الاختلاط في الجامعه

[اسراء سمير00]

ممكن اسأل سؤال بعد اذن حضرتكم؟؟؟؟؟؟؟
هل الدردشة والمحدثات زي الشات كدة مع الاخرين سواء بنات ام ولاد هذا يعتبر اختلاط


ياريت تردوا عليا باقصي سرعة
وشكررررررررررا علي موضعكم الجميل دة وجزاكم الله كل خير

[مستر محمد سلام]

المشاركة الأصلية كتبت بواسطة اسراء سمير00

ممكن اسأل سؤال بعد اذن حضرتكم؟؟؟؟؟؟؟
هل الدردشة والمحدثات زي الشات كدة مع الاخرين سواء بنات ام ولاد هذا يعتبر اختلاط


ياريت تردوا عليا باقصي سرعة
وشكررررررررررا علي موضعكم الجميل دة وجزاكم الله كل خير

اخت الفاضلة اسراء
مرحبا بحضرتك
وباهل الزقازيق جميعا
وبعد

مينفعش تخونى ثقة أهلك فيكِ بالتحدث مع شخص غريب عنك من وراهم.حتى لو من وجهة نظرك كلام عادى لأن الكلام العادى ده مع الوقت هتتكسفى حد يشوفه. مابالك بقى وربنا مطلع عليكى وشايفك طول الوقت.
* مينفعش تضيعى وقتك فيما لايفيدك دنيا وآخرة.

إزاى تصدقى واحد لا تعرفيه ولا عمرك شوفتيه. تضمنى منين أنه كويس وابن حلال وعمره ما هيأذيكِ.بس إزاى هيخاف عليكِ وأنت ماخوفتيش على نفسك وسمحتى بأن يدخل حياتك شخص لا تعلمى عنه شيئاً.* تفتكرى لو واحد عايز يتجوز بجد هيدور على عروسة عن طريق الشات ليه!!!؟. يعنى هى الدنيا والبنات الموجودين فى واقع حياته بالفعل خلصوا!!. إزاى تصدقى أنه هيعجب بيكِ من غير ما يشوفك!. وحتى لو ده حصل إنسى إن الموضوع يتطور لأكثر من كده ولو تطور هيبقى يادوب ورقة عرفى ولو اتكتبت كمان.

لو كنتِ حاسة بالفراغ ففيه مليون طريقة ممكن تشغلى بها نفسك. غير الدخول للتحدث مع ناس غرباء عنك.
حتى لو كنتِ بتكلمى بنات تضمنى منين أنهن بنات مش ولاد ولو كانوا بنات بجد تضمنى منين أن أخوها مش قاعد جنبها. إزاى تديها ثقتك وأنتِ ماتعرفيهاش قبل كده.إزاى تعطى الأمان لحد كانت بداية تعرفكم على بعض: هاى.. ممكن نتعرف!.

تفتكرى لو هو شاب كويس هيلجأ للطريقة دى للتعرف على البنات!!. ولا هيكون فاضى أصلاً للكلام ده!.
تعرفى الشاب بيلجأ للطريقة دى ليه لأنها أسهل الطرق وأرخصها. ولأنه فاضى ومعندوش خوف من ربنا.
تقبلى تكونى رخيصة قدام نفسك وقدام اللى بيكلمك.
للأسف دى الحقيقة لأنك لو كنتِ حاسة إنك غالية ماكنتيش رخصتى نفسك بوجودك فى مكان تثير حوله الشبهات.
* فكرتينى بالبنات غير المحجبات أو اللاتى يترتدين الملابس الضيقة أواللاتى يظهرن أى حاجة من جسمهن حتى لو رقبتهن من خلال الطرحة الإسبانش لأنهم لو شعروا بأن جسمهن غالى ما فرطن فيه ولم يجعلن أحد ينظر إليه.
* وأخيراً إعصى الله فى مكان لا يراكى فيه. واعلمى أن شروط الخلوة المحرمة بين الرجل والمرأة تنتطبق تماما على الشات أو الماسنجر وبالمقابل على التليفون.
حتى زمايلك فى الشغل مثلاً أو فى الدراسة لو حبيتى تكلميهم يكون فى أضيق الحدود وكلمة ورد غطاها زى مابيقولوا عشان ماتديش فرصة للشيطان أنه يدخل فى المكالمة ويجعلك تخضعى بالقول فيطمع الذى فى قلبه مرض. وبما أن القلوب المريضة كتيرة و ملهمش أعراض واضحة فخدى حذرك وبلاش الإختلاط.
واعرفى أن ربنا مش هيحرم حاجة إلا لو كانت ضارة وفيها مفسدة للجميع. فاغلقى هذا الباب سريعاً.

خدوا بالكم يا بنات لأن ده برضه حرااام.