|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
08-08-2012, 08:56 AM
|
|||
|
|||
الموضوع ده هيوفر كتير لكل اللي عاوز يتفوق ثانوي عام ان شاء الله
السلام عليكم ورحمه الله وبركاته اولا كده ازيكم يا طلبه ثانوي انا الحمدلله داخله اهوه علي اولي طب عين شمس قولت لازم زي ما استفدت من الموقع العريق ده وزي ما كونت بسال اعمل ايه وعندي مشاكل في المذاكرة لازم افيدكم لوجه الله تعالي
اولا كده النظام اتغير بس هقول المذاكرة ازاي وطبعا لازم يبقي في وعي تنظيم وقت عنكم 1/اولا وقبل كل شئ توكلوا علي الله خلي علاقتكوا بيه كويسه صلوا انا عن نفسي كنت بقرا ربع قران قبل المذاكرة انتوا اقروا ولو ايتين بجد هترتاحوا 2/متخافوش ابدا من ماده مهما كانت ومتخلوهاش تهزيمكوا بل ع العكس اهزموها انتوا 3/نخش ع الموضوع ازااااااااااااااااااااي نتفوق؟ ازاي نخش كليه نفسنا فيها والتنسيق بيعلي؟ اولا لازم قبل اما السنه تبدا تتعبوا شويه 1/تسالوا عن افضل المدرسين للدروس متسالوش بس مدرسين اسالوا طلبه كبار شاطرين من مدرستكم عن افضل مدرسينلان بجد المدرس برده بيتعب معاك 2/الكتب الخارجيه عن نفسي 1/العربي ......... كتاب الوزارة لازم معاك هو اه ملخبط حبتين بس انا مكنتش بحب الملازم كنت في الادب بقرا الصفحه من الكتاب والخصها ورقه وقلم واكتبها يعني سؤال واجابه بالطريقه اللي احبها ده احسن حل للادب اللي كان سهل جدا بجد وطبعا كان معايا كتاب خارجي رائع هو المثالي في العربي 2/الرياضه حل جامد مكنتش بسيبها يوم الا واحل شويه من المعاصر اساسي فيه كل حاجه بس تمسك التمرين لاخر مساله اللي هي الذكاء متسيبش مساله الا المكرر افكاره وبرده مسائل الوزارة والتقويم 3\الكيمياء وزارة للمذاكرة والامتحان للحل مبيطلعش منه الامتحان بس طبعا التقويم هو الاساس الكيمياء من اسهل المواد خصوصا عضويتها  4/الانجليزي..... لازم تكون معاك كتاب خارجي ممتاز ومدرس بريمو يكون متابعك وطبعا نصيحه...............عربي وانجليزي ماتنساش التعبير والبراجرافات ولو بالتبادل واحد كل اسبوع 5/اللغه التانيه.....طبعا المدرس بيبقي بيقول علي كتاب خارجي ولازم برده تحل امتحانات كتير(وده برده في كل المواد اخر شهرين تلاته تكون مخلص وبتحل امتحانات) 6/احلي ماده في الكون الفيزياء......حلها سهل اوي اولا المدرسين بيخوفوا الطلبه منها معرفش ليه دي رائعه بس محتاجه انك تحل كتير اوي مسائل وكمان النظري انا كان في مدرسين بيركزوا علي النظري اكتر دول لا لازم المدرس يبقي موازن لان النظري سهل المهم المدرس يكون عبقرينو في المسائل وطبعا حضرتك متبقاش مش بتذاكر فيزياء كما تستحق وتقول صعبه لازم تتعب فيها اوي الفيزياء لاتترك يوما بس سهله جدا ورائعه اهم حاجه متخافش منها ولا تستهترش بيها 7/الاحياء ياااااااااااااااااااااااااه ماده جميله جدا حلها سهل 1/مدرس شاطر 2/كتاب الامتحان تفهمه اوي ولا ابالغ في مصر لازم تحفظه كمان بالنص عشان تجيب مجموع وملكش دعوة باللي بيقولوا حفيظ 3/تحل فيها كتير اوي اوي اوي (طبعا التقويم لازم في كل المواد وكتاب الوزارة) 8/علم النفس مادة رائعه وسهله محتاجه انك تكون فاهم وحافظ المنهج صح واخيرا بقي كلمه بس بصراحه بلاش البخل اللي بيحل في الامتحانات اكتب كل ما تعرفه عن السؤال حتي ولو هتكتب صفح بس في المضمون يعني مش تجيب حاجه مش مطلوبه اقصد بلاش الايجاز والامتحانات ليها فن اللي مذاكر صح واعصابه حديد في اللجنه هو اللي بيكسب بتوفيق ربنا ونصيحه.................................... بلاش تسمع للطلبه اللي بيقولوا مذاكرناش هنسقط لان دول عاوزين يحطوا منك بامانه خلي صديقك كتابك ومنارتك مدرسك معلش طولت عليكم اللي عاوز أي سؤال انا في الخدمه باذن الله علي قدر المستطاع آخر تعديل بواسطة Yes We Can ، 05-11-2012 الساعة 11:56 AM 
|
|
#2
08-08-2012, 10:08 AM
|
|||
|
|||
هنزل كمان طريقه المواد الادبيه باذن الله طبعا دا من زميله دخلت اقتصاد وعلوم سياسيه عشان انا كنت علمي
بس هو محدش بيرد ليه هو الموضوع مفدكوش؟
|
|
#3
08-08-2012, 10:18 AM
|
