التاريخ الابيض الناصع للاخوان المسلمون .انشرها بقدر حبك للصالحين

[دكتورة منة]

المشاركة الأصلية كتبت بواسطة علوة حامد

-مسألة أن الاهل ممكن يكون لهم دور او ليس لهم دور في اخلاق وعقلية الابناء فهذا يرجع الى الوالدين وهل فعلاً يقوموا بدورهم في التربية أما كم يفهم كثير من الأباء أن دورهم يقتصر على توفير الاكل والشرب والملبس وهذا ما تعلمناه في كلية التربية

أما بالنسبة لجماعة الاخوان فالامر يختلف فمن ضمن اهم اهدافها تنشئة وتربية الفرد المسلم المتين خلقاً والمثقف فكراً وهذا ما يقومون بغرسه خلال سنوات كثيرة مع اعضائها

-أما بالنسبة للناس الذين اتفصلوا وذلك لعدم التزامهم المستمر بقرارات الجماعة وهذه هي قمة الديمقراطية احترام قرار الاغلبية وهذا ما نعانيه الآن في مصر أن الاقلية تريد فرض اراءها على الاغلبية بحجج مختلفة ولا تريد احترام اغلبية الشعب المصري واختياراته

-أما مسألة كفاءة المرشح الرئاسي د محمد مرسي رئيس حزب الحرية والعدالة والاستاذ الدكتور بكلية الهندسة ورئيس الكتلة البرلمانية للاخوان من 2000-2005 وغير كفء ؟!!
اذن ما هو معيار الكفاءة ؟ صحيح الاخوان لم يختاروه كرقم 1 ولكن ليس هذا معناه أنه لا يصلح !!
الاخوان كان عندهم رقم 1 و 2 و 3 و 4 و ..........وكلهم يصلحون فالكفاءات بالاخوان متوفرة وقد جاء الوقت ليستفيد منها الوطن.

وجزاك الله خيراً

مش كل الناس كويسة كلنا بشر وانا اتحاورت مع ناس من الاخوان قبل كده ومنهم المحترم اللى اتحاور باحترام وان اختلفنا فى وجهة النظر ومنهم اللى مقضيها شتايم وهجوم ممكن اخد لحضرتك النموذج التانى واخدها حجة واقول ان الاخوان مش كويسين والجماعة ماعرفتش تربى ولكنى مش هاقول كده لان كل مكان فيه الكويس والوحش هما بشر وعمرهم ماهيبقوا نموذج الدين الصحيح فى نظرى لافعالهم اللى بتشوه صورة الدين هما بشر وربنا ماكتبش فى القران جماعة الاخوان المسلمين دول ملايكة او هى اللى هتخلى مصر جنة بدليل ان فى ناس كتير ضدهم مش واحد او اتنين والحمد لله مسلمين وربنا هو اللى يختار مين اللى عنده احسن مش حضرتك ولا انا

وعلى حكاية دكتور فى كلية الهندسة يافرحتى
طب ماعلى كده احمد زويل يبقى احسن منه لو اترشح وممكن ابقى انا دكتورة فى الجامعة واروح ارشح نفسى ليه ان شاء الله هو انا هابقى رئيسة على مرضى او على مشتشفى ولا هو مرسى هايبقى رئيس على مؤسسة هندسية ان شاالله يبقى احسن واحد فى الهندسة انا مالى انتوا بتتبهروا اوى باللى بيتخرج من كليات القمة عند الاخوان مش عارفة ليه
انا عايزة سياسى مش طبيب ولا مهندس عايزة واحد يعرف يدير مصر يبقى ذكى سياسيا يعرف يقود الشعب ليه خبرة واسعة فى السياسة يعرف يحط خطط وقرارات لحل الازمات مش يجبلنا رئيس وزراء يقولنا اتلموا فى اوضة واحدة عشان نوفر الكهرباء او يقطع النور علينا عشان يوفر هو احنا كنا انتخبناه عشان يضع خطط وقرارات بذكاء سياسى بحيث يوفر الكهرباء ولا عشان يقطعهلنا فين الادارة والخطط والوعود الكاذبة ؟
والكفاءات خارج الاخوان كتيرة برده وممكن تكون احسن لان انا عايزة كفء سياسى مش كفء فى الهندسة اللى انتوا بتفتخروا بيها اوى دى يروح يفيد بلده احسن بالمجال اللى هو دارسه ويسيب السياسة لناسها واللى مش قد الرئاسة من الاول ماكنش رشح نفسه
عذرا نسيت ان الجماعة مش فارقة معاها مين اللى يتولى الرئاسى فى الاخر الراى للمرشد وهما يقولو امين
بس الحمد لله لسة فى ناس فى مصر ليها شخصيتها المستقلة اللى تقدر تحكم عقلها وتستشير ربها وتطلب مساعدته من ربنا بس مش من بشر زيه زيى وممكن ابقى انا احسن منه كمان عند ربنا
جزاك الله خيرا

اتمنى حضرتك تشوف الفيديو ده عشان بيعبر عن اللى جوايا اكتر من الكتابة وانا مش جايباه عشان هو داعية وماليش دعوة باسم الفيديو
انا جايباه مجردتعبير عن اللى جوايا ومش عارفة اعبر عنه بالكتابة