السلام عليكم ورحمة الله وبركاته ، أنا عندى حالة مشابه لك أخى الكريم ، المهم أنا اتصلت بالادارة التعليمية و قالوا لى أن الطلاب الراسبين لهم حق الاختيار ما بين النظامين و لكن عليهم الأول يجيبوا ما يثبت رسوبهم و هو أكيد شهادة تانية ثانوى ، و يقدموها الى ادارة شؤون الطلاب الموجودة بالمدرسة و يكتب اقرار بأنه ستكون ثانية ثانوى هذا العام سنة نقل ( النظام الجديد ) ، و عليه هيدرس المناهج المنقسمة الى ترمين و هيكون له امتحانين خلال العام .
و لكن ممكن أخى أسألك سؤال بحثت عنه كتير و ملقتلوش أى اجابة ، أنا حصلت معايا بعض الظروف و لم أستطع دخول الامتحانات كلها ، بس كان طالع لى رقم جلوس و كنت سنة تانية ثانوى ، ولما ظهرت نتيجة الثانوية العامة على الانترنت ، و كتبت رقم جلوسى فى أغلب مواقع النتيجة لم تظهر لى نتيجة و كان الرد ( لا توجد نتائج بحث) ، فـأنا قلقان وخايف ليكون حصل انه يكون امتحانى اتلغى ولا حاجة ، فانتا بما انك بتقول انك مدخلتش أى امتحان ، يعنى ظروفك زيى تمام ، هل انت كمان ما ظهرلكش أى نتائج عالنت ، يعنى الى حصل معايا دا طبيعى عشان مدخلتش أى امتحان و لا ايه ، أرجو انك تطمنى أصلى أنا مسافر و بعيد عن مدرستى كتييير ، و راجع بعد فترة .
وربنا يوفقنا جميعاً لما فيه الخير والصلاح ، آمين ، و السلام عليكم ورحمة الله وبركاته .
24-09-2012, 01:58 AM
العرض الشجري
