مساعدة يا جماااااااااااعة

[دودو 95]

انا فى تانية ثانوى جبت 96.5% والحمدلله
بس انا عايزة اعمل تظلم ف الانجلش لانه منزلنى 5 درجات
فعايزة اسألكم هو فعلا مش هيدونى حقى فى التظلم
مع العلم انى سألت مدرسى وقالى انك اكيد مظلومة
ومش فارقة معايا ال100 جنيه
فياريت تقولولى هيدونى حقى ولالا؟
وانا ف القاهرة اروح فين ؟ واجيب ايه؟

تانى سؤال: هو ممكن التظلم ينزلنى يعنى بدل 20 يبقى 19 ! يكتشفوا يعنى غلطة تانية ف ورقتى

وياترى مجموعى دة يبقى احسن علمى علوم ولا رياضة ؟؟؟؟
لان فى ناس قالولى ان الهندسة مش للبنات للصبيان اكتر

معلش طولت عليكم بس بجد عايزة حد يساعدنى
وجزاكم الله خيرا

[مروه]

المشاركة الأصلية كتبت بواسطة دودو 95

انا فى تانية ثانوى جبت 96.5% والحمدلله
بس انا عايزة اعمل تظلم ف الانجلش لانه منزلنى 5 درجات
فعايزة اسألكم هو فعلا مش هيدونى حقى فى التظلم
مع العلم انى سألت مدرسى وقالى انك اكيد مظلومة
ومش فارقة معايا ال100 جنيه
فياريت تقولولى هيدونى حقى ولالا؟
وانا ف القاهرة اروح فين ؟ واجيب ايه؟

بصى لو ليكى نص درجه هترجع لك
بس مشكلة الإنجليزى إن فيه أسئلة تقديرية كتير للمصحح يعنى الترجمه والبرجراف والمواقف
دى لو كنتى نقصتى فيها صعب يرجع لك درجات
بس الأفضل تعملى التظم عشان تطمنى
ده رأيى...

تانى سؤال: هو ممكن التظلم ينزلنى يعنى بدل 20 يبقى 19 ! يكتشفوا يعنى غلطة تانية ف ورقتى

لأ إستحاله .... يا إما تزيدى أو تثبتى على درجتك
إستحاله تنزلى

وياترى مجموعى دة يبقى احسن علمى علوم ولا رياضة ؟؟؟؟
لان فى ناس قالولى ان الهندسة مش للبنات للصبيان اكتر

أنا من المجاميع بتاعة سنه تانيه السنه دى
حاسه انها مش مرتفعه خالص يعنى مجموعك كويس بالنسبه لعلوم ..... يعنى لوشديتى شويه فى تالته مع المستوى هيبقى كويس علوم
بس فى الأول والأخر شوفى ميولك أهم حاجه
وسيبك من اللى يقولك هندسه للولاد وطب مش عارفه لمين .... شوفى انتى حابه ايه كتر
وميولك رياضه ولا علوم

معلش طولت عليكم بس بجد عايزة حد يساعدنى
وجزاكم الله خيرا

ربنا يوفقك إن شاء الله

ابقى طمنينا عملتى ايه فى الإنجليزى

[دودو 95]

متشكرة اووووووووووووى على ردك

وان شاء الله هعمل تظلم ويارب يكون فى غلط فى التصحيح واخد درجات زيادة

[hamdy adel 100]

لو ليك درجات هتخديها بس خدي مدرس انجليزي معاكي وانتي رايحه علشان هيعرف يكتشف اخطاء التصحيح بسهوله ان كان فيه اخطاء ف التصحيح ومهما حصل مش هتقلي عن درجتك

كملي علمي علوم وذاكري كويس مع المستوي الرفيع مجموعك يتحسن في تالته ان شاء الله بالتوفيق

[دودو 95]

المشاركة الأصلية كتبت بواسطة hamdy adel 100

لو ليك درجات هتخديها بس خدي مدرس انجليزي معاكي وانتي رايحه علشان هيعرف يكتشف اخطاء التصحيح بسهوله ان كان فيه اخطاء ف التصحيح ومهما حصل مش هتقلي عن درجتك

كملي علمي علوم وذاكري كويس مع المستوي الرفيع مجموعك يتحسن في تالته ان شاء الله بالتوفيق

ان شاء الله اروح اعمل تظلم بس هاخد بابا وماما وانا عارفة الصح والغلط
بس ممكن تقولى اروح فين بالظبط؟

[MARRON-5]

نصيحتى اولا ما تعمليش تظلم الا بعد ما تتاكدى انك فعلا ليكى درجات لاننا ياما اوقات طلعنا من الامتحان نقول 25 تيجى 15 وكمان لازم تراجعى نموذج اجابة للامتحان من الوزارة وده ح يوفره مدرس الانجليزى فى المدرسة ولازم يكون نموذج اجابة من الوزارة
س2:ممكن فعلا تنقصى درجات لانه ممكن يكون صدفة انك اخذت درجات زيادة والموضوع عدى على المصححين و المراجعين وده بيحصل
س3:مجموعك حلو فى علوم انا كنت جبت 96.8 فى تانية ودخلت علمى علوم و جبت 97.6 بس لو انت غاوية رياضة اياك تفوتيها وما تسمعيش كلام اى حد يقولك ان هندسة مش للبنات فى بنات ياما دخلوها وفى اقسام مناسبة ليهم
ومعلش انى طولت
ربنا معاك