ح اكمّل غنوتى واحكى

المشاركة الأصلية كتبت بواسطة سناء مصطفى

أنا الفجر اللى كان سارق ظلام الليل تفاصيلُو


كما العادةْ


يِشَاوِرْلى بِتَلْقِيمةْ من السكر ويـِتْأَمَّر


ودايما كنت اقول حاضر


وأشرب قهوتى سادة


وادَنْدِن ألْف غِنِّيوَة على شطّى


والَوّن بالقلق خَطّى


واقول يمكن ف يوم يزهق ظلام الليل وينسانى


ويكْبَر حلمى بِزْيادة


لا يوم غِفْلِت عِنِيه عنى و


ولا سَابْنى


أكمِّل غنوتى واحكى مواويلى


ولمَّا النجمة شَاوْرِتْلِى


وحِلْفِتْلِى


حَتِشْغِل عنى عِنْد الليل


أنا صَدَّقْت


مَهُو الغرقان بيتعَلّق بقَشّاية


وكَحِّلْت الوَهَن هِمّةْ


وِحَايِلْتُو بكام كلمة


وأَلْفْ عزيمة وإرادة

وفجأة حَضَنْتْ بين إيدى شعاع الشمس


وصوت النجمة جوايا بيِهْمِسْ همس


وَفِيتِ الوعد واتكَسّرْ عِنَاد الليل


وقام الصبح كالمارد وشدّ الحيل


بلاش تانى بأه تخضعْ


بلاش تسْمعْ


وكَسّرْ بالأمل قيدك


ولو كَسَرُوا خُطَاك حاول تجيب عكاز


ولو خدشوا ف يوم صورتك بسرعة تغير البرواز


مهو الورد اللى فتح يوم على جنينتك بلا موعد


يحق عليك تفرّح قلبو بصمودك


تقيم عودك


تكسر حجة السجان


تكون صادق


تكون مؤمن


تكون واثق


تكون إنسان

شعر / سناء مصطفى أحمد

استاذة سناء
اهلا بعودتك نورت المنتدى من تاني
رغم اني احب الفصحى ا لا اني اعدت قراءة القصيدة عدة مرات لجمال التعبيرات
وتسلسل الكلمات فعلا لونتي قلمك بالجمال والصور الابداعيه
دام ابداعك ويسلم بوح قلمك
تحياتي

[سناء مصطفى]

المشاركة الأصلية كتبت بواسطة الأستاذة نغم محمد

استاذة سناء

اهلا بعودتك نورت المنتدى من تاني
رغم اني احب الفصحى ا لا اني اعدت قراءة القصيدة عدة مرات لجمال التعبيرات
وتسلسل الكلمات فعلا لونتي قلمك بالجمال والصور الابداعيه
دام ابداعك ويسلم بوح قلمك
تحياتي

نغم الغالية
يسعدنى أنكِ ما زلت تذكريننى رغم الغياب الذى تفرضه علينا تصاريف الحياة
دمتِ لى بكل الحب والمودة

المشاركة الأصلية كتبت بواسطة سناء مصطفى

نغم الغالية
يسعدنى أنكِ ما زلت تذكريننى رغم الغياب الذى تفرضه علينا تصاريف الحياة
دمتِ لى بكل الحب والمودة

عودة حميدة وارجو من حضرتك التواصل ولاتحرمينا من ابداعك
طبعا اذكرك جيدا لاني معجبه بقصائد حضرتك واسلوبك الرائع بالكتابة
حضرتك مدرسه وانا مدرسة ايضا وديما الطالب المتميز يبقى بالذاكرة صح
فانت شاعرة متميزة وتبقين بالذاكرة على طول
دمت مبدعة ومتميزة ومتألقة
تحياتي واحترامي لحضرتك

[سناء مصطفى]

المشاركة الأصلية كتبت بواسطة الأستاذة نغم محمد

عودة حميدة وارجو من حضرتك التواصل ولاتحرمينا من ابداعك
طبعا اذكرك جيدا لاني معجبه بقصائد حضرتك واسلوبك الرائع بالكتابة
حضرتك مدرسه وانا مدرسة ايضا وديما الطالب المتميز يبقى بالذاكرة صح
فانت شاعرة متميزة وتبقين بالذاكرة على طول
دمت مبدعة ومتميزة ومتألقة
تحياتي واحترامي لحضرتك

ودامت لى محبتك يا غالية
ورزقك الله سعادة الدارين
محبتى