يوم فى حياتى ....

[مريم السباعى.]

المشاركة الأصلية كتبت بواسطة خالد احمد زكريا

اليوم الأول
ف يوم كانت المدرسه عامله رحله لفانتازيا لاند
المهم طلعت لأنى كان معايا صحابى إللى بحبهم وركبنا الباص وطبعا طول الطريق "روحنا وجينا بالسلامه ، سواقنا أجدع سواق ، ........... " المهم روحنا المكان وطبعا كنا ناويين نقطع نفسنا لعب وتنطيط ، الكلام ده كان ف 2 إعدادى ، وطبعا معانا مشرفين زى قلتهم هما ف وادى وإحنا ف وادى المهم إتجمعنا كلنا وقولنا حنركب الألعاب كلها وبدأنا بالقطر ولعبه الفناجين والحاجات اللطيفه دى ، وهبا دخلنا ع المركب يا سااااااااتر عليها لعبه، بدأت تشتغل وإحنا عمالين نغنى ومبسوطين أوى بقى ، بدأت تسرع ، كلنا بطلنا غنى ، وبدأ كل واحد يمسك ف إللى جنبه ، وهبا الناس تسوط ، وناس من جنبى ترجع ، وناس تقول "نزلنا الله يخربيتك " وأنا طبعا معاهم وكنا خايفين جدا ، السرعه زادت بدأت أسمع ناس بتتشاهد ، وأنا طبعا معاهم ، المهم شويه شويه اللعبه بطأت ونزلنا بعدها من المركب بعد م بقت بحر من كتر إللى عملناه وصاحب اللعبه خد إللى فيه النصيب من الضرب والدعا ، رحنا ع لعبه مش فاكر إسمها الصراحه المهم بيحط علينا كده زى حاجز وبتلف ف الهوا ، المهم ركبناها وبدأت تطلع وطبعا كلنا بنقول هيه هيه وفجأه لقينا شقلبظات ف اللعبه ، أتارى دى من أصول اللعبه ولقينا نفسنا الراس تحت والرجل فوق ، وفجأه اللعبه وقفت وإحنا فى الهوا ، ي ساتر ع ده شعور مميت ، أتارى برده ده من أصول اللعبه ، وفجأه لقينا نفسنا بننزل بسرعه من الهوا ، أيوووووووه شعور غريب جدا ، المهم نزلنا وقمنا بالواجب مع صاحب اللعبه برده
بس كان يوم جميل جدا جدا ولن أنساه عشان كان معايا ناس بحبهم وقضينا وقت ممتع جدا جدا
وإلى اللقاء ف يوم قادم ، إنتظرونا ....

( 1 )

والله العظيم يا خالد ماليك عليا حلفان انت كانك بتوصف نفس شعورنا بالضبط بس ساعتها انا كنت فى دريم بارك مع قاريبى وعيال خالتى وهما كلهم مردوش يركبو الى بتتشقلب فى الهوا دى معادا انا وبنت خالتى الى هى ادى وعينك متشوف الا نور لقين اول مرة فى حياتى اشوف باليه هوائى اخرتى كان بلية مائى ونزلت ولا اجدعها فرخة دايخة فى الضياع
وطبعا لعبة السفينة دى اول وحدة بنلعبها علشان ننشف فى الشكة من كتر المياة الى بتغرقنا بس بجد كان من احلى ايام العمر منتظرة بداع يا خالد مش قولتلك
اسطووووووووووورة
بس رئى كنت تسميها يوم من عمرى احسن على اسم الفيلم