|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
#1
10-07-2012, 03:44 PM
|
|||
|
|||
أرجو المساعدة ضرورى !
السلام عليكم و رحمة الله...
أنا عايزة اللى أكبر منى سنا و خبرة يساعدونى ...انا محتارة ما بين أسنان ولا صيدلة....انا نفسى فى أسنان و حاسه انها كليه سهلة و لطيفة بس فى حاجات عرفتها من ناس فى أسنان او طب بالمعنى الاوسع انها متعبة للبنات و ان السنتين العملى بهدله و ان فيه رشوة و كلام من ده...بصراحة الموضوع ده قفلنى منها شوية يعنى انا عايزة اتعلم بالحلال....مش عايزة ادى رشوة ولا عايزة أغش. فأهلى بيقنعونى بصيدلة انها احسن كدراسة و ان مجال شغلها أفضل...بس انا اسمع انها صعبة شوية كدراسة و حفظ كتير..بس انا عن نفسى بحب الاحياء و الكيمياء يعنى لو ده مجال دراستها أكيد هكون مبسوطه عشان كده عايزة مساعدتكم ياريت تقولولى عن اذا كان فيها الاشياء السابق ذكرها عن كليات طب؟ و ايه مجالات دراستها لانى بسمع عن صيدلة كلينيكال او حاجة كده(يارب اكون بتكلم صح =d )؟ و ايه مجالات شغلها للبنات بالتحديد غير الصيدليات ؟ معلش هتعبكم معايا بس أصل باقى على النتيجة اسبوع و ان ربنا وفقنى و كرمنى بمجموع كويس لازم أرتب افكارى صح....و اسفه على الاطاله سلام عليكم و رحمة الله و بركاته =) 
|
|
#2
11-07-2012, 12:22 AM
|
|||
|
|||
|
يا أهل ىالخير انتظر مساعدتكم =)
|
|
#3
11-07-2012, 03:15 AM
|
||||
|
||||
|
بصى...
بالنسبة لصيدلة و الفرق بينها و اسنان صيدلة كلية نظيفة و مريحة جدا فى شغلها وهى افضل للبنات وفرص العمل فيها كتير و مش محتاجة مجهود او تعب نهائى اما اسنان مفيش حاجة اسمها رشاوى حياتك و بتبدئيها بنفسك بالطريق اللى يعجبك اسنان اسهل بكتير جدا جدا من صيدلة من ناحية الدراسة والاتنين العملى فيهم صعب احنا صيدلة و من اول سنة وعلى مدار ال 5 سنين لازم تنزلى تتدربى فى صيدلية لان ده هيسهل الدراسة عليكى اوى واسنان مشكلتها الوحيدة انك محتاجة تفتحى عيادة(يعنى لو تحبى و دا الاريح) بس مكلفة جدا جدا المعدات و الاجهزة والادوات اما لو اشتغلتى فى مستشفى ... انصحك بمستشفى خاصة ولو اشتغلتى مع دكتور .... مش هيكون مرتبك عالى للاسف بالنسبة لفتح صيدلية مش هتحتاجى غير تمن المكان والديكور و كده اما الادوية بقى ممكن تشتريها كلها وتدفعى بالتقسيط للشركة وبالنسبة لصيدلة اكلينيكال هى مكلفة بحوالى 10.000 فى السنة وكمان للاسف ملهاش شغل كتير فى مصر دى كل معلوماتى يا رب اكون افدتك وربنا يوفقك 
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#4
11-07-2012, 04:10 AM
|
|||
|
|||
|
اقتباس:
|
|
#5
11-07-2012, 10:16 PM
|
||||
|
||||
|
لا ولا يهمك
