ااااااااااه يا سادات :!!

[بقايا قلب]

السلام عليكم


بدون مقدمات ..شايفين ايه فى الصوره







الصوره دى فيها حاجه تدل ان السادات الله يرحمه كان بطل فعلا

الاسد اسد فى اى مكان


لاحظ وقولى لاحظت ايه ؟




الله يرحمك يا ريس

[ahmed H capo]

هتلر في الجرافتة فعلا لاحظتها
شعار النازية
وطبعا كان هدفها حرق دم اليهود
السادات عقلية لا تتكرر

[خالد مصطفـى]

السآدآت كنت بحبه إلى أن وقع معآهدة العآر


ربنآ يغفر له .. "

[sameh mostafa]

المشاركة الأصلية كتبت بواسطة خالد مصطفـى

السآدآت كنت بحبه إلى أن وقع معآهدة العآر


ربنآ يغفر له .. "

لو كنت موجود ايامها كنت تتمنى انك تعمل المعاهدة اولا اقتصاد مفيش جيش مرررررهق البلد فى حالة حرب وتهجير لاهالى القناة لمدة 6 سنوات انت المنتصر وليس المنهزم رجوع باقى سيناء كااااااااااااااااااملة دون اى دماء مصرية

انت عايز تفضل طول حياتك فى حالة حرب وتعداد شهداء مش عايز تتقدم ومش عايز تستقر

[just4me]

المشاركة الأصلية كتبت بواسطة خالد مصطفـى

السآدآت كنت بحبه إلى أن وقع معآهدة العآر


ربنآ يغفر له .. "

بلدنا المش عاجبه يروح يموت فى فلسطين و نخلص

[222ahmed222]

المشكله مش مشكلة مجرد توقيع معاهدة سلام وخلاص
هي دي ف حد ذاتها مشكله خصوصا لما تكون البلد فلسطين شقيقتك تحت سيطرتهم
بس المشكله الأكبر انك توقع المعاهدة دي وانت في موضع قوة وفايز في الحرب وتبقى المعاهده اغلب بنودها في مصلحتهم هم
كدا انت طلع ملكش اي شخصية والفوز اللي حققته في الحرب ملوش أي لزمه لازم لما تكون الأقوى تفرض شروطك خصوصا مع ناس يهود زي دول يعني لو اخواتنا ممكن نتهاون ونضحي ببعض الأشياء انما اليهود كانوا وسيظلوا اعدائنا إلى الأبد فمينفعش لما اكون في موضع قوة اعمل معاهده في مصلحتهم هم وكأنّهم هم المنتصرين

[خالد مصطفـى]

المشاركة الأصلية كتبت بواسطة just4me

بلدنا المش عاجبه يروح يموت فى فلسطين و نخلص

ي ريت أقدرَ فأفوزُ فوزاً عظيماً

ولآ عزاء للمنافقين ...

[Free Canary]

السادات شخصية لئيمة و ذكيّة و كان حكيم في اغلب القرارات العسكرية اللي اتخذها
فكرة المعاهدة كان لابد منها..لأن احنا فعلا كنا في حالة لا تسمح لنا بخوض معركة مرة أخرى و الرد من جهة الصهيون وقتها كان حتمي و لابد منه ،و رد فعل الجماهير ضد المعاهد ده كان طبيعي جداً لأنه رد تلقائئ بدافع انساني يرفض اللي بيحصل في فلسطين لغاية دلوقتي و فعلاً اللي بيحصل ده مايرضيش انسان لسة ضميره صاحي ،و مش معنى ان السادات اختار السلام يبقى كدة بيبيع شعب فلسطين بس هو كان بيعمل واجبه كرئيس و بيحاول يجنبنا حرب احنا مش قدها، برده مش معنى ان بيننا و بينهم معاهدة سلام اننا نسكت و نتفرج..اعتقد المفروض يكون لمصر دور ... احنا بيننا و بينهم معاهدة بس المعاهدة دي مالهاش علاقة بدورنا ضد اللي بيحصل في فلسطين

على فكرة .. فكرة انه يحط شعار النازية على الكرافاتة ده اكبر دليل على احتقاره لليهود، و انه فعلا كان مجبر على لمعاهدة

[بقايا قلب]

لما اكون في موضع قوة اعمل معاهده في مصلحتهم هم وكأنّهم هم المنتصرين

احترم رايك جدا

بس لو قرات كتاب حرب الساعات الست واحتمالات الحرب الخامسه ل عبد الستار الطويله ( مراسل حرب )

