درس في كل مادة .. لكن ضروري جدااا تحلي دايما في الرياضة وتذاكري فرنسي .. وتحفظي كلمات انجليزي ... شاكرة ليكي مرورك وتعليقك يا جميل ... اقتباس:
لا لا مفيش حاجة مضايقاني بالعكس .. وإذا كان كلام حضرتك صحيح بنسبة 100% لكني ارى انه غير واقعي ..! بعد اذن حضرتك طبعا .. اي عقل يخليني اصدق اني ممكن لا قدر الله لو دخلت مثلا تجارة اسيب كتب تجارة واقعد اذاكر في كتب طب .. ؟؟!! ثم حتى لو ذاكرت كنت طب .. ايه الشهادة اللي معايا واللي هتأهلني اشتغل في المهنة ؟؟ انا عاوزة ادخل طب اسنان لو دخلت اي كلية تانية وذاكرت كتب طب اسنان وبعدين هعمل بيها اي ؟؟ الموضوع مش هيقف على كتب المجال اللي انا عاوزة اذاكره الموضوع موضوع مستقبل مهني انا بتمناه في مجال معين والمستقبل المهني دا مرهون على مجموعي في الثانوية العامة .. !! اقتباس:
[color="rgb(65, 105, 225)"]شاكرة ليكي حسن مرورك يا جميل .. [/color]
__________________
حسبي الله ونعم الوكيل ..... وكلتك يارب ...
|
|
#12
01-07-2012, 07:17 AM
|
||||
|
||||
|
اقتباس:
عايزة اقولك ان المزاكرة وكل حاجة من دى جزء من ديننا بردو ولازم ناخد بالأسباب كلامك صح لو بالغنا ف الخوف والقلق بس مش اكتر انما احنا لازم ناخدها جد طبعا خصوصا ان هى دى شغلانتنا الوحيدة ف الوقت الحالى ولا اى رأيك
__________________
If you have a dream ..
You should work for it .. try to achieve it by all possible means .. even die for it !!.
|
|
#14
02-07-2012, 06:34 AM
|
||||
|
||||
|
اقتباس:
كن نفس المعنى موجود فى الايتين دول قال الله تعالى: "إن الله لا يضيع أجر المحسنين" سورة التوبة 120 وقال سبحانه وتعالى: "إنا لا نضيع أجر من أحسن عملاً" سورة الكهف 30
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت
|
|
#15
03-07-2012, 02:52 PM
|
|||
|
|||
|
اقتباس:
بشكرك جدا وانا بعتذر عن الخطأ دا
__________________
حسبي الله ونعم الوكيل ..... وكلتك يارب ...
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:00 PM.