صيدلة اكلينيكال مش تعليم خاص ولا اى حاجة فى صيدلة اكلينيكال دا تخصص مش اكتر وعشان هو متميز بيكون بفلوس الصيدلة الاكلينيكال دى زى اتنين فى واحد ليكى مهمة الدكتور اللى بيشخص المرض و الصيدلى اللى بيوصف الدوا انتى بتدرسى الاتنين بس مش زى طب طبعا صيدلة اكلينيكال مش اى حد فى صيدلة يدخلها كل سنة بيتحدد مجموع معين يخليكى تقدرى تدخليها السنة بتاعتى كانت 400.5 درجة و تدفى 5.000 فى التيرم من ناحية المواد هى مش بتختلف كتير ...مثلا اختلاف درجة الكيميا بين هنا و هنا بس مش بيكون نفس المنهج بالظبط فى تشابه بس مش تكامل وكمان الاكلينيكال .....فى اسكندرية مثلا اول سنة لينا بنقضيها فى علوم وبندرس مواد علوم اما اكلينيكال من اول سنة بيكونوا فى صيدلة نفسها و بيدرسوا هناك دا بالنسبة للاكلينيكال و لو فى حاجة تانية اسالينى وانا بقولك صيدلة صعبة شوية من ناحية الحفظ فى سنين فيها صعبة جدا زى سنة 3 لان حفظها كتير وانا بصراحة سالت ناس هى ليه 3 صعبة قالولى هى مش صعبة ولا حاجة بس عايزة مذاكرة كتير فا انا مش عارفة وعندك سنة 4 دى اسهل سنة ودراستها خفيفة اوى واسنان الدراسة سهلة و كتير نصحونى بيها عن صيدلة بس مجموعى مجابنيش فى اسنان اسكندرية اما بالنسبة للمجالات فا انتى هتشبعى كيميا ال 5 سنين و الاحياء بردو كتير و يمكن هى اصعب من الكيميا فى بعض المواد بس انا مش عارفة قصدك ايه بمجالات انما الصيدلة نفسها مفهاش مجلات ولا تخصصات غير صيدلة عادى و اكلينيكال واى استفسار تانى انا فى الخدمة
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#6
12-07-2012, 12:54 AM
|
|||
|
|||
|
اقتباس:
ثانيا:كنت اقصد بالمجالات يعنى فيه فيزياء و فروع علوم اخرى غير كيمياء و احياء؟ و هو ايه نظام العملى فيها يعنى زى ما بنشوف ف الافلام كده...انابيب و مواد على بعض و كده ولا من نوع اخر... انا اسفه جدا على انى دوشاكى بأسئلتى بس بجد ربنا يكرمك و يوفقك و يباركلك لانك بجد بتفيدينى كتير =)
|
|
#7
12-07-2012, 03:08 AM
|
|||
|
|||
|
السلام عليكم
اول حاجه ربنا يوفقك و يكرمك بالمجموع اللى تتمنيه و يكون فيه الخير ليكى انا هكلمك عن وجهه نظرى و عن صيدله اكتر بما انى مجربها  بالنسبه لاسنان و حكايه الرشاوى دى انا اعرفها ف طب لما بتيجى تمتحنى عملى ف المستشفى ع عيانين العيانين مش بيرضو يقولوك اى معلومات غير لما تظبطيهم ف اسنان بقى فيه كده او لا معرفش و اسمع من بتوع اسنان انها سهله و هى مذاكرة ف الاخر و خلاص و بيكون مفهاش تيرم بتمتحنى السنه كلها ع بعض في الاخر صيدله بقى<_< بالنسبه للدراسه فيه كل اللى تتمنيه كميا و احياء و مواد من هندسه و اداب و من السن و من تجارة و حقوق كمان  و فيه مواد كتيرة محتاجه حفظ زى مواد طب : الفسيولوجى و الاناتومى و الباثو و فيه بردو من مواد صيدله زى الميكرو و الكوجنزى و حتى السيوتكس هتلاقى فيها حفظ فبالنسبه للاحياء هتاخدى اه بس مش زى بتوع طب اقل شويه و لو داخلتى قسم كلينكال و هتزيد او جامعه فيها كلينكال مع العادى زى عندنا هيزيد ف اسنان هتبقى اكتر من صيدله طبعا الكميا و العك بقى اكتر ف صيدله و هتاخدى كل انواع الكميا اللى هتخطر ع بالك و ف العمى عيشى بقى تفاعلات و حاجات تفرقع و حاجات تنط و العصوبه صيدله طحن بس خير يعنى كله بيعدى و ع حسب الجامعه اللى هتخشيها كمان بالنسبه للكينيكال هو مش موجود كمجال شغل ف مصر غير قليل