|||
|
|||
|
بالنسبة للتاريخ دة اهم مادة فى المواد طبعا لانة كتير وكبير جدا وبيتنسى بسرعة لانة عبارة عن حاجات بتتحفظ كدة زى ماهيا وتواريخ لذلك احنا لازم نذاكرة يوميا ونراجع كل فترة من اسبوع للتاني كدة فصل ولا حاجة بحيث لما ايام المراجعة تبدا نبقى مستعدين نرجع بس من غير ما ياخد من وقت المواد التانية فى مواد كتير عليها 50 درجة ......اما علم النفس دة الحمد لله عبارة عن هدية للطالب معظم الطلاب بتجيب50 و الفلسفة كزلك اما الاقتصاد والاحصاء دول بقة تجربتى انا شخصيا الاقتصاد دة بيتكلم عن البنوك وانواعها والبورصة وكلة على بعضة ست فصول الاول والتانى والتالت والسادس كلهم مش بيكملو 30 صفحة والرابع والخامس هما اطول فصلين بس مش اوى يعنى والاحصاء دى ابسط وصف ليها قشور الرياصيات يعنى قوانين تتحفظ وتتطبقها على المسائل لا فيها لف ولا دوران وانا عن نفسى جبت فيها 50 هى وعلم النفس الحمدلله اما الانجليزى..... من 25 درجة لكن هو اللى بيتحكم فى دخول الكليات احيانا وعبارة عن لغة يعنى هتفيدك فى حياتك والجامعة واللغز بتاعة حفظ حفظ حفظ كلمات كل ما تبقى حافظ كلمات كتير هتعرف تترجم كويس فى الامتحان وتحل القطع....اما الجيولوجيا نصيحة منى مينفعش تبقى هى والتاريخ فى سنة واحدة بمعنى لو طالب اخد التاريخ فى تانية ودة احسن حل والله هيعرف يذاكره مع باقى المواد وفى تالتة هياخدها مع علم نفس اقتصاد او فلسفة حاجات سهلة يعنى لانها طويلة زى التاريخ بل طبعا مادة فهم وحفظ اكيد بس مينفعش طالب يتفلسف ويقول انا هحفظ لا لالا الرسومات بتيجى احيانا رخمة وطبعا بيجمع رسمة من الباب 1 على البا5 انت ورزقك هى بتنقسم الى 4 علوم بيءة ودى سهلة وممكن تتحفظ اما الجيولوجيا 7 ابواب اصغر باب ال3 وسهل اوى اما الباب الخامس والرابع والتانى والاول يا ساتر والسادس دة بقى كلة لاتينى وانا مش بهزر الكلام فية بجد لاتينى بس هو صغير اما العربى بتاع تانية هايف بس بتاع تالتة رخم حبة حبتين كدة ....انا بقة كنت واخدة فرنساوى دة سهل عبارة عن حفظ الازمنة والكلمات الدالة علية ولذيذ ولغة بردة زى الانجليزى
.......................................... ده الكلام خليت صاحبتي تقوله عشان اللي هيدخل ادبي يبقي علي نور وبرده أي مشكله احنا معاكم سواء هنا او ع الخاص
|
|
#4
08-08-2012, 10:19 AM
|
||||
|
||||
|
مبرووووك يا دكتور
 تسلم ايدك بجد كلامك تحفة انا لسة داخلة 3 السنة دى ان شاء الله بس هيفيدنى جدا و لله واخدة اقتصاد واحصا و فعلا بدور على مدرسين اليومين دول بس الانجلش و الرياضة هكمل معاهم و الباقى لقينا بس ربنا يسهل و يبقوا كويسين 
|
|
#5
08-08-2012, 10:30 AM
|
|||
|
|||
|
جزاك الله خيرا موضوع رائع وجميل
__________________
الفيزيائي
|
|
#6
08-08-2012, 12:38 PM
|
|||
|
|||
|
جزاك الله خيرا
و الف مبروك
|
|
#7
08-08-2012, 05:39 PM
|
|||
|
|||
|
اقتباس:
في الاول الف مبرووووووووووووك يا دكتورة وربنا يوفقك ثانيا انا عندي كام سؤال كده بالنسبة للعربي انا ازاي اقفل الدرجه النهائيه فيه انا جبت السنه دي 28 ؟؟ والفيزياء هو ايه احسن كتاب اجيبه فيها؟؟ اما بخصوص المذاكرة انا جايبة 96.3% ومكمله علمي علوم باذن الله وان شاء الله ثالثه عايزة اعلى فيها اكتر فالمفروض اني اذاكر كام ساعه في اليوم ؟؟ كمان معلش هو صح اني اذاكر كل المواد في يوم واحد ؟؟ يعني شويه فيزياء وشويه احياء وشويه علم نفس وكده ولا غلط معلش ع الترخيم ده يا قمر وشكرا مقدما ع الاجابه 
|
|
#8
08-08-2012, 06:13 PM
|
|||
|
|||
|
جزاكَ الله خيراً يَ دگتور
نصائح من ذهبٰ .. معلش سؤالين .. الرسومات بتاعت الچيو إزاي أحفظها يعني ؟ والعربي والإنچلش أقفلهم إزاي ولا مستحيل أقفلهم ؟ باركَ الله فيكَ =)
__________________
اللهمَّ إنْ لم أكنْ أهلا لأنْ أبلغَ رحمتَكَ؛ فإنَّ رحمتَكَ أهلٌ أنْ تبلغَني. رحمتُكَ وَسِعَتْ كلَّ شيءٍ، وأنا شَيْءٌ، فلتسَعْنِي رحمتُكَ، يا أرحمَ الرَّاحمينَ! وَالهَجْرُ أقْتَلُ لي مِمّا أُراقِبُهُ .. أنَا الغَريقُ فَما خَوْفي منَ البَلَلِ !
