هو احنا اليه كدا وحنفضل لحد امتى كدة بجد خايفة

[Yes We Can]

بصى يا شروق
انا مش هتكلم فى الدين عشان انا مش راجل دين
لكن الاعرفه و واثق منه جدا ان كل عمل خير بنعمله بنتحاسب عليه و كل عمر شر بنعمله بنتحاسب عليه
حلو جدا اننا نبص لنفسنا و نقول احنا حققنا ايه فى حياتنا حلو جداااااااااا
فى حياتنا عملنا خير و عملنا شر و ساعات بنعمل خير منغير مانحس او نعمل شر منغير مانحس
ربنا خلقنا عشان بيحبنا و وصانا اننا نحب بعض
زى الاب لما يخلف ولاده بيوصيهم انهم يحبوا بعض و يخافوا على بعض
تعرفى لما تبتسمى ابتسامه لواحد مكتئب ده خير و لما تكلمى واحج زعلان و تهديه ده عمل خير
انه كان ممكن يعمل شر فى وقت الغضب تعرفى انك لما تتفوقى فى دراستك ده عمل خير
لانك هتوصلى المعلومه الاخدتيها بطريقتك و بعقلك انتى لواحد ممكن ميقدرش انه يتعلم
فياخد منك المعلومه تعرفى انك بتسعدى والدك و والدتك باخلاقك ده خير
تعرفى لما تندمى على خطيئتك ده خير عشان طريق التوبه
و كل ده مصدره الحب الحب بين الام لبنتها و الاب لابنه
الحب بين الاصحاب اننا نخاف على بعض و ننصح بعض
الحب اننا نكلم بعض فى مشاكلنا الحب اننا بنبين ده لربنا اننا بنحب بعض لاننا كلنا خليقته
حلو انك تحاسبى نفسك لكن حاسبى لتوقعى فى خطيه اليأس انها ضايعه ضايعه
هقول انى عملت كذا و كذا وكذا طب ... مانا نسيت ان ربنا بيغفر الخطايا
سواء كنت مسيحى او مسلم او يهودى كلنا لينا رب واحد بيغفر الخطايا
بعد ماندم على خطيتى اجرى على ربنا و اقوله سامحنى لكن هسال نفسى سوال
هل هيسامحنى ؟؟؟ اه هيسامحك لانك لما بترجع لحد بيحبك و تقوله انا غلطان هيسامحك
و ده مش انسان ده اله يعنى يخلو من كل عيب و خطيه ربنا كله محبه ليا و ليكـى
ربنا بيقبل التوبه التى تسبقها ندم . اندمى و بعدين ارجعى و بعدين توبى و ابداى حياه جديده
و اوعى تشيلى حاجه حلوه كنتى بتعمليها خير و تبدليها بشر بل بالعكس حولى الشر لخيـر
اتمنى انى مكونش طولت عليكى و ربنا معانا جميعا يا شروق