تيجو نحلم؟؟؟؟؟؟بس بشرط ده حلم مش علم

[ahmed H capo]

دة حلمي علي فكرة
صحابي كلهم اللي يقول دكتور و المهندس
انا الوحيد في الفصل اللي كنت بقول نفسي اكون رئيس
ححاول اني اوزع اراضي الدولة من جديد واخصص نسبه للفقراء
واوفرلهم المواد والسماد وكل حاجة
واهم حاجة استصلاح الصحراء وبناء مدن حقيقية في الصحراء للفقراء وفي نفس الوقت يزرعوا الصحرا
يعني وفرتلهم سكن وشغل ^^
ححاول علي اد مقدر اقضي علي هيبه الرئيس والخوف منه داخليا
مش معقول الناس تبقي معتبرة الرئيس دة نبي !!
ههتم بالزراعة وخصوصا زراعة القطن بكل مراحله
ههتم بالثروة الحيوانية وانشيء محميات طبيعية
ههتم بنظافة الشوارع هرفع اجور هيئة النظافة
هدخل حاجة في التعليم ( دي افتكاسة مني ^^ ) اسمها منبر الابداع
كل طالب عنده موهبه مخترع مغني ممثل ذكي يلتحق بالمنبر دة وكل اسبوع يشترك فيه بمساعدة المدرسين الكبار والهدف اننا نطور من مواهب الاطفال
هطور المناهج التعليمية بحيث تكون مناسبة للحياة الان
هعمل مشروع كمبيوتر لكل مواطن وهخفض اسعار النت واحاول ادخله في اجزاء كتيرة من مصر
هاخصص جزء من ميزانية الدولة لصالح النوبة وسينا ابني مشاريع وبيوت للاهالي هناك لانهم اتظلموا جدا
هنظم مسابقات ودوريات رياضية في المدارس والجامعات واساعد علي الاقل 100 موهبة في كرة القدم للسفر والاحتراف في الخارج عشان نبقي زي الجزائر والمغرب عندهم كم محترفين كبار
ههتم برياضات رائعة ملهاش شعبية زي السلة واليد
هحترم المعاهدات الدولية واحترم كل البلاد
هعمل علاقات وزيادة التبادل التجاري مع الدول العربية وازالة كل الخلافات
التفاوض مع الدول العربية لتوقيع اتفاقية الدفاع المشترك 1950
التكاتف لحل القضية الفلسطينية وتحقيق الحقوق المشروعة للشعب الفلسطيني المشرد باقامه وطن قومي لهم في غزة والضفة
الدولة المتقدمة لازم صادرتها تكون اكبر من واردتها
وعشان كدة ححاول اهتم بالصناعات والزراعات المصرية ونحسن من جودتها عشان نستغني عن الاستيراد المتكرر من الخارج
هتوسع في المترو والسكك الحديدية واقامة الكباري والطرق الدائرية للتخلص من الزحمه والمرور
القضاء علي العشوئيات بتوفير مساكن للاهالي ولو في الصحراء
تطوير قناة السويس بحيث تكون مرسي وصيانة واقامة ومزار سياحي وبكدة هنزود ايرادات القناة بشكل كبير
هحترم مجلس الشعب والقضاء والفريق الرئاسي وهستشرهم في حاجات كتير
ححرص ان يكون في نائب ممثل للشباب ونائب ممثل للاقباط وبكدة نعمل وحدة ودولة متجانسة
هعمل علي تطهير النظام التعليمي في الشرطة وليس تصفية قيادتها الحالية
لان النظم التعليمية هي اللي بتخليهم يطلعوا فاسدين
ههتم بالسينما والفن الهادف واحرص علي ان يكون هناك فيلم عالمي هادف يمثل مصر في كافة المهرجانات
احنا بننتج 20 فيلم في الموسم مش بيطلع منهم الا فيلم عدل
لو وفرنا الفلوس دي كلها في فيلم واحد حيخرج بصورة قوية تعيد مصر الي مكانتها في السينما
وبالنسبة للمسرح والغناء ههتم بيهم اهتمام كبير ونعمل ورش فنية لاكتشاف المبدعين
ههتم برغيف العيش والخبر وجودتها وحجمة بارخص الاسعار

صدقني في حاجات كتير بس كفاية لكدة لحسن اصدق نفسي هههههههههههههههههههههه