اوى انا اسمع انه موجود ف معاهد السرطان بس معرفش مطبق فعلا ولا لا ومعتقدش الصراحه انه هيطبق ف مصر و لو اطبق هيبقى لسه بدرى اوى على م الدكاترة تقتنع بالموضوع واعتقد انه بيبقى عادى بنفس مجموع االصيدله العادى الفرق ف المصاريف و انه بيبقى نظام ساعات معتمده شخصيا مانصحش بيه بالنسبه للشغل من ناحية الراحه : صيدله اريح و انك بنت بيبقى عندك ميزة انك تفتحى صيدليه و تقعدى ف البيت و تبقى اشراف بس و يبقى ليك فلوسك اسنان شغلها تعب و ارهاق عصبى انك ع طول موطيه و بتشتغلى ف منطقه محدده بس انتى لو حابه عادى مجلات الشغل ف صيدله : انتى عندك صيدليه سواء اللى ف الشارع او صيدليه مستشفى , مصنع او شركه ادويه , لو عندك استعداد فيه ميديكال ريب اسنان : بتبقى دكتورة سنان ( معلومه فظيعه صح  ) سواء بقى ق مستشفى او ف عياده خاصه التكاليف بتاعه فتح عياده اسنان مععنديش فكرة بس اعرف ان الادوات مكلفه جدا وتكاليف انك تفتحى صيدليه بيبقى ف حدود 300 الف كده بالنسبه للبرستيج : اسنان تبقى اعلى من صيدله سنه عشان الناس اللى تفكريها محدود و بتقول الصيدلى بياع ف الاخر انتى صلى صلاة الاستخارة و اللى فيه الخير ربنا يقدمهولك و شوفى انتى مرتاحه ف ايه اكتر و حباه و اتكلى ع الله انا دخلت صيدله بعد صراع مع امه لا اله الا الله و الكل كان معارض و اولهم بابا لحد اخر 5 دقايق ف التحويلات يقولى اعقلى و غيرى اكتبى اسنان بس انا ابدا راسى و الف جزمه صيدله بينى و بينك انا كنت عايزة تجارة بس خفت ع نفسى و عليلهم ليجرالهم حاجه او يعملو فيه حاجه بس ف حاجه فكرت فيها بعد ما دخلت الكليه ان اسنان احسن ف انك بنت ان هيبقى تعاملك محدود مش كل شويه حد داخل عليكى الصيدليه و اللى داخل يستعبط و اللى عايز دوا مخدر عكس اسنان انتى ممكن تعملى عياده نسائيه مثلا و ترتاحى من ارف الرجاله خالص  و ربنا يوفقك و لو عوزتى تسألى عن حاجه انا موجوده
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#8
13-07-2012, 05:16 PM
|
|||
|
|||
|
اقتباس:
انا بس خايفة ادخلها و ما أحبهاش لانى مكنتش بفكر فيها أصلا....ربنا يستر ان شاء الله و يوفقك للى فيه الخير أشكرك مرة تانية على الاهتمام =)
|
|
#9
13-07-2012, 06:31 PM
|
|||
|
|||
|
انا كمان محتارة زيك
وربنا يوفقنا كده ويسهل الامور وانا بشكر كل الدكاترة اللى قدموا المعلومااااااااات دى بجد هى فادتنى كتييييييييير وادعووووووووووووووووووووووووولى
__________________
|
|
#10
14-07-2012, 02:31 AM
|
|||
|
|||
|
اقتباس:
وخشى المجال اللى انتى حباه و هترتاحى فيه عشان بعد كده ماتقوليش لو و ربنا معاكى يارب ومفيش شكر ولاحاجه احنا اخوات اقتباس:
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#11
14-07-2012, 07:48 AM
|
|||
|
|||
|
اقتباس:
ربنا يكرمك و انا بأذن الله هعمل بنصيحتك أشكرك =)
|
|
#12
16-07-2012, 11:16 AM
|
||||
|
||||
|
انا كنت مش حابب صيدله خالص
