|
كليه الحاسبات والمعلومات كليات الحاسبات ونظم المعلومات |
|
أدوات الموضوع | انواع عرض الموضوع |
#1
|
|||
|
|||
ممكن الافـــــاده ..... و اعطاء النصــــــيحه
انا حاليا لسه مخلص ثانويه عامه بمجموع %91 و عارف ان حاسبات و معلومات مش جايالى بس اعمل ايه ... درجتى بقى .......... فا انا عايز الافاده و النصيحه بالكليات القريبه من حاسبات و معلومات .......... و انا سمعت ان علوم قسم علوم حاسب قريبه منها هى صحيح مش زيها بس انا ممكن اخد مع الدراسه كورسات و احاول اطور من نفسى .... و محتار ادخلها ولا استسلم و ادخل هندسه خاص بقى و امرى لله و شكرا
|
#2
|
|||
|
|||
الكلام ده ممكن يفيدك
كلية العلوم شعبة رياضيات/فيزياء/إحصاء و علوم حاسب: طبيعة الدراسة: هى مجموعة الطبيعة (شعبة الرياضيات/الفيزياء/إحصاء) تخصص فرعى علوم الحاسب فمن المعلوم أن كلية العلوم تضم ثلاثة مجموعات رئيسية الأولى هى مجموعة العلوم الطبيعية و الثانية هى مجموعة العلوم البيولوجية و الثالثة هى مجموعة العلوم الجيولوجية حيث تضم مجموعة العلوم الطبيعية شعب الرياضيات و الفيزياء و الإحصاء و من ثم كل شعبة من هذة الشعب تحتوى على بعض بيئات العمل فمثلا شعبة الفيزياء تحتوى على تخصصات فرعية (بيئة عمل) مثل الإلكترونيات أو علوم الحاسب و كذلك الرياضيات و الإحصاء بهم تخصصات فرعية علوم الحاسب، كلية العلوم تخصص رياضيات مثلاً يدرس علم الرياضيات و يطبقة فى الحاسب الآلى و كذلك الفيزياء و الإحصاء. محتوى الدراسة: أكثر من 70% من الدراسة هى دراسة للرياضيات أو الفيزياء أو الإحصاء و بعض المقررات الأخرى. الدرجة العلمية: بكالوريوس العلوم - شعبة الرياضيات و علوم الحاسب أو الفيزياء و علوم الحاسب أو الإحصاء و علوم الحاسب. القطاع بالمجلس الاعلى للجامعات (التصنيف الأكاديمي الرسمي): تنتمى كلية العلوم بجميع تخصصاتها إلى قطاع العلوم الأساسية بالمجلس الأعلى للجامعات. المسمى الوظيفى: أخصائى رياضيات أو أخصائى إحصاء أو فيزيائي و علمت من بعض المصادر أن نقابة المهن العلمية تدعم مسمى أخصائى حاسب آلى. كتبه م. أحمد الدسوقي |
#3
|
|||
|
|||
آه هي تقريباً زيها .... أغلب كليات الحاسبات مش هتخليك أصلاً كويس في المجال ... اللي هيخليك كويس هو انت نفسك ... هتلاقي تدريبات صيفية أو ممكن تاخد كورسات لو عايز ... و ده اللي هيبنيك بإذن الله .
بمعنى آخر ... الأجازة هي اللي هتبنيك مش الدراسة ... على سبيل التحربة حاول تبدأ تشوف أي لغة برمجة و حاول تبدأ فيها ( شوفلها فيديوهات عاليوتيوب أو كتب عالنت و كده ) ... ابدأ ب c++ أو Java واحدة من الاتنين دول غالباً هتبدأوا بيهم الدراسة ... و هيريحك أوي إنك تبقى عارف فيهم .. و لو حاجة وقفت معاك قول و أنا معاك هنا بإذن الله ... |
#4
|
||||
|
||||
انا لو مكانك اخش هندسة او حاسبات خاصة
|
#5
|
|||
|
|||
اقتباس:
|
#6
|
|||
|
|||
بس انا ماتمشيش معايا حاسبات خاص خالص علشان لآنها مهما كانت هتبقى زى معهد الاسلكلى او زى اى معهد و الكلام ده ممكن يكون اى فتى .... ده ممكن يكون مش فى نظرى بس فى نظر ناس كتير و اولهم اخواتى يعنى انا قولت لو خاص يبقى هندسه ..... بس المشكله ان انا عاجبنى المجال بتاع الحاسبات و معلومات و الحيره بقى فى النقطه دى انهى حاجه فيهم احسن (كليه علوم قسم علوم حاسب)(كلية هندسه خاص)..
