اى شىء عن الهندسة اتفضل هنا

[titi1]

المشاركة الأصلية كتبت بواسطة abdo309_1994

السلام عليكم :
أولا أريد شكرك على هذا المجهود الرائع و بارك الله لك فى وقتك ومجهودك
وثانيا أريد أن أسأل عن بعض الأشياء أنا مجموعى 88% وأريد دراسة الهندسة الميكانيكية وأمكانياتى لا تزيد عن 13 ألف جنيه
ولذلك أحاول جمع أى معلومات عن بعض المعاهد التى تناسب ظروفى لو أمكن ذلك مع المفاضلة بينهم لو أمكن

1- المعهد التكنولوجي العالي بمدينة العاشر من رمضان
2- المعهد العالي للهندسة 6 أكتوبر
3- أكاديمية أخبار اليوم 6 أكتوبر
4- الأكاديمية الحديثة للهندسة والتكنولوجيا بالمعادى
5- معهد هندسة وتكنولوجيا الطيران بامبابه
6- المعهد الكندي العالي لتكنولوجيا الهندسة والإدارة أو cic
وهذه المعاهد تأكدت منها فى النقابة ويوجد معهدين أخرين غير مسجلين بالنقابة ولكن على مافهمت من رد سابق لك أن التسجيل فى النقابة لايكون إلا بعد تخرج أول دفعة ولا أعلم هل سيتم تسجيلهم أم لا وهما
7- معهد الاهرامات العالي للهندسة والتكنولوجيا 6 أكتوبر
8- معهد السلام العالي للهندسة والتكنولوجيا بمدينة السلام
فلو عندك أى معلومات عنهم رجاء المساعدة
وكذلك أريد معرفة ما هى الميكاترونكس من حيث المناهج الدراسية والعمل وفرصه وجزاك الله خيرا

اولا شكرا لك على دعوتك ولك بالمثل فى الدعاء

ثانى شىء انت تفكيرك سليم بس لو جينا نبص للناحية العملية

احسن اكادمية فى الميكانيكا هى 4- الأكاديمية الحديثة للهندسة والتكنولوجيا بالمعادى ومصاريفها 11 الف فى السنة + الميكانيكا فيها دراستها عالية وبتدخل مسابقات دولية وبتحصل على مراكز يعنى تعتبر احسن المعاهد والاكادميات فى قسم الميكانيكا

اما 5- معهد هندسة وتكنولوجيا الطيران بامبابه دة خاص بميكانيكا الطيران فقط يعنى تكون خريج هندسة طيران لو انت عوز تبقى مهندس طيران يبقى ادخل فيها ومصاريفها بردة 11 الف فى السنة

بس من راى الشخصى فقط ولك ان تاخدى او لا ما افضل انك تدخل ميكانيكا طيران لان كل سنة بيتخرج 50 مهندس طيران من هندسة القاهرة ومعهد امبامبة وانت عندك فى مصر شركة واحدة بس بتشغلهم وهى مصر للطيران وطبعا استحالة كل سنة مصر لليطران بتشغل 50 مهندس او حتى 30 مهندس فاذا هتتخرج ممكن ما تلاقى شىء فعلشان كدة هندسة الميكانيكا العادية شغلها احسن ومتوفر .. ومرة تانية دة راى الخاص فقط

اما بالنسبة للمعاهد الى انت ذكرتهم الى هما غير مسجلين فى النقابة ابعد عنهم تمااما

انا كنت بقول عن اول دفعة تتخرج من الجاامعة وليس المعهد لان الجامعة كدة كدة هيتعرف فيها لانها ممضية من رئيس الجمهورية لاكن المعهد ممكن ما يعتمد تبقى قعد فية 5 سنين وفى الاخر ما يعترف بيك طبعا حرام

بالنسبة لهندسة الميكاترونيكس هى هندسة بتجمع بين الميكانيكا والكهرباء والاتصالات لان شغلها فى المقام الاول هو عمل الانسان الالى او التحكم عن بعد بيشتغل شركات التكيف والسيارات والطيران والبترول بس مجال شغلة فى مصر حاليا قليل بس فية شىء ما تعتقد انة طالما بيجمع بين ال3 تخصصات يبقى ممتاز او بيقفل التخصصات ولا كان الكل دخلها وخلاص لاكن هو بيدرس فى الميكانيكا الاساسيات مش زى واحد قعد فى ميكانيكا 4 سنين وبالمثل فى الاتصالات والكهرباء .... ارجوا اكون وضحت ليك الصورة

ولو عندك اى سؤال تانى اتفضل اسئلة

تمنياتى لك بالتوفيق