يلا كتب

sad nono · #2 12-07-2012, 02:18 AM

السلام عليكم ..
انا رايحة ان شاء الله تالتة ثانوي بس كنت احياء في تانية فممكن افيدكـ ..

اقتباس:

الاحياء...الامتحان والنفيس والوسام وكتاب المدرسة والمعلم والاول
ايه ده كله ..ايه ده كله امال سبت ايه بس
انا هشترى ده كله؟؟؟
لا عايز احسن 2 كده
(( عن تجربة))

انا كنت بذاكر من كتاب الامتحان وهو كتاااب راااااائع والحل طبعا من كتاب الامتحان ضروري جدا جدا جداااااااا
حتى لو المدرس مش بيحل معاكوا منوا لاااااااازم يخلص كتاب الامتحان في الحل لانه بيخلي المنهج مرن في ايدكـ ...
افضل كتاب حل تاني غير كتاب الامتحان كتاب " النفيس "
هو بجد كتاب اكثر من رااااااااائع وبيعودنا دايما على الابتكار والخيال الواسع ودا المطلوب في الاحياء ....
انا خلصت أحياء في نص شهر 2 والاغلبية بتخلصها على آخر 2 بالكتير اوي اول 3 ان شاء الله ...
وطبعا مش محتاجين تذكير " دليل التقويم " في الاحياء مهم بردو ..
يعني باختصار هنحل كتاب ( المدرسة + دليل التقويم + الامتحان + النفيس ) وبكدا تبقا الاحياء 100% .
بالنسبة لمذاكرة الاحياء :-
الاحياء 75% منها حفظ بس الـ 25% بتوع الفهم مهميييييييين جدااااااااااا ..
لازم الاحياء تتذاكر بصفاء ذهن وتركيز شديد ومش مهم هتحسوا انكوا بتنسوا بسرعة
ومش فاكرين اللي بتذاكروه دا طبيعي مع المذاكرة التراكمية كل حاجة بتبقا تمام ..
يعني اي مذاكرة تراكمية ؟؟
انا شايفة ان سر قولي " الاحياء سهلة " هي المذاكرة التراكمية دي ..
يعني مثلا انا انهردة خت الدرس الأول في الفصل الاول وذاكرته
بعديها أخدت الدرس التاني فقمت مذاكرة الاول والتاني مع بعض اخدت التالت اذاكر الاول والتاني والتالت وهكذا
الى نهاية الفصل خاااالص .. نذاكر الفصل كله على بعضه ... دي خطوة مهمة جدااا ووالله مش هتعرفوا قيميتها اوي غير في شهر 3 لما تبدؤوا تراجعوا ...
وطبعا في الاحياء مينفعش تحفظ حاااجة مش فاهمها ...
ركزوا اوي اوووووووووي على الحاجات اللي بين السطور او في كتاب الامتحان بيكون في ملاحظات كدا على الجانب
الاغلب مش بيهتم بيها لكن والله تقريبا ممكن اقول 70% من الملاحظات دي جت في الامتحان السنادي ..
((فلازم نركز على الحاجات الصغيرة اووي واللي ممكن ميكونش ليها علاقة بالفصل اوي ...))
والله الملحوظة اللي فاتت دي اهم ملحووووظة لان الامتحان كان فعلا دقيق جدااااااااا ...

ياريت بقا تفيدوني في الكيمياء ان شاء الله ...