كيف تفوقتم فى الثانويه العامه؟؟؟

[lally adel]

انا جبت فى تانية ثانوى 202 بنسبة 98.5 % مش عارفة فى ظل المجاميع الفظيعة وتنسيق سنة تالتة اذا كنت كدة من المتفوقين اللى انتى تقصيديهم ولا لا ؟؟ .. عامة لو احتجتى مساعدتى انا تحت امرك

[فراشة 44]

المشاركة الأصلية كتبت بواسطة lally adel

انا جبت فى تانية ثانوى 202 بنسبة 98.5 % مش عارفة فى ظل المجاميع الفظيعة وتنسيق سنة تالتة اذا كنت كدة من المتفوقين اللى انتى تقصيديهم ولا لا ؟؟ .. عامة لو احتجتى مساعدتى انا تحت امرك

طيب ياريت تقولي ازاي كنتي بتذاكر
وهل انتِ كنتي عامله ليكي جدول ولا لأ ؟؟
ومعلش ع الترخيم ده

[lally adel]

المشاركة الأصلية كتبت بواسطة فراشة 44

طيب ياريت تقولي ازاي كنتي بتذاكر
وهل انتِ كنتي عامله ليكي جدول ولا لأ ؟؟
ومعلش ع الترخيم ده

ترخيم ايه يا قمر الله يسامحك ..

بصى يا ستى سؤال ذاكرتى ازاى دة مش سؤال صح خالص انو يتسال لسبب بسيط ان النظام اللى انا امشى عليه وينفعنى ممكن انتى تمشى عليه ويضرك فبلاش تسالى حد انت ذاكرت ازاى ولا عملت ايه عشان دة ممكن يضرك اكتر ما يفيدك .. دى حاجة

تانى حاجة بقى بصى يا جميل صدقينى والله والله والله واحنا فى ايام مفترجة اهو اهم حاجة فعلا زى ما كل الناس قالت توفيق ربنا ليكي .. انتى ممكن تبقى حاله حاجة فى الامتحان صح ويعملك عليها غلط " ودة اللى حصل معايا فى العربى لانى لسه شايفة الورقة النهاردة بعد التظلم " وممكن تكونى عاملة حاجة غلط بس هو عاملك عليها صح .. دة بقى اللى اسمه القدر والنصيب وطبعا توفيق ربنا

وربنا عشان يوفقك لازم تاخدى بالاسباب .. يعنى لازم تذاكرى كويس اوى وتدى لكل حاجة حقها بما فيهم نفسك وروحك انتى .. لازم تريحي وتلعبى وتخرجى وتتفسحى .. صدقيني دى كانت غلطتى السنة دى انى كنت وخدة الموضوع كله قفش فى قفش .. كنت بتخسر فى نفسى الراحة .. لحد ما جه وقت كنت بنام فيه اكتر ما بصحى ومبذاكر الا اذا كان الراديو او اللاب شغالين جنبي مع ان دة مش طبعى خالص .. من كتر ما قفشت على نفسى اوى فجيت فى الاخر كدة وخلاااص خلصت .. ودى ططبعا كانت غلطة بشعة منى

بس المهم انك تذاكرى وتجتهدى ولا تنسى نصيبك من الدنيا .. واعرفى حاجة حطيها حلقة فى ودنك " الدرجة اللى بتجيلك اخر السنة دى مش درجة على اللى انتى حليتيه فى الامتحان .. لا خااالص دى الدرجة اللى ربنا بيقيم فيها تعبك فى المادة دى او الجزء دة طووول السنه " وصدقينى دة عن تجربة .. انا مستوايا كان يعتبر معقول فى الانجيليزى و اول ما ابتديت دروس وشغل وكدة المس كانت هتموت منى لانى كنت ضعيفة اوى فى الترجمة والبرجراف والحاجات دى .. وفحتتنى طول السنة شغل وحل وكتب وملازم وبهدله .. و فى الاخر الامتحان جه غرييب شويتين .. وممكن تسالى عنه اى مدرس او طالب حتى .. وكنت خارجة من الامتحان بعيط بانهيار وبقول انا لو جبت 23 يبقى ربنا كرمنى اوى " طبعا من 25 " وفضلت متنكدة بسببه مدة طويله وتشاء الاقدار انى اجيب فيه الدرجة النهائية لمجرد بس ان ربنا كان عالم بيا وبمجهودى طول السنة .. وقتها بس اتاكدت ان درجتك هى تقييم مجهودك فى المادة طول السنة

انا اسفة انى طولت عليكى بس حبيت اديكي خلاصة تجربتى السنة دى .. ولو فى اى اسئلة انا تحت امرك

[فراشة 44]

المشاركة الأصلية كتبت بواسطة lally adel

ترخيم ايه يا قمر الله يسامحك ..

