35 فكــــــــرة لانجاز يوم جميل

[To Be Is To Do]

المشاركة الأصلية كتبت بواسطة eng_muhammed

1- نام كويس جداً
2 - اظبط المنبه و قوم صلى الفجر و ردد أذكار الصباح
3 - أول حد تشوفوه من عيلتك قوله كلمة حلوة تخليه يبتسم
4 - كوباية قهوة مع شوكولاتة بتحبها
5 . متستناش حاجة من أى حد
6 . بلاش تركز مع أى حاجة ممكن تضايقك " كبر دماغك "
7 . افتح موبايك و اكتب " nice day "
8. استغفر 1000 مرة
9. لو أى حد محتاج منك مساعدة ساعده حتى لو متعرفوش
10 . البس أكتر حاجة بتحبها فـ لبسك و أنت خارج
11. اتفرج على فيديو بيضحكك
12. اتصل بحد مكلمتوش من زمان و قولوه " وحشتنى " ^^
13. اتفرج على صورك و أنت صغير
14. حاول تنجز أى حاجة فـ يومك مهما كانت تافهه
15. حافظ على الصلوات الخمسة فـ مواعدها بالظبط
16. ازرع وردة فـ بلكونة أوضتك
17. حب نفسك و قول لنفسك " أنا بحبنى " ^^
18. اسمع قرآن نص ساعة
19. امسك ورقة و قلم و ارسم أى حاجة حتى لو شخبطة " خرج احساسك "
20. أى حد تعرفه روح سلم عليه و ابتسم أول ما تشوفوه
21. خليك هادى و مرن و متفائل
22. اشترى كتاب حتى لو مبتحبش القراءة و اقرأ فيه لو صفحة
23. داوم على ذِكر الله طول اليوم
24. تصدق " أى مبلغ ، بسمة على وش طفل ، اتبرع بالدم "
25. متفكرش فـ أى حاجة بتزعلك ، انسى كل حاجة ^^
26. لو حد زعلان منك كلمه و قولوه أنا أسف " و الكاظمين الغيظ و العافيين عن الناس "
27. لو حد مزعلك سامحه من قلبك
28. حمام دافى
29. ركعتين قيام و وتر " اوتر "
30. متنساش الناس من دعائك و لك المثل
31. وردَك من القرآن اقرأه فـ أى وقت بس اوعى تنساه " 10 آيات على الأقل "
32. متنساش تتوضى قبل ما تنام و تقول أذكار النوم
33. قبل ما تنام راجع يومك تانى و لو محستش بتغيير حاول تانى
34. متنساش تظبط المنبه لصلاة الفجر
35. يوم جديد ^^

يا سلام على التوبيك التحفه ده
ايووووووووووووووه ده لو الواحد عمل بس ربع الحااجات دى حيبقى فله والله
بجد بجد أعجز عن الرد على ذلك التوبيك الرائع
لا يسعنى إلا أن أقول جزاكـ الله خيرا كثيرا وأنار لكـ حياتك ووفقكـ فى دراستكـ
وحببّ فيكـ خلقه ورزقكـ بما تشتهيه

ونايس نايس نايس توبيكـ