|
|
#9
08-08-2012, 06:33 PM
|
|||
|
|||
|
اقتباس:
القصه مذاكرتها سهله انك تقري الفصل ككل بفهم وبعدين تشوفي اسئلته وتحفظيها النصوص بتحفظي الحفظ وهي دي هتبقي مشكلتك لانها كبيرة شويتين ممكن لو تحفظيها من كتاب المثالي لانه ملتزم بكل حرف بالوزارة واسلوبه حلو اوي وبيجي منه الامتحان النحو مفيش اسهل منه قواعد تفهم الادب ذكرته الفيزياء احلي كتاب فيها هو الامتحان انا تقريبا جبت كل كتاب تتخيليه حد كتبه بس افضلهم الامتحان والوسام مسائل فقط ممتاز للمسائل ده انصحك بيه جداجداجدا المسائل اللي بتضيع منها الدرجات سهله وصعبه وصعبه اوي فيه تعلي في 3 عن 2 ممكن جدا لاني انا نقصت 2درجتين و3 درجه ونص فاشله معلش محدش نصحني طب تعملي ايه متركزيش علي النجاح يعني مش تنامي وتصحي لازم انجح انا فاشله والكلام ده وبرده 3 محتاجه حد شجاع انه ميخافش من الفيزياء والاحياء كام ساعه في اليوم دي حسب اليوم انا عموما يومي في ثانوي اروح الدرس وانام واذاكر باقي اليوم ومبنمش الا6 ساعات بس لا تليفزيون ولا فاطمه بقي ولا الهروب ده في ناس بتهرب من الفيزياء بفاطمه اما مذاكرة كل المواد في اليوم مستحيله في 3 لان تركيبه المواد علي بعضها لا تتوفق مع بعضها انا كنت بذاكر3 مواد فيزياء واحياء وماده من باقي الخمسه وشكرا واي سؤال انا في الخدمه
|
|
#10
08-08-2012, 06:34 PM
|
|||
|
|||
|
اقتباس:
|
|
#11
08-08-2012, 06:40 PM
|
|||
|
|||
|
اقتباس:
العربي ......سهل تقفل فروعه كلها بس التعبير انت وقدراتك ونصيبك بس غالبا بيبقي في نقص نص درجه كده تعبير رسومات الجيو انا مكنتش ادبي عموما هسالك البنت اللي دخلت اقتصاد وهنزل الطريقه بس رسومات الاحيااء كانت بتعتمد علي تدريب المدرس ليك مفيش رسمه الا وكنا في الحصه بنرسمها بايدينا في اسكتش كده كنا عاملينه للاحياء وكنت براجعها لانها من صميم المنهج وبالمراجعه الصور سهل انها تتحفظ في الذاكرة
|
|
#12
08-08-2012, 06:41 PM
|
|||
|
|||
|
اقتباس:
|
|
#13
08-08-2012, 06:42 PM
|
|||
|
|||
|
اقتباس:
|
|
#14
08-08-2012, 07:33 PM
|
|||
|
|||
|
جزاك الله خيرا
اذا ممكن سؤال بس انا اخدت المستوي عربي المفروض اذاكره من اول السنة ؟ والانجليزي احسن ملخص ايه ؟
|
|
#15
08-08-2012, 10:08 PM
|
||||
|
||||
|
ألف مبروك يا دكتورة
انا داخلة تانية وعلمى علوم ان شاء الله كنت عايزة اسألك اجيب ملخصات اى ف المواد خصوصا الانجليزى ؟؟
__________________
If you have a dream ..
You should work for it .. try to achieve it by all possible means .. even die for it !!.
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:16 AM.
