بخصوص ضم الخدمه العامه

[Niven Omar]

السلام عليكم

لو سمحتوا يا جماعة انا عملت الخدمة العامه وكنت عايزة اضمها لسنوات العمل
انا من اسكندرية تعيين 1/7/2011 ادارة غرب التعليمية
فكنت عايزة اعرف ينفع اقدمها ؟ واقدمها فين ؟ واية الاوراق المطلوبة ؟
وياريت لو حد قدمها يقول هوة فى ادارة اية ؟
ارجو الرد ... ولكم جزيل الشكر

[A7waly]

انا قدمتها فى التسويات
بتعملى طلب لمدير المدرسة بضم السنة وبيختمهالك وبتعملى من شهادة الخدمة العامة صورة طبق الاصل وبتقدميها فى التسويات
بس بتاخد وقت
انا قدمتها فى محافظة الغربية من شهرين ولسة مفيش جديد

[Niven Omar]

المشاركة الأصلية كتبت بواسطة a7waly

انا قدمتها فى التسويات
بتعملى طلب لمدير المدرسة بضم السنة وبيختمهالك وبتعملى من شهادة الخدمة العامة صورة طبق الاصل وبتقدميها فى التسويات
بس بتاخد وقت
انا قدمتها فى محافظة الغربية من شهرين ولسة مفيش جديد

التسويات اللى فى الادارة التعليمية ولا اللى فى وكالة الوزارة

[A7waly]

التسويات اللى فى الادارة
وبعد كده هما بيودوها المديرية
وبالنسبة اللى اتخرجت واشتغلت 2005 مش هينفع
اضافة الخدمة العامة بالشهادة

[mr_adam00]

طيب لو سمحتو عاوزة اسأل سؤال ورجاء الرد انا دفعة 2005 واشتغلت بعقد مميز على طول فى 2005 برده مالحقتش اعمل خدمة عامة ينفع اضم سنة ولا ماليش حق ماهو انا كنت باشتغل بالفعل حد يفيدنى

[mr_adam00]

انا برده من محافظة الغربية

[مريم اليكس2011]

طب حضرتك ضميتي مده الخدمه بالتعاقد وايه الاجراءات من فضلك وجزاك الله كل خير

[هبه الاقصر]

بتجيب صوره من قرار التعين وطلب لوكيل الوزارةبضم الخدمه وصحيفة احوال من

الملفات من الاداره وصورة الموهل الدراسى واصل الخدم العام او مستخرج رسمى منها

وصور ه منها

[Niven Omar]

المشاركة الأصلية كتبت بواسطة هبه الاقصر

بتجيب صوره من قرار التعين وطلب لوكيل الوزارةبضم الخدمه وصحيفة احوال من

الملفات من الاداره وصورة الموهل الدراسى واصل الخدم العام او مستخرج رسمى منها

وصور ه منها

اجيب منين صورة قرار التعيين دة

[A7waly]

على فكرة احنا بنتكلم على السنة بتاعة الخدمة العامة مش ضم الخدمة بتاعة التعاقد

[dota 2012]

يا جماعة ف ناس قدموا الورق دا ولما رحت قالولى محدش ضمها وبتنضم بقضية ومخدوش ورق منى حد عارف حاجة مظبوطة ؟؟
انا من ادارة غرب المحلة محافظة الغربية
حد يساعدنى

[نانا هوبة]

المشاركة الأصلية كتبت بواسطة dota 2012

يا جماعة ف ناس قدموا الورق دا ولما رحت قالولى محدش ضمها وبتنضم بقضية ومخدوش ورق منى حد عارف حاجة مظبوطة ؟؟
انا من ادارة غرب المحلة محافظة الغربية
حد يساعدنى

احنا ادارة الخارجه التعليميه و بما اننا تعيين حديث 2011 فملفاتنا لسه فى المديريه المهم من شهر 10 اللى فات طلبوا اوراق الخدمه العامه و طلب من مدير المدرسه فقط وروحت وديتهم من ساعتها و اليوم 27/3/2013روحت اسال قالولى لسه بنكمل الاوراق و قولت لهم طب ايه اللى هيتم من ضمها قالولى سنه اقدميه و علاوه على الاساسى اربعه جنيه وهيتم كل هذا قبل انقضاء السنه الماليه الحاليه ان شاء الله

[نادوو251]

ادارة شرق المحلة الكبرى رفضت الضم وسوف نذهب الى محامى لرفع القضية انا بعض الزملاء يوم الاربعاء ان شاء الله لمن يريد الانضمام معنا الكتابة على الصفحة وسوف ارد علية

[محمود شعت]

ضم الخدمه العامه اكيد لازم تضم
عندنا فى ادارة طوخ قليوبيه زميلات كتير ضمو الخدمه بسهوله جدا يعنى ما فيش قلق
المصيبه فى ضم مدة التعاقد

[سمر سيتى]

بصى انا من ادارة الجمرك اسكندريه والحمد لله ضمت الخدمه العامه واصبح تاريخ التعين من 1/7/2011 الى 1/7/2010
المفرض انك قدمتى شهادة الخدمة العامه ايام التعين وهى انضمت طب تتاكدى ازاى روحى قسم البطاقات واسئلى الموظف اذا كان فى موفقه على طلب الخدمه هتفتح دفتر عندها وترد عليكى لو كان فى موفقه طب لو قالت لك مافيش فى ملفك موفقه ضم الخدمه تعملى ايه ؟

بصى بقه هتروحى قسم البطاقات وتقدمى طلب ضم الخدمه العامة مرفق بيه اصل شهادة الخدمة العامةوهتسيبه فتره كبيره حوالى شهرين لحد ما يجى الموافقه وان شاء الله تيجى
ولو لقيتى فى موفقه لطلب ضم الخدمه خدى صوره من صحيفه المعلم الموجوده ع النت وروحى بيها قسم الملفات وخليها تمضى لك عليها بضم الخدمه وتختميها من الادارة وتروحى بيها قسم الاحصاء وان شاء اللتنضم انا لسه معدل الخدمة من اسبوع وربنا يوفقك