هل انت مع الغاء أو الابقاء على مادة المستوى الرفيع؟؟

[د/نداء الجنة المصرية]

المشاركة الأصلية كتبت بواسطة 222ahmed222

مع إلغائها
يا إمّا لو يخلوها تبقى متاحه للكل دون دفع مصاريف لها
لأنّ في طلبه مش مقتدرين انهم يدفعوا المقابل البسيط بتاعها ال هو 45 جنيه
ولكل ال بيقول اصلها بتنقذ ناس كتير
وللدكتوره علا ال خلتها حلقتها على نص درجه
ماهو المستوى الرفيع لو مش موجود التنسيق كان هينزل 4 درجات او 3 مثلاً
مكانش هيفضل زي ماهو
فأنا مع إلغائها من أجل المساواة
انا صديقي الأنتيم ظروفه مكانتش مساعداه ياخدها
حاولت اديله الفلوس انا ويدفعها وياخد المستوى رفض بشكل قاطع
وبالتالي مخدش مستوى عشان معاهوش فلوس
بس الحمدلله جاب من غير المستوى 397 ودخل هندسه الحمدلله ودا العام الماضي
لو كان خد مستوى كان هيخليه 401.5
وبالتالي واحد زيي عشان خد مستوى جيبت 400
مع إنّ هو احق مني بالمجموع لأنّه جايب من غير مستوى اكتر مني بدرجه ونص
انا مع المساواه في كل شيء
لذلك مع إلغاء المستوى الرفيع

هى فعلا متاحة للجميع من غير مصاريف احنا مادفعناش اى مصاريف عشان المادة دى وحتى لو كان فى و45مثلا هى جت على دول ماطول السنة فلوس الدروس اد كده يعنى دول تمن شهر واحد بس هو اساسا مافيش ليها مصاريف ولو اى حد دور فى درجات السنة دى هيلاقى الناس كلها اخدت المادة دى وعلى فكرة هى بتدى الناس كلها يعنى مش بتاثر ولاحاجة احنا مثلا مدرستنا تقريبا كلها جايبة9ونص فى المستوى من غير ماناخد فيه درس او اى حاجة عن نفسى قراته يومين بس28و27فى شهر5 وبعدين قفلته ومافتحتوش غير قبل الامتحان وكله كده وبيجيب ال4اة5درجات يعنى المهم من وجهة نظرى انه مش بياثر نهائى لابالايجاب ولا بالسلب

[222ahmed222]

المشاركة الأصلية كتبت بواسطة سارة ماكس

هى فعلا متاحة للجميع من غير مصاريف احنا مادفعناش اى مصاريف عشان المادة دى وحتى لو كان فى و45مثلا هى جت على دول ماطول السنة فلوس الدروس اد كده يعنى دول تمن شهر واحد بس هو اساسا مافيش ليها مصاريف ولو اى حد دور فى درجات السنة دى هيلاقى الناس كلها اخدت المادة دى وعلى فكرة هى بتدى الناس كلها يعنى مش بتاثر ولاحاجة احنا مثلا مدرستنا تقريبا كلها جايبة9ونص فى المستوى من غير ماناخد فيه درس او اى حاجة عن نفسى قراته يومين بس28و27فى شهر5 وبعدين قفلته ومافتحتوش غير قبل الامتحان وكله كده وبيجيب ال4اة5درجات يعنى المهم من وجهة نظرى انه مش بياثر نهائى لابالايجاب ولا بالسلب

أولاً يا دكتوره
موضوع انه مجاناً خالص دي معلومه خاطئه
لأنّ ال انا بقوله دا شيء حدث في الواقع مش تكهنات
ولو انتي شايفه كدا ف في ناس متقدرش تدفع ال 45 جنيه
في ناس اصلاً مبتقدرش تاخد دروس
ولذلك بردو انا مع إلغاء الدروس
ماهو انت متحطش الخيارات قدام الطلبه وتقول ال معاه فلوس يتفوق وال ممعاهوش ميهمناش
طب ماهو دا نفس فكر الجامعات الخاصه
تقبلوا مروري المتواضع