خليك زى البطاطس

[To Be Is To Do]

المشاركة الأصلية كتبت بواسطة hobahoby

خليك زى البطاطس





عارفــين ليه البطاطس المحمرة هية الاكلة الوحيدة
اللي اجتمع الناس كلهم علي حبها ؟!!


البطاطس المحمرة لما بتتقلي في الزيت بتبقي عادة
مقرمشة من برة و طرية من جوة
...
-عشان كدة لما حد يعمل معاك موقف سخن اوي
ماتعملهوش وحــش اوي ..

ايوة حاسسه انك زعـــلان منه و خد موقف
بس خلي قلبك ابيــض و وطــري "طيــب يعني " :D
مش ناشف و سامــح عشان ربنا بيسامــح .

***

البطاطس المحمــرة تلاقيها عند
ماكدونالدز ( فرينش فرايس)
و برضه تلاقيها عند بتاع الفــول والطعميه :D

يعنــي انت كمان خليك زي << البطاطســاية >>
ماتتكبرش علي حد وصاحب كل الناس غنــي او فقــير


****

البطاطــس المحمــرة بتتقدم مع حاجات كتــير :
مايونيــز , كاتــشب ,صالــصات مختلفــة , و ساعات كمان طحينة
بس بتفضل في الاخر اسمها بطااااطس

-يعنــي مهما اتعرضــت لثقافــات و بيئــات مختلفــة احتفظ دايما
بشخصيتــك المستقلة و طريقة تربيتك و خلي الناس هية اللي تتاثر بيــك ..

*****
البطاطــس كمان ممكن تبقــي شيبسي
و هي اول حاجة بنفكر فيها لما بنحس بالجــوع و احنا برة البيــت

- ساعد الناس دايمــا و خليــك اول واحد ييجــي علي بالهــم
لما يقعــوا في مشكــلة خليك جــدع زي "الشيبســي " :D

*****

البطاطــس المحـمرة لو اتهرســت
بتبقي كمان طعمــها حــلو و ممكن نسمــيها "بطاطس بيوريــه"

-مهــما الدنيا تــهرس و تبهدل فيــك
خليــك شخص كويــس و لذيذ
و طلع للدنيا لسانك
و قول "..انا بطاطساية بيوريه.. "

عشان تبقــي محبــوب من كل الناس خليــك بطاطــس

على فكره أنا بطاطس بنسبه 90%
بس بحاول أخلينى بطاطس 100 %

نايس توبيك بجد بجد ...