حملة طلبة الثانوية العامة لتخفيض التنسيق

[highlight]

فكرة خفض التنيق تعتمد فى الاصل على فكرة و جودة التعليم
و زى ما قلتوا يا شباب انها نسبة و تناسب
بس هى فى الاصل عرض و طلب
يعنى ايه؟؟
هفهمكوا

مثلا كلية الطب بتاخد 900 طالب بس
متقدرش توفر اماكن اكتر من كده
متقدم للكلية 5000 طالب
مجاميعهم بين ال 99 و ال97
الكلية تقعد تاخد كل اللى جايبين 99
وتاخد وتاخد
خلصت كل المتقدمين 99
اخدتهم كلهم
بس لسه عندها اماكن تانية فاضية
تبدا تاخد فى ال 98.9
ها ؟؟ خدتهم كلهم؟.
تدخل على 98.8
وهكذا لحد ما اخر واحد الكلية تقبله
يشوفوا مجموعه كام
كان مجموعه مثلا 98.5
ساعتها يتقال
كلية طب اسكندرية اخدت من 98.5

المشكلة مش فى الامتحانات ولا اى حاجة
المشكلة فى الاماكن فى الكليات
مش كل المحافظات فيها كليات طب و تجارة و سياحة و كده
عشان كده الاماكن قليلة تزود المجموع

و بردو تنسيق الكلية بيعتمد على معدل ارتقاع نسبة المجاميع
يعنى المجاميع فى العالى يبقى التنسيق فى العالى

امااااااااااا ان حضرتك بتتكلم عن التسيب
دى مشكلة دولة و طلبة
مش هيروحوا يجيبوا كل طالب غش و يحاسبوه
دا ضمير طالب و مراقب ... ودا مبيتحاسبش عليه فى بلدنا