هتعرف اننا كان لازم نوقع على معاهده سلام لاننا كنا خلاص فاضل شويه وهننتهى خصوصا بعد الثغره

والسلاح اللى امريكا بتزود اسرائيل بيه ... والحرب كان فاضل لها شويه وهتبقى حرب عالميه ثالته بعد ما روسيا هددت بارسال 30 الف جندى وبالفعل ارسلتهم فى 200 طائره على دفعات بس امريكا قدرت انها تتراجع عن المساعدات فى الوقت ده وتوقف روسيا عن الدخول فى الحرب وخلت اسرائيل تنسحب من الثغره ... ع العموم


الله يرحمك يا سادات

[د/نداء الجنة المصرية]

احنا جنبنا ميت ابوالكوم مابيتفاهموش خلى حد يغلط منكم فى السادات قدامهممااعرفكوش

[sameh mostafa]

المشاركة الأصلية كتبت بواسطة بقايا قلب

احترم رايك جدا

بس لو قرات كتاب حرب الساعات الست واحتمالات الحرب الخامسه ل عبد الستار الطويله ( مراسل حرب )

هتعرف اننا كان لازم نوقع على معاهده سلام لاننا كنا خلاص فاضل شويه وهننتهى خصوصا بعد الثغره

والسلاح اللى امريكا بتزود اسرائيل بيه ... والحرب كان فاضل لها شويه وهتبقى حرب عالميه ثالته بعد ما روسيا هددت بارسال 30 الف جندى وبالفعل ارسلتهم فى 200 طائره على دفعات بس امريكا قدرت انها تتراجع عن المساعدات فى الوقت ده وتوقف روسيا عن الدخول فى الحرب وخلت اسرائيل تنسحب من الثغره ... ع العموم


الله يرحمك يا سادات

عندك حق كنا على وشك حرب عالمية والدم للركب والنووى هيترمى يمين وشمال ومن ساعة المعاهدة كل العالم بيحترمنا وان احنا رمز القوة والسلام فى الشرق الاوسط

[Engineer ..]

وعشان خاطر الولاد الصوغيرييييييييييين والمقرر فييييييييييهوووووووووم
ههههههههههههههه عبارة أحبها جداً منه
والله السادات ده كنت بحس انه انسان بجد فعلاً ..... ليس ملاكاً بألا يخطأ ...... فالكل يخطأ ويصيب والكل يؤخذ من كلامه ويرد الا صاحب السنة صلَّ الله عليه وسلم ... فهو كرئيس سابق احترمته جداً وكنت اتمنى ان اعيش في زمنه يشاء الله أن تتجدد لقاءات الحق في رئاسة الدكتور مرسي باذن الله
فدعك من الماضي وما كان فيه واستفد من خبراته وانظر لمستقبل مشرق مبذلاً كل طاقتك التي وهبها الله لك حتى تكون أهلاً للتمكين في الأرض

[EZEL coming]

السادات رئيس محترم كان يقول اود ان يكتب على قبرى عاش من اجل السلام ومات من اجل المبادئ وحتى تحس لما كان بيكلم تحس بحرارة فى كلامو مش زى الرئيس ابو علاء بس انا فى نظرى جمال عبدالناصر احسن رئيس لمصر وعسى ان يكون د/محمد مرسى مثل جمال او السادات ويكون خيرآ على مصر

[*تائبة فى رحاب الله*]

السادات شخصية جريئة جدا وذكى جدا كمان الا ان لكل رئيس نقطة سوداء فى حياته
عدا الرئيس المخلوع كان كل حياته سودة
اللى عند السادات كان توقيع المعاهدة وهو فعلا كان فيها حاجات لمصلحة البلد فى الفترة دى بسبب الضعف الى كنا فيه بس فى شروط طغت علينا وع الدول العربية التانية واولهم فلسطين
جمال عبد الناصر:اللى عمله فى الاخوان ورماهم فى السجون ومكنش عاوز دولة بمرجعية اسلامية خلاها نظام شيعى دى كانت حاجة سيئة جدا

وان شاء الله الدكتور مرسى هيصلح ده كله
بس اللى لاحظته فى الصورة ان السادات احتقر الراجل ده ومكنش بينظرله وهو بيكلمه ده دليل انه مش خايف من حد

[ahmed H capo]

بصراحة السادات اعظم رئيس في تاريخ مصر
غيري هيشوف غير كدة اكيد
بس مفيش رئيس جه زيه من وجهه نظري بس طبعا مكنش حيبقي في سادات من غير انجازات عبد الناصر