بص انا طالب مخلص تالته ومستني النتيجه زيي زيك وسيبك من اللي يقلك 402و5 تدخلك هي حسب الناس اللي جايبيين درجات عليه فمثلا انا السنه اللي فاتت جايب 202.5 من 205 ورغم كده لقيت نفسي في الترتيب 7330 علي مستوي الجمهوريه وكنت قلقان زيك بالظبط وخايف اني مقدرش اعمل حاجه بس الحمد لله دخلت تالته ولقيتها اسهل بكتير من ناحيه انك اخدت خبره ولازم متكررش اخطاءك من تانيه .
اما موضوع اني الناس مقفله فيزيا و احياء و علم نفس ف ده لاني الاسئله في الورقه بياجي 6 و انت تختار خمسه زياده اني الحل الكتير هيساعدك و علم النفس من غير ما اوصفهالك فهي سهله جدا و هتجيب فيها مجموع عالي جدا وليه العربي و الانجليزي لا ني الاسئله في الانجليش اجباري كلها و لو غلطت في حته سوغننه هتنقص والعربي طبعا لازم تنقص في التعبير .
المهم انت اكيد هتلاقي نقسك خايف جدا قبل النتيجه وده طبيعي عشان متضيعش امل اهلك فيك والحل الوحيد ليها انك تلعب رياضه و انك تتقرب ل ربنا انا معرفش انت مسلم ولا مسيحي بس انا لما واظبت علي اني اصلي في الجامع لقيت الفرق كبير في النفسيه والمجموع كان ولا عمري احلم بيه .
انا نصحتك كانك اخويا بالظبط وشكرا
|
04-07-2012, 10:16 PM
العرض الشجري