|
#7
|
|||
|
|||
اقتباس:
الشغل هو هو ولا بيبقى فى اختلاف كبير بين خريج كلية العلوم قسم علوم حاسب و حاسبات و معلومات.... |
#8
|
|||
|
|||
بص يا أخى بخصوص علوم فدة قسم رياضة كمان ذكرنا فعلشان يلاقى شغل بيدلولة شوية كورسات و الهدف الأول انة يطلع مدرس حاسب الى
حاسبات و معلومات بتخرج مهندس برمجيات و اغلب الخريجين بيتقلدوا مناصب كبيرة فى شركات كبيرة اما بخصوص بقى هندسة خاصة فانا صراحة مبنصحش الناس بهندسة هتتخرج تلاقى فنى هيركبك و الكلية اساسا بقيت نظرى و هتلاقى الفنى مديرك الا بقى لو اتعينت فقط فى الحكومة تمضى ورق .. دى نصحية و لو دخلت هندسة نقابة المهندسين اطلقت بيان حذرت فية طلبة الثانوية العامة من دخول الاقسام الاتية لان بقى فيهم وفرة بترول - ميكانيكا باور - اتصالات - حاسبات .. فخد بالك انها حذرت من قسم بترول و النقيب جة فى كذا جرنال قال خريجين هندسة بترول 1500 واحد فى الدفعة ملهمش كلهم شغل فالأفضل نقفل كلية هندسة بترول و رغم ذلك كلية هندسة بترول واخدة مجموع عالى |
#9
|
|||
|
|||
اقتباس:
كلامهم بيؤكد إن الشهادة ملهاش أي لازمة ... الأساس شخصيتك و قدرتك على التعامل و التعاون مع ناس عشان تعملوا المشروع و عدم كونك انفرادي ... و بعدها قدرتك في البرمجة ... إنما الشهادة تقريباً ملهاش لازمة .. |
#10
|
|||
|
|||
مع احترامى لحضرتك الشهادة أهم من كل شىء لانك على أساسها بتبقى مهنى او لا ثم ان خريج حاسبات مثلا بديهى هيتقلد أسرع المناصب لان عندة علم مش بس مجموعة كورسات و نفس الحال لخريج هندسة ميكانيكا او كهرباء او مدنى او غيرة بديهى يتقلد منصب أسرع من الفنى او غيرة . العالم كلة بيتجهة الى المهنية و ليست الحرفية
|
#11
|
|||
|
|||
أنا بأتكلم على أساس اللي سمعته من أصحاب الشركات مش كلامي ... أنا مدخلتش سوق العمل على الإطلاق ... أنا لسه مخلص سنة أولى
|
#12
|
|||
|
|||
طب ايه احسن حاجه فى حاسبات و معلومات خاصه ؟؟؟
|
#13
|
|||
|
|||
مش عارف بس نصيحتى ليك أبعد عن الأكاديميات و خليك فى الجامعات الخاصة زى 6 أكتوبر او جامعة مصر الدولية او الجامعات الاجنبية زى البريطانية و غيرها
|
#14
|
|||
|
|||
يا جماعة انا مجموعى 382 يعنى 93.17% ممكن ألحق حاسبات ولا لا ؟؟؟
علشان انا مش متفائل |
#15
|
||||
|
||||
اقتباس:
لا طبعاً لا سلكي ايه وقرف ايه ماكانش بقا فيه فرق بين مهندس الميكانيكا والميكانيكي , اسمع الكلام واقنع اهلك بيها وادخلها بدل ما تندم بعدين ومش تلاقي نفسك فى علوم او هندسة . |
العلامات المرجعية |
|
|