استفسار من الدكاترة عن التقديم فى الجامعة

[أنين الأنين]

السلام عليكم

بعد اذنكم هو بحكم خبرتكم السنه اللى فاتت بعد ما طبعتوا بطاقة الترشيح للكليه
ايه اللى عملتوه بعد كدا ورحتوا الكليه امته
وبعد اذنكم هو ميعاد التقديم بيبقى بعد التنسيق بأد ايه كده
ارجو الافاده بأى معلومة من فضلكم لانى معنديش فكرة
وجزااكم الله خيرا

[الأستاذ / المتبولى الشناوى]

فعلا موضوع مهم احنا كمان محتاجين الرد بسرعه

[Dr/Reem2011]

الموضوع بتاع التقديم بيختلف من كليه لكليه روحي الكليه واسالي عن التقديم هيكون امته فيه اللي بيكون بعد اتنسيق ب10 ايام وفي اللي بيكون بعد العيد ان شاء الله

[sasoki]

بص يا سيدي انا بالنسبالي جاتلي طب اسماعلية ورحت هناك سألت عن معاد التقديم والاوراق المطلوبة وكدة قالولي ان التقديم هيكون حوالي بعد العيد وقالولي كمان ان طالما انا ساكن في اسماعلية ممكن اقدم ورقي في اي وقت حتي لو اول يوم في الدراسة بس انت برده روح الكلية بتاعتك واسأل في شئون الطلبة فيها والأوراق المطلوبة هي :
1-استمارة نجاح الثانوية العامة
2- 8 صور شخصية 4*6
3- نموذج 2 جند بتجيبها من مديرية الأمن في محافظتك
4- دوسيه بلاستيك
5- بطاقة الترشيح اللي طبعتها من النت
6- صورة شهادة الميلاد الكمبيوتر