ممكن اعيد السنة ؟؟؟

[طالب94]

قبل ما اجاوب عليك لازم تعرف ان الكلية اللى دخلتها فى كتير اوييييي بيحلموا بيها و مش طايليين و الله العظيم و كمان فى ناس كتير جايبين 99% و 100% و دخلوها رغماً عن الجميع و رغما عن تفكير الناس المريض اللى بيخليى كليات الهندسة و الطب الخير و الباقى الشر، الهندسة و الطب هما إختيار ربنا زى ما باقى الكليات برده اختيار ربنا و دايماُ إختيار ربنا هو الأحسن سواء طب او هندسة او كليات اقل (مش حابب اسميها اقل بس هو ده النظام المريض فى مصر) و بكرة هتعرف ان انتا دخلت كليتك اللى ربنا اخترهالك و بقيت احسن من اللى دخل هندسة او طب فى كل حاجة..
ممكن تبص معايا على الصورة دى

و شوف اللينك ده علشان تتابع الاعداد و المجاميع براحتك و تعرف على الأقل قيمة الكلية اللى ربنا كرمك بيها
http://elostaz.com/as7ab2012.php
ده غير مجال الكلية الكبير اللى اكيد حضرتك المفروض تكون عارف قيمته

و بالنسبة لصعوبة او سهولة الكلية فالكلية لا تحتاج لاى خبرات سابقة فى مجال الكمبيوتر نهائياً و هما بيبدأوا معاك من الصفر و كمان حاجات انت عمرك ما درستها لا فى ابتدائى و لا فى إعدادى لان المنهج بتاع الكمبيوتر اللى كنا بناخده عقييييم جداااااا

اتمنى انك تتوكل على الله الذى لا تضيع عنده الودائع و تكمل و متستسلمش و اكيد فى يوم هييجى و هتعرف ان اختيار ربنا كان هو الصح و كانت افكارك كلها غلط و معلش هتقول على نفسك انا كنت عبييييييط اوى انى كنت بزعل و اقفل على نفسى القوضة و ماخرجش

توكل على الله و ربنا يكرمك و يوفقك