اخيراً تفاصيل الكادر بالكامل بالجدول ادخل وشوف اه الزيادة اللى هتاتى لك

[waleed shoaib]

هو الكلام ده بجد وهيطبق فعلا؟

[waleed shoaib]

وبعدين الجدول الملون الحلو ده جيبينه منين؟

[مستر مصطفى الناقه]

أفلـــــــــــــــــــــــــــــــــــح ان صدق

[starsat2002]

احبائى الساده الافاضل معلمى مصر
منتظرون الافعال لا التكنهات والتخمينات
اين السيد الرئيس د/ محمد مرسى
ليرد لنا الجميل

[احمد الكنج 11]

لو حسبت كويس راح تلقى المرتب لن يذيد بل ربما ينزل
انا مثلا معلم بأخذ 834 ببدل النقدى .
عند تطبيق الجدول بنسبة 50% ستكون الحسبة كالتالى
1200 على 2 (50% ) = 600 + 226 اساسى + حوالى 105 2بدل نقدى = 931 وتخصم 10% او اكثر
إذا 930- حوالى 100 = 830
إذا الحكاية ودنك منين يا جحا

[ادم جمال سيد محمد]

طيب واحنا اوائل الخرجين ايه اتنسينا ف النص ولا ايه هههههههههه لا طولنا معلم مساعد ولا معلم

[fenak_ya_habiby]

طيب لو سمحتو انا معلم تعيين حديث على الدرجة الثالثة تعيين 1\3\2011 هاخد كام والاساسى بتاعى 230 واجمالى المرتب 680

[eng_adonia]

كله استخفاف بالعقول وعلى فكرة لو صدق هذا الكلام صدقنى هتلاقى خصومات وشوية بنود تلاقى المرتب نقص مش زاد

[alfa]

نقيب المعلمين: "المالية" وافقت على تطبيق الكادر على مرحلتين

المصدر جريدة اليوم السابع على تويتر

[السيد المرغلي السيد]

انا على الدرجة الثانية تعيين 98 كم هو مرتبى الان لان فيه تفاوت بينى وبين زملائي ومتى احصل على الترقية والعلاوه التشجيعية وشكرا

[اسامةقنديل]

انا شايف ان فيه معلمين مش مصدقين الكلام ده وانا بقولهم الكلام صحيح وعندي ملف الكادر كامل المعروض حاليآ علي مجلس الوزراء هذا الاسبوع بعد موافقة وزير الماليه علي تطبيقه علي مرحلتين وبقول للسادة المعلمين جميعأ واضرب ليهم مثال علي نفسي علشان نفهم:
1- أنا مرتبي =الاساسي +العلوات بتاعة كل سنه في شهر 6=606جنيه بدون كادر ولا أي حوافز
2-طبقآ للجدول اما معلم أول بقالي خمس سنوات اذا الكادر =2300جنيه
3- المرتب العادي +نصف مبلغ الكادر =606+1150=1756 مرتب شامل هذا العام المالي الحالي
4- في العام المالي القادم ان شاء الله المرتب=المرتب العادي الجديد+ مبلغ الكادر كله علي معلم أول آ =650+2500=3150جنيه وخد بالك انا حاليا معلم أول في نهاية المرحله يعني العام القادم سوف اترقي لمعلم أول أ
5- فيه اقتراح ايضأ لزيادة مكافأة الامتحانات لتكون 300 يوم
6- المطلوب من كل معلم عاقل في مصر يفهم الكلام ده كويس ويشتغل في مدرسته بجد وينشر الكلام ده لكل الزملاء
وفي النهايه أتمني التوفيق لمعلمي مصر الشرفاء

[عوض محمد حسن]

كله كلام مهدئات لازم اضراب

[عبدالله55]

طيب ومخصمتش الأجور التغير ليه التى تصل الى 13% هذا غير الضريبة على الدخل وهى تساوى 20% من الاجمالى بعد اعفاء مبلغ 7000 سبعة ألاف جنيه فى السنة يعنى تقريبا مرتب شهرين + مكافأة الامتحانات دول يكونوا معفيين من الضرائب وبقية العام تخصم من المرتب 20% ضريبة على الدخل فإذا كما حسبت سيادتك ان مرتبك هيكون حوالى 1750 جنيه هذا العام اخصم منهم 33% يعنى ثلثهم تقريبا يكون المستحق 1176 جنيها تقريبا وسلم لى على الكادر

[الجنة موعدنا]

بجد الواحد تعب من الشغلانة دى
بقالى 12 سنة على الدرجة الثالثة لانى دفعة 2000 المنحوسة
ومش عارف هألحق اخد الدرجة قبل مااموت ولا ايه ؟؟؟؟؟؟
نفسى اسمع خبر اكيد يفرحنى قبل بداية الدراسة يخلينى اروح المدرسة
بهمة شوية

[AAAHUS]

المشاركة الأصلية كتبت بواسطة العلوم للصف الخامس

المعلم الى على الدرجة الثالثة تعيين 2003 دة يتبع ترقيات المرحلة الثالثة للكادر يعنى يعتبر معلم اول باقدمية1/8/2012 ويستحق 1500 جنية مربوط درجة المعلم الاول يااستاذ

الف شكر يا استاذنا
جزاكم الله خيرا