هام لمحافظة القليوبية

[elaumda2007]

انا تعاقد 3/2/2008 عقد مميز ودخلت الكادر فى ابريل وظهرت لى النتيجة انى نجحت وتم تعيينى بقرار 515 فى شهر 7 الماضى وعندما دخلت على صفحتى مرة اخرى وجدت يرجى مراجعة فرع الاكاديمية -- على العلم بان هناك اشخاص صفحتهم تعمل وموجود عليها النتيجة -- ارجو معرفة وضعنا القانونى والصحيح افادكم الله

[ابو الفاروق]

المشاركة الأصلية كتبت بواسطة elaumda2007

انا تعاقد 3/2/2008 عقد مميز ودخلت الكادر فى ابريل وظهرت لى النتيجة انى نجحت وتم تعيينى بقرار 515 فى شهر 7 الماضى وعندما دخلت على صفحتى مرة اخرى وجدت يرجى مراجعة فرع الاكاديمية -- على العلم بان هناك اشخاص صفحتهم تعمل وموجود عليها النتيجة -- ارجو معرفة وضعنا القانونى والصحيح افادكم الله

مهى مشكلتك دى يا عمدة هى اللى انا كتبتها
انا زيك امتحنت معاك فى ابريل ونجحت وتعاقد 2009 واجتزت الاختبار ومازالت نتيجى موجودة على الموقع عادى ,, ولكن معايا زميل هو اللى لفت نظرى وهو نفس نظامك نجح ولكنه دخل على النتيجة من 10 ايام لاقى يرجعى مراجعة الاكاديمية ولما راح اتقلوا ان نتيجة محافظة القليوبية تعتبر ملغية بسبب القرار 515 .
انا اتصلت ب الدكتور علاء فرع الاكاديمية فى روكسى واستفسرت منه عن الموضوع وكانت الاجابة كالتالى :

كل من تم تثبيته او تعيينه على القرار 515 ( معلم مساعد تعيين او اخصائى مساعد تعيين ) قد تم تعيينة على القانون 48 قانون العامليين المدنيين فى الدولة وليس القانون 155 ,, وبالتالى يجب ان ينتظر لمدة سنتين اقدمية على الدرجة من اول تاريخ التعيين اللى هو طبعاً 1/7/2011 وبعدها يستطيع دخول الاختبار , وقال تم دراسة الوضع وكان هناك اتجاة بإعتبار نتيجة الكادر اللى اجتزناه لاغيه وندخل نمتحن مرة تانية بعد مرور سنتين من تاريخ التعيين ولكن بعد الدراسة استقروا على ان تعلق النتيجة لحين إنتهاء السنتين اللى فاضل منهم سنه ويتم حساب النتيجة بعدها يعنى النتيجة مش هتلغى وانما هتعطل فقط ويتم تعطيل صرف بدل الاعتماد على الكادر , وقال لو كنتوا فضلتوا تعاقد يعني معلم مساعد متعاقد كانت النتيجة هتحسب وانما تعيينكم على القانون 48 هو اللى عمل المشكلة القانونية دى

طبعاً الكلام ده معناه : -
- ضياع اقدمية التعاقد اللى هما 3 سنين اللى راحوا فى التعاقد ومن قبلهم سنوات الأجر .
- ضياع الحق فى بدل الاعتماد على الكادر لمدة سنة قادمة .
- ممكن بكل سهولة يجى وقتها ويقولوا يجب دخول الاختبار مرة تانية لان وضعنا القانونى فى دخول الاختبار غلط وبالتالى يجب صدور اى قرار قانونى أخر بحفظ حقنا فى النجاح فى الاختبار وضمان عدم دخولة مرة اخرى بعد سنة من الأن .
- أما الايجابية الوحيدة هو اننا معينين وعلى درجة من تاريخ 1/7/2011

أرى ان الحل الوحيد تقديم شكوى جماعية من معلمى محافظة القليوبية المتضررين من هذا الخطأ القانونى , خاصة وان احنا ملناش ذنب احنا ورقنا مستوفى كل الشروط من تعاقد مميز وتربوى الى اخرة من شروط دخول الاختبار فى ابريل الماضى