انا يوم التنسيق اتخانقت معاهم فى البيت كلهم عشان مش احطها فى التنسيق بس حطيتها " ارضاء للوالدين " الحمد لله دخلتها و حبتها مش عايز اقولكم انا بعمل ايه عشان مش تكسلوا بس بجد طول السنه نشاطات فى الكليه و مذاكره اخر اسبوعين بس طبعا مع حضور المحاضرات و تركيز فيها  و ده مش دايما بردو و اهو الحمد لله ربنا كرمىن بتقدير كويس الترم اللى فات جيد جدا و كان لسه لى 1 % عن الامتياز و الترم ده مستنى نتيجته و بردو النشاطات فى الكليه هتسهل عليكوا السنه مش هتحسوا بملل الدراسه
|
|
#13
22-07-2012, 01:45 AM
|
||||
|
||||
|
اقتباس:
واسالينى فى اى وقت تحبى ومعلش انى اتاخرت كتيييييير اوى على ما رديت  بصى ... حكاية الدكاترة بيسقطوا الطلاب عشان ينافسوهم دى؟؟؟ لا خاااااااالص مش حقيقى اصل لما واحد يبقى جايب جيد و لا مقبول هينافسوا على ايه؟؟ دى بتكون نفسنة دكاترة و بيكونوا مرضى ودول فى كــــــــــــــــــــل الكليات بلا اى استثناء و حكاية اللى بيدوا المرضى فلوس عشان يقولوهم هم عندهم ايه دا حقيقى... طلاب الطب لما بينزلوا يتدربوا .. بيعملوا كده والله كلية صيدلة جميلة و انا بحبها جدا متالنيش ليه .. انا بحب اكون بدرس صيدلة صيدلة بتجمع بين طب و اسنان لانك فى الاخر بتعالجى الاتنين والمجالات اه ... فى فيزيا بس هتشوفيها فى اعدادى بس وفى كيميا و احياء بس تحت مسميات تانية وانا قولتلك صعوبة كل واحدة فى ايه و سهولتها فى ايه واه الكيميا زى ما بتشوفى فى الافلام كده هههههههههههههه انابيب تشتريها و تكون بتاعتك و حاجات تانية كتير طبعا هتيفى احماض و مركبات على بعض ويطلعلك الوان و تعرفى منها املاح و كده والفيزيا تجارب بويل و شارل والضغط بتاعة ثانوى هتعمليها بايدك والكهربية و المنشور و البندول ... كل ده هتتعرفى ازاى تشتغليه وفى الحيوان اللى هو الاحياء هتشوفى ديدان و تشرحى ضفادع بايدك بردو ... وهتاخدى عظم كلاب و ارانب... هتعيشى ههههههههههه والنبات هيدوكى ورد كتيييييير تقعدى تقطعى فيه ... بس بطريقة علمية طبعا وتشوفى حاجات و كائنات تحت الميكروسكوب... كده يعنى ولما تطلعى صيدلة ... هتعملى بقى ادوية و حاجات كده واسنان اول سنة فيها زى صيدلة بالظبط بس بيختلف نظام الدراسة شوية صغيرين بس المنهج متشاااااااااااااااااااااابه جدا جدا بس كده اقتباس:
وربنا هيقدملك اللى فيه الخير
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#14
27-07-2012, 04:23 AM
|
|||
|
|||
|
اقتباس:
أشكرك جدا على اهتمامك...انا الحمد لله عملت صلاة استخارة و بصراحة حسيت ان ربنا ميل قلبى لاسنان...فلما عملت التنسيق كتبتها رغبة أولى و كتبت بعدها صيدلة لانى منكرش ان حضرتك حببتينى فيها...فان شاء الله ربنا يختارلى اللى فيه الخير و انا باذن الله راضيه بأيهما...انا اللى اسفه انى اتأخرت ف الرد و أشكرك جدا على كل اللى عملتيه معايا جزاكى الله كل خير عنى و نفع بيكى و ان شاء الله تكونى دكتورة قد الدنيا و ربنا يوفقك =)
|
|
#15
27-07-2012, 04:25 AM
|
|||
|
|||
|
اقتباس:
أشكرك على الاهتمام
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:09 AM.
