مش عارف اذاكر عربى خالص (اتخنقت )

[~ Smile 4 Life ~]

المشاركة الأصلية كتبت بواسطة . Ahmed-gamal

انا مخنوق من العربى جداااااااااااااااااااااا بفتح كتاب الاضواء بلاقى معجنه وعك ولخبطة وحاجات كتييير بتخنق دى مادة رخمة اوى انا بعرف اذاكر اى مادة تانية بسهولة جداااا الا العربى بتخنق اول ما افتحه
ياريت لو حد عنده طريقة نذاكر بيها العربى يقولى لان انا اتخنقت من اول السنة خالص اول ما شوفت المنهج وذاكرت حاجات بسيطة
وانا بعتقد ان السبب هو ان العربى ماده ادبية لانى مبحبش اذاكر معظم المواد الاددبية كلها حفظ

هو العربي ممكن يكون رخم فعلا عشان الحفظ اللي فيه
بس مش لدرجة انك مش عارف تذاكره يعني عندك النحو والبلاغة مش محتاجين مذاكرة غير انك هتفهم الدرس من المستر وبعدها تطبق علي اللي انت فهمته
والنصوص انت هتشرح باسلوبك يعني اللي انت فهمته من النص بعد حفظ معاني الكلمات..ومظاهر الجمال انت بعد ما فهمت البلاغة خلاص مش محتاجة حفظ
والقراءة انت اول شئ هتقرا الافكار وبعدين تقرا الدرس كلوا علي بعضه عشان تفهم بيتكلم عن ايه وبعدين هتقسمه علي أجزاء وفقرات وبعدين اعمل سؤال علي كل جزئية انت بتذاكرها هتلاقي الدرس بقي سهل جدا وهتحفظه بسهولة بعد كده تحل عليه تدريبات مباشرة عشان يثبت في دماغك
وانا بالنسبة لي أحسن ملخص في العربي (الاضواء) وخاصة نسخة السنة دي عمل فيها تعديلات كتيرة وأنا حابه طريقته جدا في الشرح
عموما شوف انت حابب تذاكر من ايه وايه اللي هيكون أفضل بالنسبة لك
بالتوفيق ان شاء الله...