يوم فى حياتى ....

[EZEL coming]

المشاركة الأصلية كتبت بواسطة خالد احمد زكريا

ف يوم كانت المدرسه عامله رحله لفانتازيا لاند
المهم طلعت لأنى كان معايا صحابى إللى بحبهم وركبنا الباص وطبعا طول الطريق "روحنا وجينا بالسلامه ، سواقنا أجدع سواق ، ........... " المهم روحنا المكان وطبعا كنا ناويين نقطع نفسنا لعب وتنطيط ، الكلام ده كان ف 2 إعدادى ، وطبعا معانا مشرفين زى قلتهم هما ف وادى وإحنا ف وادى المهم إتجمعنا كلنا وقولنا حنركب الألعاب كلها وبدأنا بالقطر ولعبه الفناجين والحاجات اللطيفه دى ، وهبا دخلنا ع المركب يا سااااااااتر عليها لعبه، بدأت تشتغل وإحنا عمالين نغنى ومبسوطين أوى بقى بدأت تسرع ، كلنا بطلنا غنى ، وبدأ كل واحد يمسك ف إللى جنبه ، وهبا الناس تسوط ، وناس من جنبى ترجع ، وناس تقول "نزلنا الله يخربيتك " وأنا طبعا معاهم وكنا خايفين جدا ، السرعه زادت بدأت أسمع ناس بتتشاهد ، وأنا طبعا معاهم ، المهم شويه شويه اللعبه بطأت ونزلنا بعدها من المركب بعد م بقت بحر من كتر إللى عملناه وصاحب اللعبه خد إللى فيه النصيب من الضرب والدعا ، رحنا ع لعبه مش فاكر إسمها الصراحه المهم بيحط علينا كده زى حاجز وبتلف ف الهوا ، المهم ركبناها وبدأت تطلع وطبعا كلنا بنقول هيه هيه وفجأه لقينا شقلبظات ف اللعبه ، أتارى دى من أصول اللعبه ولقينا نفسنا الراس تحت والرجل فوق ، وفجأه اللعبه وقفت وإحنا فى الهوا ، ي ساتر ع ده شعور مميت ، أتارى برده ده من أصول اللعبه ، وفجأه لقينا نفسنا بننزل بسرعه من الهوا ، أيوووووووه شعور غريب جدا ، المهم نزلنا وقمنا بالواجب مع صاحب اللعبه برده
بس كان يوم جميل جدا جدا ولن أنساه عشان كان معايا ناس بحبهم وقضينا وقت ممتع جدا جدا
وإلى اللقاء ف يوم قادم ، إنتظرونا ....

ههههههه بجد يا خالد انا مشوفتش اسلوب فى الكتابة حلو زيك انت رائع

[To Be Is To Do]

اليوم ده كان جامد جدا رحتلهم البيت مدروخ وتعبان وعمال أقول أنا عايز أعيش عايز أعيش هههههههههههههه كان يوم جامد جدا ع الرغم من إنى طلع عينى ف الألعاب لكن إنبسطت جدا فيه لإنك لما تكون مع حد بتحبه بتنسى كل حاجه بتواجهك وتفتكر بس إنك عايز تبقى سعيد معاه وده كان إحساسي مع أصحابى ساعتها

[To Be Is To Do]

المشاركة الأصلية كتبت بواسطة ezel coming

ههههههه بجد يا خالد انا مشوفتش اسلوب فى الكتابة حلو زيك انت رائع

الله يكرمك ي إيزل ي رب
والله ده من ذوقك
معلش بقى دايما خانقكم بكلامى بس معلش بقى أدينى بتسلى معاكم والله