استحلفك بالله لازم تدخل

[مني ق]

المشاركة الأصلية كتبت بواسطة المتفائلة...

ربنا معاكى
كل سنة ليها تنسيقها
انتى ذاكرى واعملى اللى عليكى واللى فيه الخير يقدمه ربنا
اصل مفيش فايدة دلوقتى الخيرة فى ما اختاره الله متفكريش فى ابن عمك واخواتة افتكرى دايما انك ممكن تدخلى كلية .....وتتفوقى وتكونى دكتورة فيها وان ابن عمك ممكن يدخل صيدلة بس ميتفوقش فيها وبكده تكونى احسن منه
بس ارجوكى تذاكرى ومش تحطى الهبل ده فى دماغك لان كدة هتضيعى ومش هتذاكرى مش هيفيد البكاء على اللبن المسكوب سيبى ربنا يصرف الامور كما يشاء

المشاركة الأصلية كتبت بواسطة the king 2012

سيبك من الناس ده وخليكى واثقة من نفسك
يعنى حضرتك لو شديت حيلك فى 3 ثانوى وجبتى 99 و100% كمان وليه لا شوفى كده فى المجاميع هتلاقى كتير جايبين المجموع ده فرضا 98% وان شاء الله اكتر المجموع الكلى هيبقى 91.5% يدخلك فنون جميلة قسم ديكور ((مهندسة ديكور)) بس ياريت ماتيأسيش
وياريت كمان حضرتك تخدى كورس الفنون على مدار سنة تالتة وربنا يوفق

المشاركة الأصلية كتبت بواسطة ساره جمعه

بصى يا منى ازيك الاول
انا زيك وجبت 90.4% وحولت ادبى فعلا وبدات الدروس وكنت علمى زيك والادبى مش وحش والله وانتى شدى حيلك بس وتدخلى كليه كويسه ان شاء الله واعلمى ان ربنا مبيديناش حاجه وحشه ابدا
امنتى اكون افدتك بحاجه يامنى
طولت عليكى

شكرا ليكم كلكم انت بجد افدتوني وربنا يجازيكم خير ويدخل كل واحد الكلية اللي بيتمناها