السلام عليكم و رحمة الله و بركاته
وعليكم السلام ورحمه الله وبركاته
***
ازييييكم يا طلاااب عاملين اييييه ف الصيام ؟؟؟؟
[size="5"]الحمد لله رب العالمين /size]
بصوا انا جاتلى فكرة كدا كانت متاخدة من موضوعى القديم " هتتتحل المشكلة ع الهوا "
لكن موضوعى دا عبارة عن ان احنا هاختار عضو/ة متفوقة و ممتازة و ما شاء الله مجتهدة و هانسالها كدا شوية اسئلة و هانشوف هاتجاوب عليهم ازاااى و يمكن نستفيد منها.. و ياريت كل عضو يدخل و يقول رقم جلوسه ( طبقا لطلبات الاعضاء 
) أنا جايب 405.5
و الاسئلة ..
ايه اكتر مادة بتحبيها و ليه ؟
رياضه 2 أكتر ماده بحبها عشان فيها تفكير ولعب كده والمسائل بتاعتها رائعه الصراحه
ايه اكتر مادة بتكرهيها و ليه ؟
الانجلش طبعا بحس إنه خنيق ومهما تذاكر نص الامتحان من برا مش من المنهج خالص
نفسك تطلعى ايه و ليه ؟
نفسى أطلع مهندس ، عشان أنا بحب الرياضه والفيزيا جدا جدا وده حقابله ف هندسه
بتأيدى موضوع السهر ؟
لا مش بأيده بس مذاكره الفجر جامده جدا خصوصا مواد الرياضه وإللى عايزه فهم زى الفيزيا والكيميا
بتذاكرى على حوالى كام ساعة " ماتخافيش احنا هنا اخواتكمش هانحسدك " ؟
والله مش مدقق ف الموضوع ده ، يعنى ممكن يوم أذاكر 6 ساعات يوم تانى أذاكر ساعتين كده ع حسب المود
ايه اكتر وقت بتحبى تذاكرى فيه ؟
الفجر جو جميل جدا والدنيا هاديه
ايه اكتر مشكلة بتواجهك اثناء المذاكرة ؟السرحان وكتابه كلام أنا مش فاهمه
مكان الامذاكرة عندك مناسب ؟
السرير هو المكان المفضل ليا أثناء المذاكره ولو ماده حفظ يبقى إنى أذاكرها وأنا رايح جاى كده
ايه اخبار اصحابك بيشجعوكى و لا ايه ؟
فيهم وفيهم بس الاغلبيه بيشجعونى
ارتاحى شوية كدا و خدى دوول
* ايه هى هواياتكـ ؟
أدور وأبحث عن أسئله جديده ف الدراسه وأوديها للمدرسين لكن لو ف الصيف يبقى الكمبيوتر والفيس
* ايه طموحكـ ؟ و ايه هوا حلمكـ ؟
طموحى إنى أدخل هندسه وحلمى إنى أتفوق فيها
*ايه اقتراحاتكـ عشان التعليمـ ف مصر يتغير ؟
يتلغى نظام اعمال السنه عدم التقيد بزى مدرسى محدد المدرسين تعامل الطلاب بمستوى أحسن من كده
*ايه اللى نفسكـ يتغير ف مصر ؟
نفسى الأخلاق ترجع تانى
ثم اختارى العضو/ة اللى بعدك ..
برنسيس نونا
و العضو/ة الاول/ى هو/ى
.
.
.
.
منتظرين اجابتها ..
و اتمنى يعجبكوا الموضوع ...
04-08-2012, 05:14 AM
العرض الشجري