بصى يا ستى سؤال ذاكرتى ازاى دة مش سؤال صح خالص انو يتسال لسبب بسيط ان النظام اللى انا امشى عليه وينفعنى ممكن انتى تمشى عليه ويضرك فبلاش تسالى حد انت ذاكرت ازاى ولا عملت ايه عشان دة ممكن يضرك اكتر ما يفيدك .. دى حاجة

تانى حاجة بقى بصى يا جميل صدقينى والله والله والله واحنا فى ايام مفترجة اهو اهم حاجة فعلا زى ما كل الناس قالت توفيق ربنا ليكي .. انتى ممكن تبقى حاله حاجة فى الامتحان صح ويعملك عليها غلط " ودة اللى حصل معايا فى العربى لانى لسه شايفة الورقة النهاردة بعد التظلم " وممكن تكونى عاملة حاجة غلط بس هو عاملك عليها صح .. دة بقى اللى اسمه القدر والنصيب وطبعا توفيق ربنا

وربنا عشان يوفقك لازم تاخدى بالاسباب .. يعنى لازم تذاكرى كويس اوى وتدى لكل حاجة حقها بما فيهم نفسك وروحك انتى .. لازم تريحي وتلعبى وتخرجى وتتفسحى .. صدقيني دى كانت غلطتى السنة دى انى كنت وخدة الموضوع كله قفش فى قفش .. كنت بتخسر فى نفسى الراحة .. لحد ما جه وقت كنت بنام فيه اكتر ما بصحى ومبذاكر الا اذا كان الراديو او اللاب شغالين جنبي مع ان دة مش طبعى خالص .. من كتر ما قفشت على نفسى اوى فجيت فى الاخر كدة وخلاااص خلصت .. ودى ططبعا كانت غلطة بشعة منى

بس المهم انك تذاكرى وتجتهدى ولا تنسى نصيبك من الدنيا .. واعرفى حاجة حطيها حلقة فى ودنك " الدرجة اللى بتجيلك اخر السنة دى مش درجة على اللى انتى حليتيه فى الامتحان .. لا خااالص دى الدرجة اللى ربنا بيقيم فيها تعبك فى المادة دى او الجزء دة طووول السنه " وصدقينى دة عن تجربة .. انا مستوايا كان يعتبر معقول فى الانجيليزى و اول ما ابتديت دروس وشغل وكدة المس كانت هتموت منى لانى كنت ضعيفة اوى فى الترجمة والبرجراف والحاجات دى .. وفحتتنى طول السنة شغل وحل وكتب وملازم وبهدله .. و فى الاخر الامتحان جه غرييب شويتين .. وممكن تسالى عنه اى مدرس او طالب حتى .. وكنت خارجة من الامتحان بعيط بانهيار وبقول انا لو جبت 23 يبقى ربنا كرمنى اوى " طبعا من 25 " وفضلت متنكدة بسببه مدة طويله وتشاء الاقدار انى اجيب فيه الدرجة النهائية لمجرد بس ان ربنا كان عالم بيا وبمجهودى طول السنة .. وقتها بس اتاكدت ان درجتك هى تقييم مجهودك فى المادة طول السنة

انا اسفة انى طولت عليكى بس حبيت اديكي خلاصة تجربتى السنة دى .. ولو فى اى اسئلة انا تحت امرك

ربنا يكرمك ع ردك الجميل ده
وتسلمي بجد ع زوقك ده

انا والله كنت بذاكر السنه اللي فاتت ع قد ما اقدر
وجبت 96.3% الحمد لله
بس نفسي تترفع النسبه دي السنه الجاية
كمان انا محتااااارة ومتلخبطة
اكمل ايه ف ظل التنسيق ده علمي علوم ولا رياضة
والله بجد حطم املي جامد اني اعلى السنة الجاية والحق طب اسنان
ادعيلي ربنا يهديني للي فيه الخير ليا من المجالين دول

وشكرا مقدما ع الدعاء يا قمر

[lally adel]

المشاركة الأصلية كتبت بواسطة فراشة 44

ربنا يكرمك ع ردك الجميل ده
وتسلمي بجد ع زوقك ده

انا والله كنت بذاكر السنه اللي فاتت ع قد ما اقدر
وجبت 96.3% الحمد لله
بس نفسي تترفع النسبه دي السنه الجاية
كمان انا محتااااارة ومتلخبطة
اكمل ايه ف ظل التنسيق ده علمي علوم ولا رياضة
والله بجد حطم املي جامد اني اعلى السنة الجاية والحق طب اسنان
ادعيلي ربنا يهديني للي فيه الخير ليا من المجالين دول

وشكرا مقدما ع الدعاء يا قمر

على فكرة ما شاء الله مجموعك حلو اوى مش سئ للدرجة اللى انتى شايفاها دى
شدى حيلك فى تالتة جامد ان شاء الله .. كدة كدة معاكى مستوى اعملى كل اللى تقدرى عليه عشان تقفليه ودة بيديكى 1.4 % كدة من الهوا .. يعنى مع مجموع السنة دى لو بس ثبتى عليه توصلى ل 97 وشوية باذن الله

يبقى كدة الموضوع اهو قريب .. ابذلى جهدك وكل اللى تقدرى عليه عشان تزيدي على دة كمان 1 او 2 فى المية وكدة تبقى مرتاحة اوى فى التنسيق ..
ومتحطيش فى دماغك تنسييق السنة دى .. كل سنة وليها ظروفها وامتحانتها ونتايجها .. ممكن الامتحانات تيجي سهلة بس برضه النتيجة تتطلع منخفضة بسبب التصحيح .. وممكن تيجى صعبة والنتيجة تبقى مرتفعة والدرجا العالية كتيير ..
اعملى اللى عليكي واستعيني بالله .. لسه قدامك 205 درجة و 5 درجات مستوى ركزى فيهم وان شاء الله ربنا يهيالك اللى فيه الخير