يعنى اية الكلام دة انا كدا هاضيع بجد

[مجنونة الثانوية]

مؤشرات المرحلة الثانية للتنسيق.. 92.5% للحاسبات و82.7% للآداب و82% للتجارة

الصفحة الرئيسية » أخبار محلية

الخميس
2 أغسطس 2012
شهدت مكاتب التنسيق بالجامعات والمعاهد العليا فى معامل القاهرة وعين شمس لليوم الرابع على التوالى أمس إقبالا متوسطا من قبل الطلاب.

واستقبلت مكاتب التنسيق طلاب المرحلة الثانية للشريحة الرابعة لتسجيل رغباتهم إلكترونيا بحد أدنى 79,88% للشعبة العلمية, و72,2% للشعبة الادبية والتى يتنافس فيها 151 ألف و222 طالبا وطالبة من شعبتى العلمى والأدبى لحجز المقاعد المتبقية من المرحلة الأولى.

فيما يستقبل اليوم مكتب تنسيق القبول بالجامعات طلاب الشريحة الخامسة من المرحلة الثانية للحاصلين على مجموع درجات 343.5 درجة لأقل من 355.5 درجة للشعب العلمية ومجموع 304 درجة لأقل من 311.5 درجة للشعبة الأدبية.

وشهد مكتب تنسيق القبول بالجامعات والمعاهد العليا إقبالا متوسطا من طلاب الشهادات المعادلة والعربية والأجنبية فى ثانى أيام سحب أوراق اختبارات القدرات للطلاب المصريين الحاصلين على الشهادات الثانوية المعادلة "العربية والأجنبية" والتى تستمر حتى 13 أغسطس لصرف استمارات اختبارات القدرات للطلاب الراغبين فى الالتحاق بكليات التربية الرياضية والفنية والسياحة والفنادق والفنون الجميلة والتطبيقية.

وأكد مصدر مسؤل بمكتب التنسيق أن الاماكن الشاغرة بكليات علوم ودار علوم وحاسبات ومعلومات وفنون جميلة وتطبيقية وتربية ابتدائى ورياضة اطفال وتربية موسيقية وتجارة وآداب وحقوق وهندسة زراعية وخدمة اجتماعية وكليات الانتساب الموجة والذى سيتم قبول نحو 115 ألف طالب وطالبة بهذا النظام هذا العام بعد إلغاء نظام التعليم المفتوح على طلاب الثانوية العامة الجدد.

وأضاف أن النسب الاولية للقبول بكليات المرحلة الثانية 92,5% للحاسبات والمعلومات و93% للعلوم و92.6% للفنون الجميلة 89.9% لدار علوم و82,7% للآداب و82% للتجارة و77.2% للحقوق.





يعنى اية الكلام دة
انا كدا هاضيع بجد
انا بدعى ان الكلام دة يطل غلط انا بسال هل ممكن الكلام دة يبقى ص فهمونى الله يكرمكم

http://amlalommah.net/new/index.php?...ticle&id=31243

[tomjerry741]

ومالة
ضيعى يا بنتى
على الاقل
هنشوف يا ترى اهلك هيهتموا بيكى وقتها
ولا ......
هيفرحوا فيكى .... ويشمتوا
........................................
ما هو سؤالك او استفسارك فى مثل هذا الكلام
فطالما تعودنا على ان الكلام فى مصر بالشكل المرعب ده
"الدنيا زى المرجيحة يوم تحت وفوق
فيها خلق عايشة ومرتاحة وفيها ناس مش فوق
وانا وانت ماشى بتمرجح فيها من تحت لفوق
....
عموما ...........
انا لم افهم واحدا غيرى لن يفهم كلامك ذى الوجهين هذا
برجاء الايضاح يابنتى
عشان والله الواحد دماغة بقيت اد البطيخة من سؤء الحيااااااااة فى مصر
فليرحمنا الرب ويرحم من رحمونا والى الجحيم فليذهب الباقون


Amin

[مجنونة الثانوية]

العلوم هتاخ من93%
وانا جايبة 92.3%
بجد هيحصلى حاجة لو ملحقتش العلوم انا علمى رياضة
بجد دلوقتى عايزة العلوم

[مجنونة الثانوية]

انا بدعى ان الكلام دة يطل غلط انا بسال هل ممكن الكلام دة يبقى ص فهمونى الله يكرمكم

[جمــ الروح ـال]

بصى يا حبيبتى كل دى توقعات كلها يوم ولا حاجه ونعرف وان شاء الله ربنا يكرمك وتلحقيها ودعواتى لكى بالتوفيق

بس حاولى تهدى اعصابك

[كاره الثانويه]

كل ديه بتبقي توقعات وبنسبة 90% بتطلع ديما غلط وممكن يكون قصدهم علوم من شعبة علمي علوم مش رياضه

[مجنونة الثانوية]

استغقر الله انا كل ما اهدى شوية تيجى توقعات تضيع تفكيرى
طب اموت واعرف العلوم السنة دى هتقبل كام الف يقولو بس

[عبير الشذى]

فى المرحلة الاولى كل التوقعات كانت غلط
استنى نتيجة التنسيق وان شاء الله خير

[ana roka]

المشاركة الأصلية كتبت بواسطة مجنونة الثانوية

استغقر الله انا كل ما اهدى شوية تيجى توقعات تضيع تفكيرى
طب اموت واعرف العلوم السنة دى هتقبل كام الف يقولو بس

بصى متشغليش نفسك بالتوقعات انا كنت عاملة زيك كده وكل شوية افتح اشوف التوقعات واحاول اشوف الكلية كانت واخده كام السنة الى فاتت وفى الاخر كل توقعات النت كانت غلط فكبرى دماغك ومتبصيش ع التوقعات وان شاء الله تلحيقها