غير صورتك الشخصية على الفيس بوك وانصر نبيك ولو بحاجة بسيطة

[*تائبة فى رحاب الله*]

المشاركة الأصلية كتبت بواسطة ساهر عبد العزيز

اسمحيلى بس يا شروق ارد بتجاوز شوية! عشان انا مفقوع!!
نفس التفكير العقيم الاهبل اللى بستخدمه كل مرة .. انصر رسولك .. بتغيير صورتك على الفيس ... ياسلاااااام!!
كده انا نصرت الرسول .. والتانيين الى عند السفارة .. طيب طول لو الامن قتلهم هبقى مع معين .. مع ان الامن ياخد وضعه ولا ان المتظاهرين يكسروا ويدمروا .. انت فاكر انك كده بتنصر نبيك .. تخلى بلدك فى موقف محرج مع الدول الباقية .. تسب وتلعن المتطرفين من اقباط المهجر ... تغير صور البروفايل .. تقعد تدعى لمقاطعة هبلة لن تستمر اكتر من كام شهر لان انت شعب مستهلك غبى .. لا يقرأ لا ينتج .. تقعد تنزل فى شعر لمدح الرسول .. يعنى من الاخر واحد من الشارع اللى جنبكم شتمك .. تقوم تقعد مع اخوك وتقعد تقوله لا انا حلو .. انا بيتقال فيا شعر .. وتقعد تشتم فى اللى فى الشارع
كام واحد فينا يقدر يقول انه مثال صح للاسلام .. لا يسب لا يسرق لا يقتل لا يكفر .. متسامح عطوف متعاون .. وغيرها من الصفات ... زعلنين على اللى بيشتم رسولنا وواحد من شيوخنا يطلع يقول ان الرسول كان سبباب ولعان!!!
قالوا على الرسول همجى واحنا اللى همج
قالوا عليه بيكفر كل من يخالفه .. واحنا اللى بنكفر اى حد بيخالفنا
قالوا عليه شهوانى شايف المرأة مجرد وعاء له .. واحنا اللى كده
اعتذر لك يا رسول الله نيابة عن المسلمين .. وللاسف انا كمان كده
تخلف .. والله منتهى التخلف .. فيلم ردئ الصنع تحت السلم مكنش اى حد هيشوفه الا متين تلتمية بالكتير .. الشيخ القذر خالد عبدالله هو اول واحد نشره
واغلبنا بمنتهى السذاجة وفى المنتدى هنا كمان قام نشروه
انتوا بتفكروا ازاااااااااااااااااااااااااااااااااااااااااااااااا اااى!
مين فينا مثل الاسلام هنا .. عشان الغرب يشفه
الغرب شايف مجرد مسملين همج فى الشرق بيقتلوا الشعب وهنا متخلفين وهناك وهنا كلها بلاوى .. عايزنهم يعرفوا الاسلام منين
والله انا متعاطف مع الامريكى اللى يلاقى سفارة بلده بتتهاجم .. يسأل عن السبب يقوله فيلم مسئ صنع متطرفون .... طب ايه علاقة امريكا يا ولاد ال*********
انتوا بتفكروا ازاى؟!!!!

اتفق مع حضرتك فى اغلب الكلام هو فعلا تفكير عقيم وده مش معنى نصرة نبينا
لكن كون حضرتك تسب الشيخ خالد عبد الله ...وده اساس اللى بيحصلنا دلوقتى ان المسلم
يسب اخاه المسلم ....!!
وحضرتك بتقول ان الفيلم بكتيره 200 او 300 واحد يتفرجوا عليه
اصل هولندا مكلفة نفسها ودافعة ملايين عشان200 او 300 زى محضرتك بتقول
وكمان بتقول ان لو مكنش الشيخ خالد عبد الله قال كدة مكناش هنسمع عنه
قال هم عاملينه ومش هيعلنه عنه...!! شىء عجيب ..؟؟!!

وخطأ تانى حضرتك متعاطف مع الامريكى وتسب داعية اسلامية وعجبى....ونريد الا يسب رسول الله ...!!! والله فلتبكِ ياعينُ على امتى..!!

سبحان الله المسلمون يسبوا بعضهم ونزعل لما حد تانى يسب فى الاسلام والمسلمين؟!!
العيب علينا احنا كمسلمين ..اشمعنا دلوقتى نقول ننصر سنة الرسول ماحنا لو كنا ماشيين ع سنة الرسول من زمان مكنش حاجة حصلت
بالله عليكم لو الصحابة كانوا عايشين وحصل كدة والله مانانمت لهم عيوم ولا ارتاحت لهم مضاجع.....
بالنسبة للمقاطعة فدى بتضعف الدول دى لما حتلاقى حرب كدة والمسلمين وقفوا جنب بعض مكانوش هيقدروا يعملوا حاجة
فنصرة نبينا مش بعمل مظاهرات وتغيير صور نصرة نبينا بنصرة سنتنا
وكلنا مقصرين .......
ياريت تكون الرسالة وصلت